የዶክተር መረራ ጉዲና ቤተሰቦች ስንቅ ከማቀበል በዘለለ ለማነጋገር እንደማይችሉ ተነገረ

ዶክተር መረራ ጉዲና ከሽብርተኛ ድርጅት ጋር በመገናኘት ወንጀል ተጠርጥረው በቁጥጥር ስር ከዋሉ ሶስት ወር የሞላቸው ሲሆን ጤንነታቸው አለመታወኩን
ጠበቃቸው ዶክተር ያዕቆብ ኃይለማሪያም ገለፁ።
የደንበኛቸውን የጤንነትና የምርመራ ሁኔታ የተጠየቁት ዶክተር ያዕቆብ “በሳምንት ለሁለት ቀናት (ረቡዕ እና ዓርብ) ለ30 ደቂቃዎች እኔና ሌላኛው ጠበቃቸው አቶ ወንድሙ ኢብሳ እንድናነጋግራቸው በተፈቀደልን መሰረት እየጎበኘናቸው ነው። ጤንነታቸው በተመለከተ ደህና መሆናቸውን ነግረውናል” ሲሉ የዶክተር መረራ ጤንነት በጥሩ ሁኔታ እንደሚገኝ ተናግረዋል። ዶክተር መረራ በቁጥጥር ስር ውለው በቀድሞ ማዕከላዊ የምርመራ ጣቢያ የሚገኙ ሲሆን ላለፉት ሶሰት ወራት ለሶስት ጊዜ ፍርድ ቤት ቢቀርቡም እስካሁን የክስ ቻርጅ አለመነበቡን የገለጹት የህግ ባለሙያው “በተለይ በሶስተኛው ቀጠሯቸው የክስ ቻርጁ መነበብ እንዳለበት ለፍርድ ቤቱ ብናቀርብም አቃቢ ህግ የሰውና የሰነድ ማስጃዎችን አሰባስቤ አልጨረስኩም በማለቱ ዳኛው ለአራተኛ ጊዜ በደንበኛዬ ላይ ቀጠሮ ሰጥተዋል” ሲሉ ገልጸዋል።
የዶክተር መረራ ጉዲና ቤተሰቦች ስንቅ ከማቀበል በዘለለ ለማነጋገር ያልተፈቀደላቸው መሆኑን የገለጹት ዶክተር ያዕቆብ ደንበኛቸው የካቲት 16 ቀን 2009 ዓ.ም ለአራተኛ ጊዜ ፍርድ ቤት እንደሚቀርቡ ተናግረዋል። ዶክተር ያዕቆብ አክለውም “ዶክተር መረራ በቁጥጥር ስር በዋሉበት ሰሞን ከእኛ ጋር የምንገናኘው እጃቸውን በካቴና ታሰረው ነበር። ሆኖም ይህ ድርጊት ተገቢ አለመሆኑን በመገናኛ ብዙሃን ከገለጽኩ በኋላ እጃቸውን በካቴና ሳይታሰሩ ነው የምናገኛቸው” ብለዋል።

16266251_1248266475267774_2596220851978438808_n

በበለሳ ግንባር በከፋኝ ሃይሎችና በወያኔ መካከል ከባድ ውጊያ እየተደረገ ነው

16114034_379724762420032_2191638666481950464_n

ከጎንደር በደረሰን መረጃ መሰረት ብዛት ያላቸው የወያኔ ወታደር የጫኑ መኪኖች ወደ በለሳ ግንባር እየሄዱ ስለሆነ መረጃው ለህዝባችን በቶሎ ይድረስ።

ላለፉት ሶስት ቀናት በበለሳ ግንባር በከፋኝ ሃይሎችና በወያኔ መካከል ከባድ ውጊያ እየተደረገ ሰንብቷል። የከፋኝ ሃይሎች የተቀናጀ ትግል ለማድረግ በለሳ ውስጥ ለማድረግ አቅደውት የነበረው ጉባኤ ወያኔ መረጃ ስለደረሰው ለጊዜው ሳይከናወን ቀርቷል። ይሁንና ይህን መረጃ ያወጣው እከሌ የሚባል የጎበዝ አለቃ ነው በማለት ሃላፊነት በጎደለው መልኩ በአንዳንድ ሃይሎች መራገቡ በእንጭጩ መታረም ካልቻለ በትግል ላይ ያሉትን መከፋፈል ብሎም ለአደጋ ማጋለጥ ነው።

በተጨማሪም በማህበራዊ ሚዲያ መረጃ የምትለቁ እጅግ ጥንቃቄ እንድታደርጉ በትህትና ልለምናቹህ። እባካቹህ የጎበዝ አለቆችን ስምና የትግል ቦታወች አትጥቀሱ። ምስላቸውንም አታሳዩ። በስልክ እየደወላቹህም ዝርዝር ጉዳይ አታውሩ። ወያኔ ከፍተኛ የሆነ የስልክ ጠለፋ እያደረገ ለመሆኑ ተደጋጋሚ ሪፖርት አውጥተናል።
ድል ለጀግኖቻችን!
ህዝብ ያሸንፋል®!
ሙሉነህ ዮሃንስ

ከእነ አቶ በቀለ ገርባ ጋር ተመሳጥረዋል የተባሉ ፖሊሶች ክስ ተመሰረተባቸው

በሽብር ወንጀል ተጠርጥረው ከታሰሩት አቶ በቀለ ገርባ እና ዶ/ር ፍቅሩ ማሩ ጋር ምስጢራዊ ግንኙነት ሲያደርጉ ነበር የተባሉ የቂሊንጦ ወህኒ ቤት ፖሊሶች ክስ ተመሰረተባቸው፡፡ ተከሳሾቹ የፖሊስ አባላት መሳይ በላይ፣ ጌታቸው ሰይድ፣ ዋና ሳጅን ሐጎስ ወልደ ሥላሴ፣ ፍላቴ ቁለምና ምክትል ኢንስፔክተር ገመቹ ዳንዳአታኮ የሚባሉ ሲሆኑ፣ በተለያዩ ጊዜያትም ለተለያዩ እስረኞች በአማርኛ፣ በኦሮሚኛ እና በእንግሊዝኛ የተጻፉ መልዕክቶችን ወደ ውጭ በማውጣት ለጋዜጠኞች መስጠታቸውን ዓቃቤ ህግ በክሱ ላይ ገልጿል፡፡
በሙስና ወንጀል ተከሰው በቂሊንጦ ከሚገኙት ዶ/ር ፍቅሩ ማሩ እና የኦፌኮ ተቀዳሚ ምክትል ሊቀመንበር ከሆኑት አቶ በቀለ ገርባ ጋር ተከሳሾች የተለየ ግንኙነት ነበራቸው ሲል የገለጸው ዓቃቤ ህግ፣ ከዶ/ር ፍቅሩ 1 ሺህ ብር በመቀበል የሞባይል ስልክ ወደ ቂሊንጦ አስገብተው እንዲደውሉ አድርገዋል ሲል ዓቃቤ ህግ አክሎ ገልጽዋል፡፡ እንደዚሁም በሽብር ወንጀል ተጠርጥረው የተከሰሱት አቶ በቀለ ገርባ 40 ሺህ ብር እንዲያስገቡላቸው ሲጠይቋቸው በመስማማት፣ ጎተራ ሪፍት ቫሊ ዩኒቨርሲቲ ድረስ በመሄድ ማንነቱ ካልታወቀ ግለሰብ ተቀብለው፣ ገንዘቡን እኩል ቦታ ከከፈሉ በኋላ ወደ ወህኒ ቤቱ አስገብተዋል ያለው ዓቃቤ ህግ፣ ተከሳሾቹ ገንዘቡን ላስገቡበት ውለታም 10 ሺህ ብር ተቀብለዋል ብሏል፡፡
‹‹ተከሳሾቹ ከማረሚያ ቤቱ የቀጠሮ እስረኞች ጋር ያልተገባ ግንኙነት በመፍጠር ቅርፅና ይዘታቸው ያልታወቁ መጣጥፎችን ለጋዜጠኞች ከማድረሳቸው በተጨማሪ፣ ከ200 ብር በላይ ወደ ማረሚያ ቤቱ እንደማይገባ እያወቁ ለእስረኞች እስከ 70 ሺህ ብር ድረስ አስገብተዋል፡፡ ለራሳቸው ደግሞ ከ300 ብር እስከ 30 ሺህ ብር ድረስ ተቀብለዋል፡፡›› በማለት በመሰረተው የክስ ዝርዝሩ ላይ የገለጸው ዓቃቤ ህግ፣ በአጠቃላይ ተከሳሾቹ ፖሊሶች የወንጀል ሕግ አንቀጽ 32(1ሀ)፣ 38 እና የሙስና ወንጀሎች አዋጅ ቁጥር 881/2007 አንቀጽ 9(1ሀ) ሥር የተደነገገውን በመተላለፍ ሥልጣንን ያላግባብ መጠቀም ወንጀል ተከስሰዋል ብሏል፡፡

የቻዱ ሙሳ ፋቂ መሃማት የአፍሪካ ኅብረት ኮሚሽን ሊቀ-መንበር ሆነው ተመረጡ።

መሃማት እንደ አውሮጳውያን አቆጣጠር ከ2003 እስከ 2005 የቻድ ጠቅላይ ሚኒስትር ሆነው አገልግለዋል።

ከ2007 እስከ 2008 ባለው ጊዜም የአገሪቷ የኢኮኖሚ፣ የማኅበራዊና የባህል ምክር ቤት ፕሬዚዳንት ሆነው ሰርተዋል።

የአገሪቷ የውጭ ጉዳይ ሚኒስትር ሆነው ማገልገላቸውንም ግለ-ታሪካቸው ያሳያል።

ሙሳ ፋቂ የአገሪቷን ሁለት ተቋማት በሚኒስትርነት የመሩና የቻድ የስኳር ኩባንያ ዋና ዳይሬክተር የነበሩም ናቸው።

የፕሬዚዳንት ኢድሪስ ዴቢ ካቢኔ ዳይሬክተርና የ2001 ምርጫ ዘመቻ ኃላፊ ሆነውም አገልግለዋል።

እናም በምርጫው የፈረንሣይኛ ተናጋሪ የአፍሪካ አገራትን ድጋፍ ማግኘታቸው ለመመረጥ እንዳበቃቸው ተገምቷል።

የአፍሪካ ኅብረት ከተመሰረተ የአንድ ጎልማሳ ዕድሜ ይዟል።

ከ54 ዓመት በፊት በአፍሪካ አንድነት ድርጅት ስም የተመሰረተው የአፍሪካውያን ስብስብ እንደ አውሮጳውያን አቆጣጠር ከ2001 ጀምሮ ወደ አፍሪካ ኅብረት ኮሚሽንነት ተሸጋግሯል።

ወደ አፍሪካ ኅብረት ኮሚሽነት ከተሸጋገረ በኋላ ዶክተር ንኮሶዛና ድላሚኒ ዙማን ጨምሮ አራት ሊቀነ-መናብርት ተፈራርቀውበታል።

አማራ ኤሲ፣ አልፋ ኦማር ኮናሬ፣ ዣን ፒንግና ንኮሳዛና ድላሚኒ ዙማ ደግሞ ኅብረቱን በሊቀ-መንበርነት የመሩ ናቸው።

በዘንድሮ ምርጫ ለሊቀ-መንበርነት ኬንያዊቷ ዶክተር አሚና መሐመድ፣ የቀድሞዋ ጋዜጠኛ ቦትስዋናዊቷ ፔሎኖሚ ቬንሰን-ሞታይ፣ የኢኳቶሪያል ጊኒ አጋፒቶ ምባ ሞኩይንና ሴኔጋላዊው ዶክተር አብዱላይ ባዚልይ እና የምርጫው አሸናፊ የቻዱ ሙሳ ፋቂ መሃማት በዕጩነት መቅረባቸው ይታወሳል።

አሸናፊ አራርሳ

16298448_1862008347389001_7638036546556005319_n16387256_1862008570722312_7266260968354735082_n

የኖርዌይ አምባሳደር ከሰማያዊ ፓርቲ አመራሮች ጋር ውይይት አካሄዱ !

የሰማያዊ ፓርቲ ሊቀመንበር አቶ የሺዋስ አሰፋ እንዲሁም የፓርቲው የውጪ ጉዳይ ኃላፊ መምህር አበበ አካሉ፤ የኖርዊይ አምባሳደር ባደረጉላቸው ጥሪ መሰረት ከአምባሳደር አንድሪያስ እና ከሥራ ባልደረቦቻቸው ጋር በኖርዌይ ኢምባሲ ውይይት አካሄዱ ።
አምባሳደሩ እንደገለጽት ከሆነ፣ የኖርዌይ መንግሥት የኢትዮጵያን እና የአፍሪካ ቀንድ ወቅታዊ ሁኔታ በንቃት እየተከታተለ እንደሆነ እና ሰማያዊ ፓርቲ የሚያደርጋቸው እንቅስቃሴ ኢንቢያሳቸው መከታተሉን የገለጽ ሲሆን፤ በተለይ የሰማያዊ ፓርቲ የብሔራዊ ምክር ቤት አባል የሆነው አቶ አግባው ሰጠኝ፣ የቀድሞ የህዝብ ግንኙነት ኃላፊ አቶ ዮናታን ተስፋዬ፣ መምህር በቀለ ገርባ እና ዶ/ር መራራ ጉዲና እንዲሁም ሌሎች የፖለቲካ እስረኞች ጉዳይ በኢምባሲያቸው በኩል ክትትል እያደረጉ መሆኑ፣ በተለይ መንግስት ከተቃዋሚዎች ጋር አደርግዋለው የሚለውን ውይይት እና ድርድር ትኩረታቸውን እንደሳበው ገልፀዋል። ከመንም በላይ የኖርዌይ መንግሥት ከኢትዮጲያ ጋር ባላው የለጋሽነት እና የአጋርነት ጉንኙነት ሁኔታዎችን በቅርበትና በትኩረት የኖርዌይ መንግሥት እንዲከታተል እንዳስቻለው በውይይታቸው ላይ ገልጸዋል ።

h-copy-2
በሰማያዊ ፓርቲ አባላት እና አመራሮች ላይ፣የተለያዩ የተቃዋሚ ፓርቲ አባላቶች እና ጋዜጠኞች ላይ እየደረሰ ያለው እስር እና እንግልት፤ በተለይ በአገራችን የተቀሰቀሰው ህዝባዊ ተቃውሞ እና እሱን ተከትሎ መንግሥት እየወሰደ ያለው አስከፊ እርምጃ ሰማያዊ ፓርቲ እንደሚያወግዝ እና ተገቢውን ምላሽ እንዲሰጥ ይሄኑን ሃሳብ በተለያየ መንገድ ለገዢዎ መንግሥት ጥያቄ ቢያቀርብም ምላሽ መታጣቱ አቶ የሺዋስ እና መምህር አበበ አካሉ በውይይታቸው ላይ በዋነኝነት የገለጹት ሃሳብ ነው።
ገዢው መንግሥት ከተቃዋሚዎች ጋር አደርገዋለሁ ያለው ውይይና ድርድር በተመለከተ ሰማያዊ ፓርቲ የትኛውንም አይነት ድርድርና ውይይት ለማካሄድ እና አማራጭ ሃሳብች ለማቅረብ የአቅም ውስንንት የሌለበት ቢሆንም፤ ፓርቲው ቅድሚያ ትኩረት የሚሰጣቸው ጉድይ እንዳለው በውይይቱ ላይ የፓርቲው ተወካዮች ገልጸዋል ። በዚህ ድርድር እና ውይይት ላይ ገደብ ሳይበጅለት የሚመለከታቸው ሁሉ መሳተፍ እንዳለባቸው ፣ የአስቸኳይ አዋጅ ተደንግጎ እያለ ውይይትና ድርድር ማካሄድ ከባድ መሆኑ፣ ከአስቸኳይ አዋጁ ጋር በተያያዘ ታፍሰው በተለያየ እስር ቤት ውስጥ የሚገኙ እስረኞች ሳይፈቱ፣ የተቃዋሚ ፓርቲ አባላት፣ የሰብአዊ መብት ተሟጋች እንዲሁም ጋዜጠኞች ለእስር ተዳርገው የሚካሄደው ውይይትና ድርድር ውጤቱ ብዙ እርቀት የማያስኬድ በመሆኑ ሰማያዊ ፓርቲ ቅድሚያ እነዚህ ጉዳዮች እንደሚያሳስብት ለአምባሳደሩ ገለፃ ተደርጎላቸዋል ። አምባሳደሩ እና ረዳታቸው ሰማያዊ ፓርቲ የሚያሳስበው እና ትኩረት የሚሰጣቸውን ጉዳይ እና በውይይታቸው ወቅት የተነሱ ሃሳቦችን አስመልክቶ ከኢትዮጲያ መንግስት ጋር ውይይት እንደሚያደርጉ ለአቶ የሺዋስ እና ለመምህር አበበ አካሉ ገልጸዉላቸዋል ።

%d bloggers like this: