አሜሪካ በፀጥታው ም/ቤት አንስታ ትላልቆቹን ሃገራት የተንጫጩበት አሳብ ምን ይሆን ?

አሜሪካ ሰሞኑን አንድ የሚገርም ሀሳብ በፀጥታው ም/ቤት አንስታ ትላልቆቹን ሃገራት ሳይቀር አንጫጭታለች፡፡

ነገሩ እንዲህ ነው የሰባዓዊ መብት ጥሰት የሚፈፀሙ መንግስታት ያሉባቸው ሀገራት ወደፊት የግጭት ቀጣና (crisis potential) ሊሆኑ ስለሚችሉ እና ለአለም ሰላም ስጋት ሲለሚሆኑ፤ የሰብዓዊ መብቶች ጥሰትን በተመለከተ በፀጥታው ምክር ቤት በቋሚነት አጀንዳ ሆነው ለውይይት እንዲቀርቡ ም/ቤቱን ጠይቃለች፡፡

ምንም እንኳን ለም/ቤቱ አዲስ ሀሳብ ቢሆንም፤ ጉዳዩ ከምርም ለቀጣይ የአለማችን ሰላም ጠቃሚ ነው፡፡

ከአሁን ቀደም ሆነ በአሁኑ ስዓት ግጭት እና አለመረጋጋት ውስጥ ያሉ ሀገሮች የከፋ የሰብዓዊ መብት ጥሰት የሚፈፀምባቸው ናቸው፡፡

ይህን ሀሳብ አባል ሀገሮች፤ በሀገራት የውስጥ ጉዳይ ጣልቃ መገንባት ነው በማለት ተቃውመውታል፡፡

መቸስ ከሰብዓዊነት ይልቅ አሜሪካ የግል ጥቅሟን ተመርኩዛ ሀገሮችን መጥቀምም መጉዳት ተክናበታለች፤ የሀገሮችም ስጋት ከዚያ የመነጨ ይመስላል፡፡

ይህ ጉዳይ የምር ከሆነ የመጀመሪያ ተጠቃሚዎች እኛ ልንሆን እንላለን፡፡ አሜሪካ ሆይ በርች፤ የአሜሪካ መስራች አባቶች በህገመንግሥቱ ያሰፈሩትን የአሜሪካ እሴቶች ተገቢ ነው ቃላችን፡፡


ነጻነት ሚዲያ

ኦብነግ ከሶማሊ ልዩ ሃይልና ከመከላከያ ጋር መዋጋቱ ተዘገበ

ኦጋዴን ኒውስ ኤጀንሲ እንደዘገበው ከሁለት ቀናት በፊት በመከላከያ ሰራዊት በሚደገፈው የሶማሊ ልዩ ሃይልና በኦጋዴን ነጻ አውጭ ድርጅት መካከል በደጋሃቡር አውራጃ፣ በብርቆት ወረዳ ልዩ ስሙ ሊዲለይ በሚባል ስፍራ ላይ በተደረገ ውጊያ 3 አዛዦችን ጨምሮ 17 ወታደሮች መገደላቸውን የአይን እማኞችን ጠቅሶ ዘግቧል።

21 ቁስለኛ ወታደሮች ደግሞ በአየር ወደ ጅግጅጋ ሆስፒታል መወሰዳቸውን የአይን እማኞች እንደገለጹለት የዜና ድርጅቱ አስታውቋል። የኦብነግ ወታደሮች በኮሌራ በሽታ ለተጠቁት የአካባቢው ሰዎች መድሃኒት በማከፋፈል ላይ እያሉ ጥቃት እንደተፈጸመባቸው የዘገበ ሲሆን፣ በኦብነግ በኩል የደረሰ ጉዳት የለም ተብሎአል። ይህንኑ ተከትሎ የአገዛዙ ወታደሮች በአካባቢው ነዋሪዎች ላይ እርምጃ እየወሰዱ መሆኑም ተዘግቧል።

ጥቃቱን በተመለከተ በክልሉ መንግስት በኩል የተሰጠ መግለጫ የለም።

በጎንደር ከተማ ከፍተኛ የወታደራዊ ተሽከርካሪዎች በብዛት አየተንቀሳቀሱ መሆኑን ምንጫችን ገልፆ

ጎንደር የወያኔ ስርዓትን ጭንቅ ውስጥ እንደከተተችና ከፍተኛ ወታደራዊ መኮንኖች ሰሜን ጎንደር በጠላት እጅ መውደቋን አመራሩን ዋና የችግሩ መንስኤ አድርጎ የቆጠረ ስብስባ በጎንደር ከተማ እየተደረገ እንዳለና የህውኃት ከፍተኛ መኮንኖች ጭንቀት ውስጥ እንዳሉ አስተማማኝ መረጃዎች አሰታወቁ፡፡
በስብሰባው ሳሞራ የኑስን ጨምሮ ሌሎች ወታደራዊ መኮንንኖች የተገኙበት ነው ተብሏል፡፡ ከተማዋም ከፍተኛ የወታደራዊ ተሽከርካሪዎች በብዛት አየተንቀሳቀሱ መሆኑን ምንጫችን ገልፆልናል፡፡
**
በሚያዚያ 21-28/2009 ዓ/ም በጎንደር ከተማ የሚከበረው የከተሞች ፎረም ላልተወሰነ ጊዜ የተራዘመ ሲሆን በአሉንም አናከብርም የሚል ይዘት ያለው ፁሁፍ ወረቀት እንደተበተነ የተበተነውን ወረቀት ያዪ የአየን እማኞች ገልፀውልናል።
ለመሆኑ የከተሞች ፎረምና በዐል እነ መቀሌ ያክብሩት እንጂ ለ26 አመት ሆነ ተብሎ እንዳታድግ ለተደረገችው ጎንደር ከተማ ምኗ ነው፡፡ ጎንደር ላይ ባለፉት አመታት ምንስ ሰራን ብለው ሊያስጎበኙ ይሆን ለሚመጡት እንግዶች ነው ወይስ በዐሉ ጎንደርን ላለፉት 26 አመት እንዴት እንደገደሏት በተግባር ልምድ መቅሰሚያ ከተማ መሆኗን ሊያሳዯት፡፡ የወያኔ የለበጣ ስላቅ አያልቅም መቸም!

በሴት ልጁ ላይ ግርዛት ፈጽሟል የተባለ ኢትዮጵያዊ ከ10 አመት የእስር ቅጣት በኋላ ወደ ኢትዮጵያ እንዲመለስ ተደረገ

ነዋሪነቱ በዚሁ በአሜሪካ የነበረ አንድ ኢትዮጵያዊ በሴት ልጁ ላይ ፈጽሞታል በተባለ ግርዛት ከ10 አመት የእስር ቅጣት በኋላ ሰኞ ወደ ኢትዮጵያ እንዲመለስ ተደረገ።
ነዋሪነቱ በጆርጂያ ግዛት የነበረው የ41 አመቱ ካሊድ አህመድ ከ10 አመት በፊት በሁለት አመት ህጻን ልጁ ላይ የፈጸመው ግርዛት በአሜሪካ ታሪክ የተከለከለና ለመጀመሪያ ጊዜ የተፈጸመ እንደነበር ኒው ዮርክ ታይምስ ጋዜጣ የፍርድ ቤት ውሳኔን ዋቢ በማድረግ ዘግቧል። ግለሰቡ በህጻን ልዩ ፈቃድ ላይ ፈጽሞታል የተባለው ግርዛት ለ10 አመታት ያህል በህግ አካላት ዘንድ መነጋገሪያ ሆኖ መቆየቱም ታውቋል።
ግለሰቡ በሁለት አመት ህጻን ልጁ ላይ ፈጽሞት የነበረው ይኸው ድርጊት በታዳጊዋ ቀሪ ህይወት የእድሜ-ልክ ሰቀቀን አሳድሮ መቅረቱን ሻን ጋላገር የተባሉ የኢሚግሬሽንና የጉምሩክ የፊልድ ዳይሬክተር ገልጸዋል።
የሴት ልጅ ተፈጥሯዊ አካልን በግርዛት ማጉደል ዘርፉ ብዙ የጤና እክልና እንደሚያከትል ሃላፊው አክለው ተናግረዋል።
የሴት ልጅ ግርዛት በአሜሪካ በፌዴራል ደረጃ እገዳ የተጣለበት ድርጊት ቢሆንም፣ ግማሽ ሚሊዮን አካባቢ የሚጠጉ ሴቶች ድርጊት እንደተፈጸመባቸው አሊያም ተጋላጭ ሳይሆኑ መቅረቱን ከአምስት አመት በአሜሪካ የበሽታዎች ቁጥጥርና መከላከያ ማዕከል የተካሄደ ብሄራዊ ጥናት አመልክቷል።
ይኸው ድርጊት በተለይ በአሜሪካ በስደት በሚኖሩ የአፍሪካውያን ማህበረሰብ ዘንድ በብዛት የሚካሄድ ድርጊት በመሆኑ የአሜሪካ የህግ አካላት ልጆቻቸውን ለዕረፍት ወደ ሃገራቸው ይዘው በመሄድ ግርዛቱን እንዲያከናውን የሚከላከል ደንብ ተግባራዊ ማድረጉንም ለመረዳት ተችሏል።
የደንቡ ተግባራዊነት ተከትሎ ባለፉት 13 አመታት በድርጊቱ የተጠረጠሩ 785 ሰዎች ወደ ሃገራቸው እንዲመለሱ የተደረገ ሲሆን፣ 380 የሚሆኑ ደግሞ ለእስር መዳረጋቸውን የኢሚግሬሽን ባለስልጣናት ለጋዜጣው ገልጸዋል።
ኢትዮጵያን ጨምሮ ድርጊቱ በስፋት በሚከናወንባቸው ሶማሊያ፣ ኒጀር፣ ሴኔጋልና ሌሎች የአፍሪካ ሃገራት የሴት ልጅ ግርዛት እንዲቀር የሃገሪቱ መንግስታት አስርተ-አመታት የቆየ ዘመቻ ሲያካሄዱ መቆየታቸውን የተባበሩት መንግስታት የህጻናት መርጃ ድርጅት (UNICEF) አስታውቋል።
ባለፈው አመት የሶማሊያ መንግስት የሴት ልጅ ግርዛት በህግ እንዲታገድ ማድረጉ የሚታወስ ሲሆን፣ ለድርጊቱ ሰለባ የሚሆኑ ሴቶች ቁጥር እየቀነሰ በመሄድ ላይ መሆኑም ይገልጻል።

በአስቸኳይ ጊዜ አዋጅ የተደነገጉ የተወሰኑ ክልከላዎች መነሳታቸው ተነገረ

በኦሮሚያና በአማራ ክልል የተቀሰቀሰዉ ተቃዉሞን ተከትሎ የኢትዮጵያ መንግስት ለስድስት ወር የሚዘልቅ የአስቸካይ ጊዜ አዋጅ መስከረም 28 ቀን 2009 ዓ.ም ማወጁ ይታወሳል።

የአስቸካይ ጊዜ አዋጁ የዴሞክራሲ መብት ሙሉ በሙሉ የሚገድብ ፣እንዲህም አገሪቷ በወታደራዊ ዕዝ እንድትመራ ያደረግ ከመሆኑ ባለፈ አዋጁን ተገን በማድረግ የዜጎች ሰብዓዊና ዴሞክራ መብት እየተጣሰ እንደሆነ በማሳሰብ ፣አዋጁ ሙሉ በሙሉ እንዲነሳ የሰብዓዊ መብት ተቆርቋሪዎች እና የፖለቲካ ፓርቲዎች አመራር እና አባላት ፣ አንዲሁም የተለያዩ ለጋሽ አገራት እየተጠየቁ የገኛሉ ።

ይህ በእንዲህ እንዳለ፣ የተወሰኑ ክልከላዎች በዛሬው ዕለት ተነስተዋል ተብላል ። እነሱም ፦

1ኛ.ያለፍርድ ቤት ትዕዛዝ ማንኛውንም ሰው በቁጥጥር ስር ማዋል እና ያለፍርድ ቤት ትዕዛዝ ብርበራ ማድርግ ተሽሯል ።

2ኛ.በሬዲዮ፣ ቴሌቪዥን፣ ጽሑፍ፣ ምስል፣ በፎቶ ግራፍ፣ ቴያትር እና በፊልም የሚተላለፉ መልዕክቶችን
ለመቆጣጠር እና ለመገደብ የወጣው እገዳም ተሽሯል

3ኛ.የተዘረፉ ንብረቶች በመፈተሽ ለባለቤቶቹ እንዲመለሱ ማድረግ እና የመሳሰሉ እርምጃዎችም ተሽሯል፡፡

4ኛ.በመሰረተልማት፣ በፋብሪካዎች እና መስል ተቋማት አካባቢ ከምሽቱ 12 ሰዓት እስከ ንጋቱ 12 ሰዓት ከተፈቀደለት ሰራተኛ በስተቀር ማንኛውንም እንዳይንቀሳቀስ የተላለፈው የሰዓት እላፊ ተሽሯል።

የፊታችን መጋቢት 28 ቀን 2009 ዓ.ም የአስቸኳይ ጊዜ አዋጁ የሚያበቃበት ቀን እንደሆነ ይጠበቃል ። በአስቸኳይ ጊዜ አዋጅ ምክንያት በተለያየ ፖሊሲ ጣቢያ ከ3 ወር በላይ ታስረው የነበሩ እስረኞች እየተፈቱ ነው። ይሁን እንጂ እስካሁን ጋዜጠኛ ኤሊያስ ገብሩ ፣የቀድሞ አንድነት ፓርቲ የድርጅት ጉዳይ ምክትል ኃላፊ የነበረው አቶ ዳንኤል ሺበሺ እና ጦማሪ እዮኤል ፍስሃ ይህ እንዲሁም፣ ሌሎች እስረኞች ይህ መረጃ ይፋ እስከሆነበት ጊዜ ድረስ በአስቸኳይ አዋጁ ምክንያት በእስር ላይ ይገኛሉ። ጋዜጠኛ አናኒያ ሶሪ ከሁለት ቀን በፊት ከእስር ተፈቷል ።

abbaymedia.com

%d bloggers like this: