የብአዴን የሲቪል ደህንነቶች በወታደራዊ ደህንነቶች እንዲተኩ ተደረገ!!

የህወሓት የእጂ ስራ ብአዴን ለይስሙላም ቢሆን በሚቆጣጠራቸው ትልልቅ ከተሞች በተለይ በባህርዳር ፣ በጎንደር ፣ ደብረታቦር እና ፍኖተ ሰላም ከተሞች ተጠሪነታቸው ለወረዳው የደህንነት መዋቅር የሆኑ ደህንነቶች(ጆሮ ጠቢወች ) በየከተሞቹ ስርዓቱ የሚፈልገውን መረጃ እያቀረቡ ባለመሆኑ ፣ በህዕቡ የሚደርሱ ጥቃቶች ከጥቃቱ በፊትም ይሁን ከጥቃቱ በኋላ ምንም አይነት ፍንጭ ባለመገኘቱ ከጥቃቱ ጀርባ ያሉ የነፃነት ሃይሎችን እና ተባባሪ የስርዓቱ አገልጋዩችን ለመያዝ አዳጋች አድርጎታል።

በዚህም የተነሳ ብአዴን እንደድርጂት ተጠሪነቱ ለህወሓት ወያኔ የሆኑ የደህንነት ባለሙያወች እና የባለስልጣናት ጋርዶችን ለመቀየር በህወሓት በተመረጡ ታማኝ የልዩ ሃይል አድማ በታች የመረጃ ክፍሎች እንዲሁም በፌድራል ፖሊስ እና በመከላከያ ውስጥ ሲሰሩ የነበሩ የወታደራዊ ደህንነቶች በሲቪል የደህንነት ስራውን እንዲሰሩ ተመድበዋል። በየአካባቢው የጆሮ ጠቢወች የስርዓቱን አመራሮች ይከሳሉ። “ችግሩ የኛ አይደለም የምናቀርበው መረጃ ያገኘነውን ነው። የደህንነቱ ምስጢር ከላይ ባሉ ሰወች ውጥቷል ” በማለት የእርስ በርስ የመበላላቱን ጉዞ አጋግለውታል።


በተለይ በባህርዳር እና በጎንደር በሲቪል ደህንነት ሲሰሩ የነበሩ የህወሓት/ብአዴን ቅጥረኞች ተይዘው ምርመራ እየተደረገባቸው እንደሆነ ታውቋል። አሁን ላይ በባህርዳር የወታዳራዊ ሰላዩች የሲቪሉን ሰላይ ስራ ሸፍነው ለመስራት እንደተቸገሩ ከልዩ ሃይል አድማ በታኝ የመረጃ ክፍል የነበረ አሁን ሲቪል ደህንነት ውስጥ ያለ የውስጥ አርበኛ አጋልጧል። ብዙ አመት በዚህ ሙያ ውስጥ ወጣቶችን በመመሳሰል ሲያስልፍኑ ሲያስገድሉ የነበሩትን በማስወጣት ሌሎችን ለመተካት የተገደዱት እያንዳንዱ የህወሓት/ብአዴን ባለስልጣንና ትልልቅ ህወሓት ሰራሽ ባለሀብቶች “ለደህንነታችን እየሰጋን ነው ” በሚል የሚያቀርቡት አቤቱታ እየበረከተ በመምጣቱ እንደሆነ ይነገራል።


በሌላ መረጃ
በእብናት በለሳ አካባቢ የሰፈሩ የስርዓቱ ወታደሮች በየ ጊዜው ከቦታ ቦታ በመቀያየራቸው ክፍኛ እያማረሩ እንደሆነ ተሰምቷል። በተለይ በእብናት ወረዳ ወንበሮች ኪዳነ ምህረት ፣ ወፍጮማ በሚባሉ ስፍራወች ** የነፃነት ሃይሎች በስፋት ይንቀሳቀሳሉ ከነሱም በተደጋጋሚ የሚመጣ መልዕክት ይደርሳችኋል ** በሚል በየጊዜው ወደ ተለያየ ስፍራ እየወሰዷቸው እንደሆነ ተሰምቷል። ከሁለት ሳምንት በፊት በወንበሮች ኪዳነምህረት አካባቢ እንዲዘምቱ የተመደቡ ወታደሮች በአንዲት ዛፍ ላይ ተንጠልጥላ የተገኘች ” ስርዓቱን ከድታችሁ ተቀላቀሉን የሚል ጥሪ ” በቃኝ ሃይሉ አዛዡ እጂ ውስጥ መግባት ወዲያውኑ አሰላለፋን እንዲፕውዙ አድርጓቸዋል። ከ2 ሳምንት በፊት ወደ ቤንሻንጉል መንጌ ወረዳ የተቀየረው አሁን በእብናት ወረዳ የሚገኝ የ፲ አለቃ ወታደር እንደሚለው ” አመራሮቹ ተዘባርቆባቸዋል ! በሳምንት ጊዜ ውስጥ ደግሞ ካነሱን ቦታ መደቡን” ይላል።
ወታደሩ አያይዞም ጊዜና ቦታን እንጂ የምንጠብቀው ሁሉም በወገኖቹ ጉዳት ያረረ በአካል እንጂ በሀሳቡ ከአርበኛ ታጋዩች ጋር ነው ብሏል።
የማይቀረው የነፃነት ብርሃን በህወሓት ውድቀት ይበራል !!

በኢትዮጵያ የተለያዩ አካባቢዎች የተቀሰቀሰውን ህዝባዊ ተቃውሞ ተከትሎ፣ በሀገሪቱ አለመረጋጋት መኖሩ ታወቀ፡፡

እንደ መረጃዎች ገለጻ፣ በተለይ በአማራ እና ኦሮሚያ ክልል ያለው የህዝብ ቁጣ አሁንም እንደቀጠለ ነው፡፡ ሰኞ እና ማክሰኞ በአማራ እና ኦሮሚያ ክልሎች የተካሔዱትን ህዝባዊ የስራ ማቆም አድማ እና ተቃውሞዎችን ተከትሎ የተፈጠረው ድባብ አሁንም ድረስ መኖሩን መረጃዎች እየጠቆሙ ነው፡፡ በሁለቱም ክልሎች የተለያዩ አካባቢዎች አሁንም መረጋጋት አለመኖሩን የጠቆሙት ማስረጃዎች፣ በዚህም የተነሳ መደበኛው የእለት እንቅስቃሴ መቋረጡን አመላክተዋል፡፡

በባህርዳር የተካሔደውን ከቤት ያለ መውጣት አድማ ተከትሎ ወጣቶችን በገፍ ሲያስር የቆየው አገዛዙ፣ ዛሬም በከተማዋ ከፍተኛ ቁጥጥር እያደረገ እንደሚገኝ ለማወቅ ተችሏል፡፡ በከተማዋ ያለው ድባብ ውጥረት የነገሰበት መሆኑን የሚገልጹት የዓይን እማኞች፣ የመንግስት ወታደሮችም በተለያዩ የከተማዋ መግብያ እና መውጫዎች መሰማራታቸውንም እማኞቹ ጠቁመዋል፡፡ እንዲሁም በዚያው በአማራ ክልል በደብረ ታቦር እና ደብረ ብርሃን ያለው ድባብ ከወትሮዉ የተለየ እና ተቃውሞ ያረገዘ ሆኖ ተገኝቷል፡፡ ሁለቱ ከተሞች ሰኞ ዕለት የስራ ማቆም አድማ ሲያደርጉ የቆዩ ሲሆን፣ ደብረ ታቦር በማግስቱ ማክሰኞ አድማውን ቀጥላ ውላለች፡፡ በወልድያ ከተማም የህዝብ ተቃውሞ መቀስቀሱን መረጃዎች እየጠቆሙ ናቸው፡፡

በተያያዘ የተቃውሞ ዜና፤ በኦሮሚያ ክልል የተለያዩ አካባቢዎች ህዝቡ መብቱን እየጠየቀ እንደሚገኝ ታውቋል፡፡ ሰኞ ዕለት ተቃውሞዋን በስራ ማቆም አድማ የገለጸችው አምቦ፣ ትላንትም በአድማዋ ቀጥላ መዋሏን መዘገባችን ይታወቃል፡፡ ዛሬም ቢሆን በከተማዋ መደበኛው እለታዊ እንቅስቃሴ አለመከናወኑን ለማወቅ ተችሏል፡፡ በወሊሶ ከተማም እንዲሁ ተመሳሳይ የተቃውሞ ድባብ መስፈኑን የጠቆሙት መረጃዎች፣ በአብዛኛው የሀገሪቱ ክፍል ያለው ሁኔታ አለመረጋጋት እንደሚስተዋልበት መረጃዎቹ አክለው ገልጸዋል፡፡

የአርበኞች ግንቦት 7 ታጋዬች የፖሊስ ጽ/ቤት ላይ ጥቃት ፈፀሙ

ሀመሌ 30 ቀን 2009ዓ/ም ከምሽቱ 4:20 ሲሆን በደቡብ ጎንደር ዞን በእብናት ወረዳ የወረዳውን ፖሊስ ጽ/ቤ/ት በቦንብ ጥቃት ደረሰበት ::

ከቅርብ ጊዜ ወዲህ በቀጠናው የአርበኞች ግንቦት 7 ታጋዬች ተደጋጋሚ ጥቃት በመፈፀማቸው የወረዳው ፖሊስ አዛዥን ጨምሮ ሊሎች የፀጥታ አመራሮች እንደማዘዣ ጣቢያ የሚጠቀሙት ይህን ፖሊስ ጽ/ቤት ነው።

በመሆኑም በጥናት በተመሰረተ መልኩ በትናንትናው ምሽት ይህ ጥቃት ተፈፅማል ፣የደረሰውን ጉዳት በተመለከተ ዝርዝሩ እደደረሰን እንገልፃለን።

በአምቦ ፣ጊንጪ ፣ወሊሶ ፣ ጀልዱ ፤ ዶዶላ …መሰል ዙሪያ አካባቢወች ህዝባዊ አመፁ እና የስራ ማቆም አድማው በስፋት ተጠናክሮ እየተካሄደ ነው

ትግሉ ተቀጣጥሏል ፤ ህዝባዊ ጥሪ ቀርቧል
የአምናው አልበጀንም ፤ ሁሉም በአንድነት ይነሳ !!
በአምቦ ፣ጊንጪ ፣ወሊሶ ፣ ጀልዱ ፤ ዶዶላ …መሰል ዙሪያ አካባቢወች ህዝባዊ አመፁ እና የስራ ማቆም አድማው በስፋት ተጠናክሮ እየተካሄደባቸው ያሉ ከተሞች ናቸው።

በኦሮሚያ ትክክለኛ ባልሆነ የግብር ተመና የተነሳው ህዝባዊ አመፅ እና አድማ እየተደረገ ነው ።

በአምቦ አውቶብስ መናህሪያ ምንም አይነት እንቅስቃሴ አይታይም ፤ወደ ተለያዩ ቦታወች የሚሄዱ ቢኖሩም ትራንስፓርት ባለመኖሩ እንዲቆዩ ተገደዋል።

በጊንጪ ከተማ ላይ ወደ አምቦ ፤ ጀልዱና ግንደበረት የሚወስደው መንገድ ዝግ ነው:: ከጊንጪ ወደ አንቦ ትራንስፓርት የለም። ሱቆች ዝግ ናቸው።

ባንኮች በተጨማሪ ልዩ ወታደሮች እየተጠበቁ ነው።ሁሉም ነገር ዝግ ነው ።በከተማዋ ወጣቶች ተሰባስበው ቁጣቸውን እየገለፁ ሲሆን በሌላ በኩል የፌደራል ፖሊሶች ከተማዋን አንዳንድ ቦታወች ይሯሯጣሉ ።

ህዝባዊ ጥያቄን በአፈሙዝ ለምልፈን እየተንቀሳቀሰ ያለው እና አንድ እግሩ መቃብር ውስጥ የገባው የህወሓት ቡድን ወጣቶቹን ለማስቆም የሀይል እርምጃ ለመውሰድ አሰፍስፈዋል።

በዶዶላ ከተማ በተመሳሳይ ውጥረት አለ። ህዝባዊ ቁጣው ፈንድቷል። የወያኔ ወንበዴ ቡድን በተለያዩ ተሽከርካሪወች ወደ ኦሮሚያ ከተሞች ተጨማሪ ወታደራዊ ሃይል እያስገባ ነው።
ህዝብ ምንጊዜም ያሸንፉል!!

የጎንደርን ህዝብ ትጥቅ ለማስፈታት በሚል በወረታ ፣ አዘዞ፣ ዳባትና እብናት የአጋዚ ጦር መስፈሩ ተነገረ

በጎንደር የአገዛዙን ግፍና በደል በመቃወም ህብረተሰቡ ከፍተኛ አመጽና የትጥቅ ትግል እያካሄደ መሆኑ ስርአቱን በእጅጉ አሳስቦታል ።

በተለይም በሰሜን ጎንደር የሚገኙ የነጻነት ሃይሎች በስርአቱ ላይ ከፍተኛ ጉዳት እያደረሱ መሆናቸው በአካባቢው ከፍተኛ የአጋዚ ጦር እየተሰማራ መሆኑ ተነግሯል ። ‘

በዚሁም ምክንያት በሰሜን ጎንደር ህዝቡን የጦር መሳሪያ ለማስፈታት ከፍተኛ የአጋዚ ወታደሮች በአዘዞ ደባት ወረታ እና እብናት እየሰፈሩ መሆናቸው ታውቋል ።

የአጋዚ ወታደሮቹ በሰሜን ጎንደር ያለውን የህዝብ ጦር መሳሪያ ለመግፈፍና ትጥቅ ለማስፈታት ዝግጅት እያደረጉ በመሆናቸው የአካባቢው ህብረተሰብ ጥንቃቄ እንዲያደርግ ለኢሳት መረጃውን ያደረሱት የነጻነት ሃይሎች ጥሪ አቅርበዋል ። ህዝቡም ለነጻነት ሃይሎች ድጋፍ በማድረግ በአጋዚ ወታደሮች ላይ ጥቃት ከማድረስ ጀምሮ በመረጃም እንዲተባበር ጥሪ ቀርቧል ።


ከወልቃይት የማንነት ጥያቄ ጋር ተያይዞ የተነሳውን የህዝብ ትግል መቋቋም ያቃተው በህውሃት/ ኢህአዴግ የሚመራው መንግስት የአካባቢውን ሰዎች በመግደልና እንዲሰደዱ በማድረግ ከፍተኛ በደል ሲፈጽም መቆየቱ ይታወሳል ። ትግሉ ግን ከመድከም ይልቅ እየጠነከረ በመምጣቱ የተበሳጨው የህውሃት አገዛዝ የወታደር ክምችቱን ቢያጠናክርም ::

%d bloggers like this: