በእስር ላይ የሚገኙ የዩኒቨርሲቲ ተማሪዎች ድረሱልን እያሉ ነው

ቦረና አበራ፣ ወየቻ ታምሩ፣ ወሰኑ ገረመው፣ ዮሃንስ ፉርጋሳ፣ ገዳ ገመቹ፣ እዮብ ሙሊሳ እና ሳሎ ነጋሳ የዲላ ዩኒቨርሲቲ የኢንጅነሪንግ ትምህርታቸውን በሚከታተሉበት ወቅት ለእስር ተዳርገዋል።

የአዲስ አበባን ማስተር ፕላን ምክንያት በነበረው ሕዝባዊ ንቅናቄ ማዕከላዊ አራት ወራት ከታሰሩ በኋላ “ወንጀሉ በተፈፀመበት አካባቢ ይዳኙ” ተብሎ ሚያዝያ 28/2008 ወደ ዲላ ከተማ ተዛውረዋል። ሀምሌ 7/2008 ዓም ወደ ሀዋሳ ተዛውረው በእስር ላይ ይገኛሉ።

የካቲት 7/2010 በነበረው የፍርድ ቤት ውሎ ቦረና አበራ በነፃ ሲሰናበት፣ ቀሪዎቹ እንዲከላከሉ ተበይኖባቸዋል። ተከላከሉ ከተባሉት 6 የዩኒቨርሲቲ ተማሪዎች መካከል ሳሎ ነጋሳ (4ኛ አመት ተማሪ የነበረ) ብቻ “እከላከላለሁ” ሲል ወየቻ ታምሩ (የ3ኛ አመት ተማሪ)፣ ወሰኑ ገረመው (3ኛ አመት)፣ ዮሃንስ ፉርጋሳ (3ኛ አመት)፣ ገዳ ገመቹ (3ኛ አመት) “አንከላከልም” ብለዋል።

ተከሳሾቹ ከቤተሰቦቻቸው ርቀው የታሰሩ በመሆናቸው ችግር ላይ እንደሚገኙ ገልፀዋል። “የሚረዳን የለም፣ ሚዲያም እያስታወሰን አይደለም” ሲሉም ገልፀዋል።በጌታቸው ሺፈራው

 

ሰበር ዜና !! ጎንደር ዩኒቨርስቲ ቴድሮስ ካምፓስ ተማሪዎች ተቃውሞ አሰሙ ፡፡

ጎንደር ዩኒቨርስቲ ቴድሮስ ካምፓስ ተማሪዎች ተቃውሞ አሰሙ ፡፡
ዛሬ ጥር 22 ቀን 2010 ዓ/ም ከቀኑ 7:35 ሲሆን ተማሪዎች ህወሓት እየፈፀመ ያለውን ጭፍጨፋ እና ግዲያ እንዲያቆም ቢጠይቁም ስርዓቱ አስነዋሪ ስራውን በመቀጠሉ እና በሰላማዊ መንገድ የቀረበውን ጥያቄ የህወሓት ወታደሮች በኃይል ለመጨፍለቅ በመሞከራቸው ጉዳዩ ወደ ግጭት አምርቶ በሰው እና በንብረት ላይ ጉዳት እየደረሰ ነው ፡፡

የከተማው ሕዝብ ተማሪዎችን ከጨፍጫፊው ዘረኛ ህወሓት ለመታደግ እየተንቀሳቀሱ ሲሆን ፡ በሌሎች አካባቢዎች ያለውም የህብረተሰብ አካል ተቃውሞውን በመቀላቀል ላይ ይገኛል፡፡

 

የሕዝቡ ቁጣ እየጨመረ በመምጣቱ ለነፃነቱ ዋጋ እየከፈለ ይገኛል

ጥር 17 ቀን 2010 ዓ/ም ከቀኑ 6:15 ሲሆን በጦር ሄሊኮፕተር ልዬ ትግረኛ ተናጋሪዎችን ማለትም በብሔራዊ መረጃና ደህንነት አገልግሎት መ/ቤት የጥበቃ ዋና መምሪያ አባሎች የሆኑ እና የዚህ ዋና ዳሪክተር መኮነን ወይም ወዲ ኮበል እየተባለ በሚጠራ የህወሓት ሰው የሚመራና ተጠሪነቱ ለደህንነቱ ዋና ስራ አስኪያጅ ጌታቸው አሰፋ ከሆነው ክፍል ውስጥ በእጀባና በረራ ደህንነት ውስጥ ልዩ ኩማንዶቹን በተጠቀሰው ቀን እና ሳዓት በሰሜን ወሎ ዞን ቆቦ እና ሮቢት ከተማ በማውረድ ፡ እነዚህ ኩማንዶዎች ሮቢት ከተማ ላይ በቀጥታ ወደ ሕዝብ በመተኮስ 3 ሰዎችን መትተዋል እንደዚሁ በቆቦ ከተማ ዝቅ ብሎ በሚገኘው ጫካ የአግ7 አርበኞች አሉ በማለት ተዋጊ ሄሊኮፕተሩን ዝቅ አድርጎ ያበር ነበር ፡ በተጨማሪም በከተማው ማሀል ዝቅ በማለት በጩሆት ያስፈራራ ነበር ፡፡

ነገር ግን ይሄ አስነዋሪ የህወሓት ስራ ሕዝቡን እና አርበኞችን እጅግ አስቆጥቶ ለሊላ አመፅ ቀስቅሷል ፡ በመሆኑም በአሁኑ ሳዓት ጋብ ቢልም የህወሓት /ብአዴን ንብረት የሆኑ ተቋማት ሙሉ በሙሉ ወድመዋል ፡ በተለይም የሕዝብን ደም በመምጠጥ የሚታወቀው አብቁተ የተባለው መ/ቤት ሮቢት ከተማ ላይ ወድማል እንዲሁም የህወሓት ገዳይ ወታደሮች ያረፋባቸው ለጊዜያዊ መጠለያ የተጠቀማቸው መዘጋጃ ቤት ፡ ቀበሌ ጽ/ቤት ፡ ፍርድ ቤቶች ፡ የአስተዳደር ቤሮዎች እና የስርዓቱ የደህንነት አባላት ንብረቶችና መኖሪያ ቤቶች ተጠቅተዋል ፡ የሕዝቡ ቁጣ ይበልጥ እየጨመረ በመምጣቱ ለነፃነቱ ዋጋ እየከፈለ ይገኛል ::

በተጨማሪም በቆቦ ወታደሮች እርስ በርስ የሚያደርጉት የተኩስ ልውውጥ አለመቆሙን መረጃዎች ደርሰውናል። የቆሰሉ ወታደሮች ወደ ህክምና ቦታዎች ተወስደዋል። አቶ ገዱ አንዳርጋቸው የአገር ሽማግሌዎችንና ጻጻሱን ይዘው ገብተዋል የሚል መረጃም ደርሶናል። ተጨማሪ መረጃዎችን ለማግኘት ጥረት በማድረግ ላይ ነን።

 

 

የአርበኞች ግንቦት 7 አባላቶች በተጠኑ ሥፍራዎች ላይ 800 በራሪ የአርበኞች ግንቦት ሠባት የትግል ጥሪ ወረቀቶች ተበተኑ!

በደቡብ ወሎ ዞን ሀይቅ ከተማ አሥተዳደር ዛሬ ህዳር 29 ቀን እለተ አርብ የአርበኞች ግንቦት 7 አባላቶች በተጠኑ ሥፍራዎች ላይ 800 በራሪ የአርበኞች ግንቦት ሠባት የትግል ጥሪ ወረቀቶች ተበተኑ::

በከተማው ማለትም አሥመራ በር ቀቀዋ በዴሴ ከተማ መግቢያ እና መውጫ በሆነችው ቢሻናቆ በሃይቅ በገባያ ማእከል በመሣናዶ እና በኮሌጅ ትምህርት ቤት መግቢያ እና መውጫ እንድሁም በመከነ እየሡሥ ባለው መግቢያ እና መውጫ በሮች የተበተኑት በራሪ ወረቀቶች በከለርድ የተዘጋጁ እና የተቆራረጡ በመሆናቸው ህብረተሠቡ በቀላሉ በኪሡ ይዞ እንድያሠራጮቸው ታሥበው የተዘጋጁ ከመሆኑ በተጨማሪ በሃይቅ ከተማ ትልቅ ገባያ በሚውልበት አርብ ገበያ ላይም ተበትኖል::

በዚህም ገባያ ከሀይቅ ከተማ አዋሣኝ ወረዳዎች የገጠሩም ሆነ የከተማው ህብረተሠብ ነጋዴው ተማሪን ይሁን አርሶ አደሩ ቀሥቃሽ በራሪ ፅሁፎቹን በእጃቸው እንዲገባ ለማድረግ ታቅዶ የተበተነ ሲሆን በተለያዩ ግርግዳ እና የመብራት ፖሎቹም ላይ ተለጥፈዋል በሶስት አቅጣጫ ለወረቀት ብተና በህብኡ የተደራጁ አባላት በተባለው ሥፍራ እና ጊዜ የበራሪ ፅሁፎቹን ለመበተን የወጡ አባሎቻችን በሠላም ወደ አሉበት ሥፍራ ተመልሠዋል፡፡

በቀጣይም በተጠናና በተደራጀ ሁኔታ በህወህት ሆድ አደር አፋኝ እና አሥገዳይ ግለሠቦች ላይ እርምጃ እንደምንወሥድ እንገልፃለን። አርበኞች ግንቦት 7 የሰሜን ኢትዮጵያ እዝ፡፡

የአማራ ክልል ጠቅላይ ፍ/ቤት የፌደራል ከፍተኛ ፍ/ቤት ስልጣን የለውም ተባለ

በጌታቸው ሺፈራው
የፌደራል ከፍተኛ ፍርድ ቤት ልደታ ምድብ 4ኛ ወንጀል ችሎት የአማራ ክልል ጠቅላይ ፍርድ ቤት የከፍተኛ ፍርድ ቤት ስልጣኑን አጥቷል ሲል ብይን ሰጥቷል። ጥቅምት 23/2010 በእነ ብርሃኑ ሙሉ እና ነጋ የኔው ክስ መዝገብ ስር ክስ የተመሰረተባቸው ተከሳሾች ወንጀሉን ፈፀሙት የተባለው በአማራ ክልል በመሆኑ በወንጀለኛ ወቅጫ ህግ ስ/ስ/ቁ 99 እና 100 መሰረት ወንጀሉ ተፈፀመበት በተባለው ቦታ ክሱ ሊታይ እንደሚገባ ባቀረቡት የክስ መቃወሚያ ፍርድ ቤቱ የአማራ ጠቅላይ ፍርድ ቤት የፌደራል ከፍተኛ ፍርድ ቤት ስልጣንን ስላጣ ጉዳዩን ሊያይ አይችልም ሲል በአብላጫ ድምፅ በይኗል።
ፍርድ ቤቱ የክልል ፍርድ ቤቶች የፌደራል ፍርድ ቤት ስልጣን የተሰጣቸው ኢትዮጵያ በአህዳዊ መንግስት ትተዳደር በነበረችበት ወቅት እንደነበር፣ በአሁኑ ወቅት ኢትዮጵያ የምትተዳደረው በፌደራል ስርዓት ስለሆነ የስነ ስርዓት ህጉ ተፈፃሚ አይሆንም ሲል በአብላጫ ድምፅ ወስኗል።
ፍርድ ቤቱ በአብላጫ ድምፁ የህገ መንግስቱ አንቀፅ 78 ለክልል ፍርድ ቤቶች የፌደራል ስልጣን የሰጣቸው በህዝብ ተወካዮች ምክር ቤት በ2/3ኛ ድምፅ በክልሎች የፌደራል ፍርድ ቤት እስኪቋቋም ብቻ መሆኑን ገልፆአል።
በአዋጅ ቁጥር 322/95 መሰረት በጋምቤላ፣ ቤንሻንጉል፣አፋር፣ ሶማሊና ደቡብ ህዝቦች ክልየፌደራል ፍርድ ቤቶች ስለተቋቋሙ የአማራ ክልል ጠቅላይ ፍርድ ቤት በዚህ ወቅት የፌደራል ፍርድ ቤት ስልጣኑን አጥቷል የሚል ብይን ተሰጥቷል። የችሎቱ የማህል ዳኛ በአምስት ክልሎች የፌደራል ፍርድ ቤት መቋቋሙ የሌሎች ክልሎችን የፌደራል ፍርድ ቤቶች ስልጣን አያስቀርም በማለት የልዩነት ድምፅቸውን አስመዝግበዋል።
የአማራ ጠቅላይ ፍርድ ቤት የፌደራል ከፍተኛ ፍርድ ቤት ልደታ ምድብ 4ኛ ወንጀል ችሎት ከሰጠው ብይን በተቃራኒ ለፌደራል ከፍተኛ ፍርድ ቤት የተሰጡ ጉዳዮች እየዳኘ የሚገኝ ሲሆን በአብነትም የኮለኔል ደመቀ ዘውዱን ጨምሮ የ”ሽብር” ክስ የቀረበባቸውን ሌሎች ተከሳሾች ጉዳይ እያየ ይገኛል። በኦነግና ግንቦት ሰባት ክስ ቀርቦባቸው ወንጀሉ ተፈፀመበት በተባለባቸው ክልሎች እንዲታይ ያቀረቡት ተቃውሞ ውድቅ ሲደረግ የቆየ ቢሆንም ተከሳሾችና ጠበቆቻቸው የፍርድ ቤቶቹ ብይን ከህገ መንግስቱ የሚቃረን መሆኑን በመግለፅ ቅሬታቸውን ሲያቀርቡ ቆይተዋል።
የተከሳሾቹ ጠበቃ አቶ አለልኝ ምህረቱ ” ዛሬ የሰማሁት ብይን በባህሪው እንግዳ ነው። የአማራ ክልል ጠቅላይ ፍርድ ቤት ፌደራል ከፍተኛ ፍርድ ቤትን ስልጣን አጥቷል መባሉ የህግ ባለሙያዎችን ሊያነጋግር የሚችል ጉዳይ ነው” ብለዋል። ጠበቃ አለልኝ በብይኑ ስለማይስማሙም ለሚመለከተው ፍርድ ቤት ይግባኝ ለማቅረብ እንዳሰቡ ገልፀውልኛል።
እነ ብርሃኑ ሙሉ እና እነ ነጋ የኔው በቀረባቸው ክስ ላይ ያቀረቡት ሁሉም መቃወሚያ ውድቅ ተደርጎ አቃቤ ህግ የጠቀሰባቸውን የሰው ምስክር ለመስማት ለህዳር 20/2010 ቀጠሮ ተይዟል። አቶ ነጋ የኔው የወልቃይት ህዝብ አማራ ማንነት ጥያቄ ኮሚቴ አባል እንደነበሩ የ ተገለፀ ሲሆን ጎንደር ከተማ ውስጥ ጥቃት ፈፅማችኋል ተብለው ተከሰዋል።

%d bloggers like this: