የአርበኞች ግንቦት 7 የሰሜን ኢትዮጲያ ዕዝ ታጋዬች በወያኔ ሀይል ላይ ጥቃት መፈፀማቸው ተነገረ

በደቡብ ጎንደር የአግ7 የሰሜን ኢትዮጲያ ዕዝ ታጋዬች ባሳለፍነው ሳምንት ነበር በወያኔ ሀይል ላይ ጥቃት ማድረሳቸው የተነገረው።  ከለሊቱ 6:00 እስከ 8:00 በቆየው የተኩስ ልውውጥ የወያኔ ፀረ ሽምቆች ሀይሎች እግሬ አውጭኝ በማለት መሸሻቸው የተነገረ ሲሆን

ለማምለጥ በሚሞክሩበት ጊዜም ወደገደል የገቡና ከፍተኛ ጉዳት የደረሰባቸው መሆኑንም ተነግራል።

በወቅቱ ይህን የወያኔን ፀረ ሽምቅ በዋና አዛዥነት እና በምክትል አዛዥነት ሲመሩት የነበሩ ዋና አዛዥ ማሩ ዋለ እና ምክትሉ ጌትነት ወንድዬ መሽገውበት እና ማዘዣ ጣቢያ አድርገው ይጠቀሙበት የነበረው ሁለት ትልልቅ ክፍሎች ከነ ሙሉ ንብረታቸው እና ዕቃቸው በቦምብ በእሳት መጋየታቸውም ተነግራል።

እነዚህ አዛዦች ሆድ አደር በመሆን ለህወሓት አገልጋይ ሆነው የአካባቢውን ህብረተሰብ መኖሪያቤት ፡ አዝመራ ሲያቃጥሉ እና የህዝቡን የቤት እንሰሳ ሲያርድና ሲዘርፉ የነበሩ እንደነበር መረጃዎች ያሳያሉ።

ይህ ዘመቻ ከአሁን በኃላ ለሆዳቸው በማደር በማንኛውም መልኩ ለህወሓት አገልጋይ በመሆን እየሰሩ በሚገኙ ሁሉ እርምጃውና ጥቃቱ የሚቀጥል መሆኑን ባካባቢው የተንቀሳቀሱ ያሉት የአርበኞች ግንቦት 7 ዓይሎች መናገራቸውም ተነግራል።
ድል ለሰፊው የኢትዮጵያ ህዝብ
ሞት ለዘረኛው የወያኔ ቡድን

Advertisements

በሰርባ መስኖ ተፋሰስ ፕሮጀክት ላይ ጥቃት ፈጽመዋል በተባሉ የአርበኞች ግንቦት ሰባት ታጣቂዎች ላይ ክስ ተመሰረተ

የፌደራል ጠቅላይ አቃቤ ህግ በሰርባ መስኖ ተፋሰስ ፕሮጀክት ላይ ጥቃት ፈጽመዋል ባላቸው የአርበኞች ግንቦት ሰባት ታጣቂዎች ላይ ክስ መሰረተ።

 

በክስ መዝገቡ ላይ እንደተብራራው ታጣቂዎቹ በፈጸሙት ጥቃት ሁለት ሰዎች ሲገደሉ አምስት ቆስለዋል።

ባለፈው ዓመት መጋቢት 25/2009 ተፈጸመ የተባለውን ጥቃት በወቅቱ የአርበኞች ግንቦት ሰባት ንቅናቄ ሃላፊነት እንደሚወስድ መግለጹን መዘገባችን ይታወሳል።

 

መጋቢት 25 2009 የአርበኞች ግንቦት ሰባት ታጣቂዎች በሰሜን ጎንደር ዞን በደምቢያ ወረዳ ሰርባ በሚገኘው የመስኖ ፕሮጀክት ላይ ጥቃት በፈጸሙበት ወቅት፡ ፕሮጀክቱ የህዝባዊ ወያኔ ሀርነት ትግራይ ህወሀት ንብረት የሆነው የትግራይ መልሶ ማቋቋሚያ ድርጅት ኢፈርት የሚያከናውነውና ከፍተኛ የህዝብ ሀብት በዘረፋ ለህወሀት የሚገባበት መሆኑ በምክንያትነት ተጠቅሷል።

በህዝብ ማዕቀብ የተደረገበት የዳሽን ቢራ ለማጥመቂያ የሚሆነውን ግብዐት የሚያበቅልበት የመስኖ ፕሮጀክት መሆኑም ለጥቃት ኢላማ መደረጉን በወቅቱ መዘገቡ ይታወሳል።

በዚህም ከስርዓቱ ጋር የጥቅምና የዓላማ ግንኙነት አላቸው በተባሉ የፕሮጀክቱ አመራሮች ላይ እርምጃ መውሰዱን አርበኞች ግንቦት ሰባት አስታውቋል።

የፌደራል ጠቅላይ አቃቤ ህግ ይህን ጥቃት ፈጽመዋል ባላቸው 14 ግለሰቦች ላይ ክስ መመስረቱን ሪፖርተር ጋዜጣ ዘግቧል።

የፌደራል ጠቅላይ አቃቤ ህግ የክስ መዝገብ ላይ እንደተገለጸው ተከሳሾቹ የአርበኞች ግንቦት ሰባት ድርጅት አባልና ታጣቂ በመሆን፣ በሰሜን ጎንደር ዞን ደምቢያ ወረዳ መንድባ ጫካ ውስጥ ወታደራዊ ቤዝ በመመሥረትና ሙሉ የጦር መሣሪያ በመታጠቅ፣ ከኤርትራ በመጡ አመራሮች ፖለቲካዊና ወታደራዊ ስልጠና ወስደዋል።

ተከሳሾች በመጋቢት ወር 2009 በመንድባ ጫካ ውስጥ ከተሰበሰቡ በኋላ ባደረጉት ምክክር፣ መንግሥት በአማራ ክልል ሰሜን ጎንደር ዞን ደምቢያ ወረዳ ውስጥ በቻይና ኮንትራክተሮች እያስገነባ ባለው የሰርባ የመስኖ ተፋሰስ ፕሮጀክት ላይ የሽብር ጥቃት ለመፈጸም መስማማታቸውን የዓቃቤ ሕግ ክስ ያብራራል፡፡

መጋቢት 25 2009 ከሌሊቱ ሰባት ሰዓት አካባቢ እነዚህ ተከሳሾች ጥቃት በመፈጸም ሁለት ሰው መግደላቸውንና አምስቱ ላይ ከባድ የአካል ጉዳት መድረሱንም የአቃቤ ክስ ላይ ተጠቅሷል።

ጠቅላላ ግምቱ 1,933,760 ብር በሚገመት ንብረት ላይ ውድመት መድረሱም ተጠቁሟል።

በአዲስ አበባ ፌዴራል ከፍተኛ ፍርድ ቤት ልደታ ምድብ ችሎት መታየት በጀመረው በዚሁ ክስ 14ቱ ግለሰቦች በሌላም ተቋም ላይ ጥቃት በመፈጸም ተወንጅለዋል።

ሚያዝያ 12 2009 በሰሜን ጎንደር ዞን ደምቢያ ወረዳ ጉራምባ ቀበሌ በሚገኝ የአማራ ውኃ ሥራዎች ኮንስትራክሽን ድርጅትና ማሽኖች ላይ ጥቃት በመፈጸም ግምቱ 134,686 ብር የሆነ ንብረት ላይ ጉዳት ማድረሳቸውን የዓቃቤ ሕግ ክስ ያትታል።

ተከሳሾቹ አባላት በመመልመል በአካባቢው በሚገኝ ጫካ ውስጥ የማደራጀት፣ የማስታጠቅና ወታደራዊ ሥልጠና እንዲወስዱ በማድረግ በሚልም ተከሰዋል።

ሌሎች ተፈጽመዋል የተባሉ ድርጊቶችን በመጥቀስ አቃቤ ህግ በ14ቱ ግለሰቦች ላይ የሽብረትኝነት ክስ ማቅረቡን ነው ከሪፖርቱ ለማወቅ የተቻለው። ቀጣዩ የፍርድ ቤት ቀጠሮ ለጥቅምት 2 2010 ሆኖ የዕለቱ ችሎት አብቅቷል።

የህወሀት መንግስት ጥቃቱን የፈጸሙት እነዚህ ግለሰቦች ናቸው በሚል ክስ ቢመሰርትባቸውም ስርዓቱ የሚያመልጠኝ የለም ለሚል የፕሮፖጋንዳ ፍጆታ በጥቃቱ ያልተሳተፉትን በመያዝ ክስ የሚመስርትበት የተለመደ ተግባር መሆኑን ለጉዳዩ ቅርበት ያላቸው ወገኖች ይገልጻሉ።

የአርበኞች ግንቦት 7፣ ለአንድነትና ለዴሞክራሲ ንቅናቄ፣ አንደኛ መደበኛ ጉባኤን በሚመለከት የወጣ መግለጫ

የአርበኞች ግንቦት 7፣ ለአንድነትና ለዴሞክራሲ ንቅናቄ፣ ከጳጉሜ 1 ቀን 2009 ዓ.ም ጀምሮ እስከ መስከረም 1 ቀን 2010 ዓ.ም ድረስ ባደረገው የመጀመሪያው ጉባኤ፣ የሀገራችንን ወቅታዊ የፖለቲካ፣ የኢኮኖሚ፣የማህበራዊ ሁኔታዎችንና በአሁኑ ሰዓት የሚትገኝበትን የደህንነት ስጋት በስፋትና በጥልቀት ፈትሿል። በፍተሻው ሀገራችን ኢትዮጵያ በረጅም ታሪኳ የገጠሟት እጅግ ፈታኝ ወቅቶች እንዳሉ አስታውሶ፤ በአሁኑ ወቅት የምትገኝበት ሁኔታ ግን ከዚህ በፊት ገጠሟት ከነበሩ አስቸጋሪ ሁኔታዎች ሁሉ እጅግ የከፋ እንደሆነ ጉባኤው ድምዳሜ ላይ ደርሷል። አገራችን አሁን ለደረሰችበት አሳዛኝ አደጋ ደረጃ ላይ ለመድረስ ዋነኛው ምክንያት ላለፉት 26 ዓመታት በወያኔ የበላይነት የተዘራው መርዛማ የዘር ፖለቲካ መሆኑን አረጋግጧል።
በአሁኑ ወቅት የወያኔ መርዛማ የዘር ፖለቲካ በተለያዩ የህብረተሰቡ ክፍሎች ውስጥ የዘራው የጠላትነት፣ የፍራቻና የጥርጣሬ ወረርሽኝ በራሱና የህወሀት/ኢህአዴግ ግንባር ድርጅቶች ውስጥ ጭምር ገብቶ፣ እርስ በእርስ በውስጥ ሽኩቻ እና የግንባር ድርጅቶቹ ደግሞ ከሌሎች የግንባር ድርጅቶች ጋር ወደ ጥፋት ጎዳና በፍጥነት በሚጓዝ የትንንቅ ሂደት ውስጥ ገብተዋል። የሀይለማሪያም ደሳለኝ አሻንጉሊት መንግስትም ለዚህ የጥፋት ሂደት፤ የአጋፋሪነት ሚናን በመጫወት ላይ ይገኛል። ይህ ሂደት በምን ሁኔታ ሊጠናቀቅ እንደሚችልና ሊያስከትል የሚችለውም እጅግ አስፈሪ ሀገራዊ ሁኔታ ጉባኤውን እጅግ አሳስቦታል።
በሀገሪችን ኢትዮጵያ ያለው የሽፍታ ኢኮኖሚ ወያኔን እና ለወያኔ ሥርዓት ያደሩ ጥቂት ሰዎችን በአጭር ጊዜ ውስጥ የከፍተኛ ሀብት ባለቤት ሲያደርግ አብዛኛውን የሀገሪቷን ዜጋ ደግሞ ለከፍተኛ ድህነትና ረሀብ አጋልጦታል። ለዘረፋ እንዲያመች የተዘረጋው የኢኮኖሚ ሥርዓት ምንም ዓይነት መጠበቂያ ስለሌለው፣ ልክ እንደ ፖለቲካው እርስ በእርሱ መደጋገፍ አቅቶት በአንድ በኩል በብዙ ሚሊዮኖች የሚቆጠሩ ዜጎችን በየጊዜው ለረሀብ ሲያጋልጥ፣ ትንሽም ቢሆን ተፍጨርጭሮ የሚኖረውን የህብረተሰብ ክፍል መሰረታዊ የፍጆታ እቃዎችን እንኳ መግዛትና መጠቀም ከማይችልበት የድህነት ወለል በታች እየወረደ መሆኑ ምን ዓይነት ሀገራዊ ቀውስ እያስከተለ እንደሆነ ጉባኤው ተገንዝቧል።
በህብረተሰቡ ውስጥ የነበረው ማህበራዊ ጥሪትና መተባበር ተሟጦ፣ በማንኛውም ማህበራዊ ግንኙነት ማንም ከማንም ጋር፣ በምንም ዓይነት ጉዳይ፣ በየትኛውም ደረጃ ተማምኖ፣ ምንም ዓይነት ማህበራዊ ግንኙነት ማድረግ ከማይችልበት ደረጃ ላይ ደርሷል። በአንጻሩ ያለመተማመን፣ አንዱ በሌላው ኪሳራ መበልጸግ፣ ሌብነት፣ ሸፍጥ፣ ክህደት፣ ብልጣብልጥነትን “የአዋቂነትና የትልቅነት መለኪያ”፣ የሚያስመስል አመለካከት ከቀን ወደ ቀን በማህበረሰቡ ውስጥ እየተንሰራፋ በመምጣቱ፣በሕዝቡና በሀገሪቷ ላይ እየደረሰ ያለው በቀላሉ የማይታከም በሽታ እየሆነ መምጣቱ ጉባኤውን እጅግ አሳስቦታል።
በአሁኑ ጊዜ በሀገሪቷ ያለው የደህንነት ዋስትና የማጣት ሁኔታ ለተራው ዜጋ ብቻ ሳይሆን ለሥርዓቱ ተጠቃሚ ሰዎች ጭምር ምንም ዓይነት ዋስትና ወደ ማይሰጥበት ደረጃ ላይ ደርሷል። ተራው ዜጋ ፣ ውሎ የመግባት፣ ሰርቶ የማግኘት፣ ለነገ የማሰብ፣ ዋስትና ማጣቱ እንዲህ ካለሥርዓት የሚጠበቅ ቢሆንም፣ ይህ የደህንነት ዋስትና ማጣት የደረሰበት ደረጃ የሥርዓቱንም ተጠቃሚዎች ሰለባ ማድረግ መጀመሩም በገሀድ እየታየ መጥቷል። የአንደኛው ተጠቃሚ ቡድን የሌላውን ቡድን ዓባላት ሰበብ አስባብ እየፈጠረ የሚያጠፋበት ሁኔታ ሥርዓቱ ወደ ለየለት የአራዊት ስርዓት እየወረደ መሆኑን የሚያሳዩ የአደባባይ ትዕይንቶች በተደጋጋሚ መታየት ከጀመሩም ውለው አድረዋል። የአግ7 ጉባኤ፣ የሥርዓቱ አውሬዎች እርስ በእርስ መበላላት ብዙም የሚያስጨንቀው ጉዳይ ባይሆንም፣ በዜጎች ላይ የሚያስከትለው ፈጽሞ የለየለት ሥርዓት ዓልባ ሁኔታ ግን በቀላሉ የሚገመት ሊሆን እንደማይችል ጉባኤው ለማየት ችሏል።
አርበኞች ግንቦት 7፣ ከዚህ በላይ ጉባኤው የተነጋገረባቸው እጅግ አንገብጋቢ አገራዊ ቀውሶች ከቁጥጥር ውጪ ከመሆናቸው በፊት ሊደረግ የሚገባውን አገር አድን እንቅስቃሴ በከፍተኛ ደረጃ መጨመር እንዳለበት በአንድ ልብ ተስማምቷል። ለዚህም እንቅስቃሴ መጨመር የሚያረጋግጠውን ግብ፣ ከግቡ የሚያደርሰውን ስትራቴጂ፣ ስትራቴጂውን የሚሸከም ድርጅታዊ አቅም፣ ድርጅቱን የሚመራ ብቃት ያለው አመራር የሚኖርበትን ሁኔታ፤ የጉባኤውን ሰፊ ጊዜ በመስጠት በአግባቡ ፈትሾ አስፈላጊውን ማሻሻያዎች እና ማስተካከያዎች አድርጓል። ቀጣዩም አገር አድን የትግል ትንቅንቅ ዘመን ውጤታማ እንዲሆን ጉባኤተኛው የሚቻለውን ሁሉ ለማድረግ ቃል ተገባብቷል፤ ይህም ሁኔታየጉባኤተኛውን መንፈስ በከፍተኛ ሁኔታ አድሶታል።
ከዚህም በመነሣት ለመላው ህዝባችንና አገራችን ያለቺበት እጅግ አደገኛ ሁኔታ ለሚያሳስበው የህብረተሰባችን ክፍል በሙሉ የሚከተለውን ጥሪ ማቅረብ ይፈልጋል።
ውድ የኢትዮጵያ ሕዝብ ሆይ!
በቀደምት ሥርዓቶች በደረሰብህ የፍትህ፣ የእኩልነትና የነጻነት እጦት፣ የሥልጣን ባለቤትነትህ ተክዶ በገዛ ሀገርህ እንደ ጠላት እጅግ ከፍተኛ ግፍና ሰቆቃ ሲደርስብህ ኖረሀል። በወያኔ የአገዛዝ ዘመን ግን በግፍ መኖር እራሱ ትልቅ ነገር ሆኖ፣ ሀገርም እንኳ ወደ ማይኖርህ ደረጃ እየወረደ በሚሄድ ሁኔታ ውስጥ ትገኛለህ። ንቅናቄያችን አርበኞች ግንቦት 7፣ ይህ የደረስንበት እጅግ አደገኛ ሀገራዊ ሁኔታ ላይ ለመድረስ የቻልነው፣ እስከ ዛሬ የነበሩ ሥርዓቶች፤ በሕዝብ ላይ የግፍ አገዛዝን በመጫን ሌላውን ዜጋ በማሰቃየት ሥራ የተጠመዱ ስለነበሩ እንደ ወያኔ ላለው ዘረኛና ዓምባገነን ቡድን መንገድ በመጥረጋቸው ነው ብሎ ያምናል። ከዚህ መሰረታዊ እውነታ በመነሳትም ነው ንቅናቄያችን በዋናነት፤ የሀገራችን ትንሳኤ የሚጀመረውና ተጠናክሮ የሚቀጥለው የሕዝብን የሥልጣን ባለቤትነት በሚያረጋግጠው ዴሞክራሲያዊ ሥርዓት ብቻ ነው የሚል መድምደሚያ ላይ የደረሰው። ስለሆነም፤ ንቅናቄያችን ሀገራችን ኢትዮጵያን ካንዣበበባት አደገኛ ሁኔታ የማዳንና የዴሞክራሲ ሥርዓትን በሀገራችን ለማስጀመር የጀመረውን እቅስቃሴ አጠናክሮ ለመቀጠል፣ እንዲሁም ጉባኤው የደረሰበትን ውሳኔዎች ተግባራዊ ለማድረግ በሚያደርገው ሕዝባዊ እቅስቃሴዎች፣ በምትችለው ሁሉ ከጎኑ እንድትቆም ጥሪውን ያቀርባል።
ህወሀት/ኢህአዴግን ለምትቃወሙ የፖለቲካ ድርጅቶች በሙሉ!
አርበኞች ግንቦት 7፣ ከዚህ ቀደምምባደረጋቸውም ሆነበእዚህ ጉባኤ በድጋሚ ያረጋገጠው፤ ንቅናቂያችን ለሥልጣን የሚታገል የፖለቲካ ፓርቲ ሳይሆን፤በሀገራችን ኢትዮጵያ ውስጥ፣ሥልጣን ሁሉም የፖለቲካ ድርጅቶች በዕኩልነት ተወዳድረው በሕዝበ-ውሳኔ የሚዳኙበትንሀገራዊ የፖለቲካ ስርዓት እንዲኖር ለማድረግ የሚሰራ መሆኑን ነው።በመሆኑም ከንቅናቄያችን ጋር በየትኛውም ደረጃ በጋራ በመንቀሳቀስ ሀገራችንን ከተጋረጠባት የጥፋት አደጋ አድነን ሕዝብ በዲሞክራሲያዊ ስርዓት ጥያቄዎቹን የሚፈታበትን ስርዓት በጋራ ዕውን እንድናደርግ የንቅናቄያችን ጉባኤ ልባዊ ጥሪውን ያቀርባል።
ለህወሀት (ኢሕአደግ) ግንባርና አጋር ድርጅቶች ዓባላት በሙሉ፣
በተለያዩ ምክንያቶች የወያኔ ከፋፋይ የዘውግ ፖለቲካ ለብሄሮች እኩልነት የሚሰራ መስሏችሁ ከወያኔ ጋር የተሰለፋችሁ ወገኖች፤ ውሎ እያደር በተግባር እንዳያችሁት ግን ህወሀት/ኢህአዴግ የሚተጋው ዘውጎች በእኩልነት እንዲኖሩ ሳይሆን፣በወያኔ አሽከርነት ሰጥ ለጥ ብለው እንዲገዙ ጫናውን ዕለት ከዕለት እየጨመረ መሆኑን በገሃድ እያያችሁነው። ይህ በማወቅም ሆነ ባለማወቅ እየተሳተፋችሁበት ያለው የአገዛዝ ሥርዓት፤ ወከልነው በምትሉት ሕዝብ ላይ እያደረሰ ያለውን የግድያ፣ የእስራት፣ የማፈናቀል፣ የማዋረድ፣ የማሸማቀቅ የግፍ ስርዓትና በዜጎች ላይ እያደረሰ ያለውን ሰቆቃ እና በአገር ላይ እያደረሰ ያለውን ውድመት ይብቃ ብላችሁ፣ ንቅናቄያችን በሚያካሂደው የአገር አድን እቅስቃሴ ውስጥ በሚቻላችሁ ደረጃ እና ሁኔታ ሁሉ በመሳተፍ ሀገራችንን በጋራ ለመታደግ እንድትሳተፉ ጉባኤያችን ወገናዊ ጥሪውን ያስተላልፋል።
ለኢትዮጵያ የመከላከያና የፖሊስ ሰራዊት ዓባላት በሙሉ፣
የወያኔ ዘረኛና አምባገነን ሥርዓት፤ እድሜውን የሚያራዝመው፣ መብቱንና ነጻነቱን ለማስከበር የሚታገለው ወገናችሁ ላይ በየጊዜውና በየቦታው አሰቃቂ ርምጃ እንድትወስዱ በማድረግ ሲሆን፣ በሌላው ጎኑ ይህ ሥርዓት ከአናቱ እየፈረሰ መሆኑ ደግሞ ከእናንተ የተሰወረ እንዳልሆነ ግልጽ ነው። በቅርብ የምታውቋቸው አለቆቻችሁ ከሲቪል አቻዎቻቸው ባልተናነሰ ሁኔታ በከፍተኛ ዘረፋ በተዘፈቁበት አጸያፊ ድርጊት ምን ያህል ሀብት እንዳካበቱ የአደባባይ ሚስጥር መሆኑን ታውቃላችሁ። ስለዚህ የእናንተ ከዚህ ከበሰበሰና ሊወድቅ እያዘመመ ካለ ሥርዓት ጋር መቆም፤ በሀገራችሁ እና በወገናችሁ ላይ ከሚያስከትለው ሰቆቃ በሻገር፤ እናንተም የስርዓቱ አሰቃቂ ርምጃዎች አስፈጻሚ እና ቀጥተኛ ተሳታፊ መሆናችሁ የተለየ ሀላፊነትን አሸክሟችኋል። በመሆኑም የወያኔን ያበቃለት የአገዛዝ ሥርዓት ዛሬውኑ ትታችሁ እና በሚቻላችሁ ሁሉ በሕዝብ ላይ የምታደርሱበትን ሰቆቃ አቁማችሁ፣ ከወገናችሁ ጎን እንድትቆሙና በምትችሉት አጋጣሚ ሁሉ ንቅናቄያችንን እያካሄደ ያለውን ትግል እንድታግዙ፤ ከተቻለም ንቅናቄያችንን እድትቀላቀሉ በራችን ክፍት መሆኑን ጉባኤያችን ያረጋግጥላችኋል።
በመጨረሻም፣ንቅናቄያችን አርበኞች ግንቦት 7፤ ከጳጉሜ 1 2009 ዓ.ም ጀምሮ እስከ ዛሬ መስከረም 1 2010 ዓ.ም ድረስ ባካሄደው መደበኛ ጉባኤ ባስተላለፈው ውሳኔዎች፣ አገራችን ኢትዮጵያ ሁላችንም በእኩልነት የምንኖርባት አገር ለማድረግና የሕዝብን የሥልጣን ባለቤትነት ለማረጋገጥ የሚደረገውን ትግል እስከ መጨረሻው በጽናት እንደሚገፋ ቃል ኪዳኑን አድሷል። በተጨማሪም ጉባኤው የንቅናቄያችንን ተልዕኮ ለማሳካት የሚያስፈልገውን የዴሞክራሲ ሥርዓት ሂደት እንዲጀመርና አገር የማዳኑም ትንቅንቅ ተጠናክሮ እንዲቀጥል የጀመረውን እንቅስቃሴ እስከዳር ለማድረስ የገባውን ቃል ኪዳን እንደገና በማደስ በዲሞክራሲያዊ ሂደትና በከፍተኛ ስኬት ጉባኤውን አከናውኗል። በያዝነው 2010ዓ.ም የአገራችንን ትንሳኤ በአስተማማኝ ደረጃ ለማስጀመር የሚያስፈልገውን ድርጅታዊ ሁኔታ ማመቻቸቱን ጉባኤው በድጋሚ ያረጋግጣል።
መልካም አዲስ ዓመት ለኢትዮጵያዊያን ወገኖቻችን በሙሉ!
አንድነት ሀይል ነው!!!
ድል ለኢትዮጵያ ሕዝብ!!!
አርበኞች ግንቦት 7፣ ለአንድነት ለዴሞክራሲ ንቅናቄ፣
መስከረም 1 ቀን 2010 ዓ.ም

የአርበኞች ግንቦት 7 ታጋዬች በብአዴን አመራሮች ላይ ጥቃት ማድረሳቸው ተነገረ

ነሀሴ 30 ቀን 2009 ዓ/ም ከቀኑ 11:35 ሲሆን በሰሜን ጎንደር ዞን በጭልጋ ወረዳ አደዛ ኪዳነምህረት በተባለው ቀበሌ ከፌደራል ፣ ከክልልና ከዞን የተወጣጡ አመራሮች ሰሞኑን በተጀመረው “ቅማንት አማራ” እየተባለ ለመከፋፈል የህወሀትን ድብቅ ተልዕኮ ለማሳካት ሲንቀሳቀሱና እንዲሁም ጎንደርን ከሦስት ዞን በመክፈል ምዕራብ ዞን የተባለው እስከየት ድረስ እንደሆን ለማመላከት የገቡትን እነዚህ አመራሮች በአካባቢው ሲንቀሳቀሱ ህብረተሰቡ በአካባቢው ለሚንቀሳቀሱ የአርበኞች ግንቦት ታጋዬች መረጃ በመስጠቱ በተጠቀሰው ቦታ ደፈጣ በመያዝ ይጠቀሙበት በነበረው ኮብራ ተሽከርካሪ ላይ ተኩስ በመክፈት መኪናው ሙሉ በሙሉ ከጥቅም ውጭ ስትሆን ለጊዜው ስሟ ያልተረጋገጠ ከፌዲራል ተወክላ የመጣች አመራር በመቁሶሏ ወደ ጎንደር ለህክምና ተወስዳለች ።

በተጨማሪም አንድ አጃቢ እና አንድ መካከለኛ አመራርም ቆስለው አይከል ከሚገኘው ክሊኒክ የህክና እርዳታ ቢደረግላቸውም ስላልተሻላቸው ዛሬ ጳጉሜ 01 ቀን 2009 ዓ/ም ወደ ጎንደር ሆስፒታል ተወስደዋል።

ከዚህ ጋር በተያያዘ እነዚህ ታጋዬች እዚህ ድረስ መጥተው ጥቃት ሲፈፅሙ የመንግስት ሚሊሻዎች እስከ ምርጫው ድረስ በተጠንቀቅ ( እስታንድ ባይ) እድትሆኑ ታዛቹሁ እያለ በቦታው አለመገኘታቹህ ከታጋዬች ጋር ምክር አላቹህ በማለት የሚኒሻ ኩማንደሩ ትጥቁን እዲፈታና ከኃላፊነት እዲወርድ ተደርጓል።

ይህ በእንዲህ እንዳለ ከዚህ “ከቅማንት አማራ” በሚለው ጉዳይ ላይ የምርጫ ካርድ እንዲወስዱ የተጠየቁ በመተማ ወረዳ መተማ ዮሃንስ ከተማ ፣ የገንድውሃ ከተማ፣ በጭልጋ ወረዳ ፣ የነጋዴ ባህር ከተማ ከፍተኛ ተቋውሞ በማሰማትና የምርጫ ወረቀቶችን እና ቁሳቁሶችን በመቅደድ ተቋውማቸውን አሰምተዋል። በሰሜን ጎንደር ዞን ውጥረቱ የጨመረ ሲሆን ያለውን አጠቃላይ እንቅስቃሴ እየተከታተልን መረጃዎችን ለህዝብ ይፋ የምናደርግ መሆኑን እንገልፃለን።

ድል የህዝብ ነው !

ሰበር ዜና! የአርበኞች ግንቦት 7 ታጋዬች በወያኔ ወታደሮች ላይ ጥቃት ፈፀሙ

የአግ7 ታጋዬች ነሀሴ 29 ቀን 2009ዓ/ም ከምሽቱ 5:00 ሲሆን በሰሜን ጎንደር ዞን መተማ ወረዳ ዴንኮ ቀበሌ መሽጎ በነበረው የህወሓት ወታደሮች ላይ በወሰድት ድንገተኛ ጥቃት 2 ሲሞቱ 3 ቆስለዋል፣:

የአንደኛው ሟች አስከሪን ዛሬ ጥዋት ነሀሴ 30 ቀን 2009ዓ/ም ከጥዋቱ 1:45 ሲሆን ከመተማ ተጭኖ ወደ ጎጃም የተወሰደ ሲሆን የአንደኛው ወታደር አስከሬን ጎንደር አዘዞ ወታደራዊ ካምፕ ተወስዳል ::

ቁስለኞች ወደ ጎንደር ዩኒቨርስቲ ሪፈራል ሆስፒታል ማንቂያ ክፍል ገብተዋል። ይህ በንዲህ እንዳለ ነሀሴ 27 ቀን 2009ዓ/ም ምሽት 2:30 ሲሆን ህወሓት በቅርቡ ለሚደረገው የቅማንት ምርጫ ከፍተኛ ተቋውሞ እና ጥቃት ይሰነዘርብኝ ይሆናል በሚል ፍራቻ በሰሜን ጎንደር ዞን ጭልጋ ወረዳ አዳኝ አገር ጫቆ ሽልም ቀበሌ ወታደሮችን ለማስፈር ያደረገው ሙከራ ከአግ7 ታጋዬች በደረሰበት መከላከል 1 ወታደር ሲገደል 1 ቆስላል ሊሎች በድንጋጤ የተበታተኑ እና ወደ ኃላ የተመለሱ መሆኑን የደረሰን መረጃ ያስረዳል።

%d bloggers like this: