ሰበር ዜና፡- ዩናይትድ ስቴትስ ከፓሪስ ስምምነት ወጣች

ዩናይትድ ስቴትስ ከፓሪሱ ዓለምቀፍ የአየር ንብረት ስምምነት እንድትወጣ መወሰናቸውን ፕሬዚዳንት ዶናልድ ትረምፕ አስታወቁ፡፡


ፕሬዚዳንት ይሔን ያስታወቁት ከዋይት ኃውስ ቤተ መንግሥት በጠሩት ሥነ ስርዓት ላይ ሲሆን ከስምምነቱ የሚወጡት የአሜሪካ ምጣኔ ሀብት እጄ ሰባራ ያደራጋል ብለው በማመናቸው እንደሆነ ገልፀዋል፡፡


ይሕ 195 ሀገሮች የፈረሙት ስምምነት በመጭዎቹ ሃያ ሁለት ዓመታት በዩናይትድ ስቴትስ ምጣኔ ሀብት ላይ የ3 ቲሪሊዮን ዶላር ጉዳት ያደራሳል ብለዋል፡፡


የእያንዳንዱ ቤተሰብ ዓመታዎ ገቢ በ7 ሺሕ ዶላር ሊቀንስ እንደሚችል ተናግረዋል፡፡


ፕሬዚዳንት አክለውም የትራምፕ አስተዳደር የተፈጥሮ አካባቢን በመጠበቅ በኩል እጅግ ንፁሑ እንደሚሆን ፕሬዚዳንት አመልክተው ሀገራቸው በሌላ ድርድር ወደ ፓሪስ ስምምነት ልትመለስ እንደምትችል ወይም ወደ አዲስ ድርድር እንደምትገባ ፕሬዚዳንት በንግግራቸው ጠቁመዋል፡፡

Advertisements

አሜሪካንን በደቂቃዎች ውስጥ ወደ አመድነት እቀይራታለሁ ሲል የሰሜን ኮሪያ ፕሬዝዳንት ተናገረ

በዚህ በሰሜን ኮረያ መሪ ዛቻ መላው የአለም ሀያላን አገሮች ከመደንበራቸውም በላይ የጦር ሃይላቸውን በዝግጅት ላይ አድርገዋል፡፡ የሩሲያና የአሜሪካ ነገር ድራማማ ቢመስልም ሩሲያ ሳትቀር የኒውክለር ሃረር የተሸከሙ ሚሳኤሎቿን ወደ ሰሜን ኮሪያ ድንበር አእያስጠጋች ነው፣አውስትራሊያ፣ኒውዘርላንድ ፣ካናዳና ጃፖን ጨምሮ ለሰሜን ኮሪያ የማስጠንቀቂያ መልክት አስተላልፈዋል፡፡ቻይና የሰሜን ኮሪያን አቋም ደግፋ ከሰሜን ኮሪያ ጋር ቆማለች፡፡ #ኪምጆንግ_ዩን የአሜሪካን የጦር መርከብ የጫነች ጀልባን በአንድ ምት አሰምጣታለሁ እያለ እየዛተ ነው፡፡

ይህ ሰው እንደሚለው ከሆነ ሰሜን ኮሪያ የአለማችን ሀያላን አገር ነች ስለዚህ የምን አሜሪካን ነው አሜሪካንንማ በደቂቃዎች ውስጥ ወደ አመድነት እቀይራታለሁ እያለ ነው፡፡ እስኪ የሚሆነውን ነገር አብረን እንከታተል፡፡

ይሄ ሰው አሜሪካን እያስፈራራ ነው ምን ትሉታላችሁ ?

አሜሪካ በፀጥታው ም/ቤት አንስታ ትላልቆቹን ሃገራት የተንጫጩበት አሳብ ምን ይሆን ?

አሜሪካ ሰሞኑን አንድ የሚገርም ሀሳብ በፀጥታው ም/ቤት አንስታ ትላልቆቹን ሃገራት ሳይቀር አንጫጭታለች፡፡

ነገሩ እንዲህ ነው የሰባዓዊ መብት ጥሰት የሚፈፀሙ መንግስታት ያሉባቸው ሀገራት ወደፊት የግጭት ቀጣና (crisis potential) ሊሆኑ ስለሚችሉ እና ለአለም ሰላም ስጋት ሲለሚሆኑ፤ የሰብዓዊ መብቶች ጥሰትን በተመለከተ በፀጥታው ምክር ቤት በቋሚነት አጀንዳ ሆነው ለውይይት እንዲቀርቡ ም/ቤቱን ጠይቃለች፡፡

ምንም እንኳን ለም/ቤቱ አዲስ ሀሳብ ቢሆንም፤ ጉዳዩ ከምርም ለቀጣይ የአለማችን ሰላም ጠቃሚ ነው፡፡

ከአሁን ቀደም ሆነ በአሁኑ ስዓት ግጭት እና አለመረጋጋት ውስጥ ያሉ ሀገሮች የከፋ የሰብዓዊ መብት ጥሰት የሚፈፀምባቸው ናቸው፡፡

ይህን ሀሳብ አባል ሀገሮች፤ በሀገራት የውስጥ ጉዳይ ጣልቃ መገንባት ነው በማለት ተቃውመውታል፡፡

መቸስ ከሰብዓዊነት ይልቅ አሜሪካ የግል ጥቅሟን ተመርኩዛ ሀገሮችን መጥቀምም መጉዳት ተክናበታለች፤ የሀገሮችም ስጋት ከዚያ የመነጨ ይመስላል፡፡

ይህ ጉዳይ የምር ከሆነ የመጀመሪያ ተጠቃሚዎች እኛ ልንሆን እንላለን፡፡ አሜሪካ ሆይ በርች፤ የአሜሪካ መስራች አባቶች በህገመንግሥቱ ያሰፈሩትን የአሜሪካ እሴቶች ተገቢ ነው ቃላችን፡፡


ነጻነት ሚዲያ

በዩናይትድ ስቴትስ ምርጫ እጁን በሚያስገባ በሩስያም ሆነ በማንኛውም የውጭ አገር መንግሥት ላይ እርምጃ እንደሚወሰድ ፕሬዚዳንት ባራክ ኦባማ አስጠነቀቁ።

“የምርጫ ሂደታችንን ክብር የሚነካ አንዳች ነገር ሲፈጸም፣ እርምጃ መውሰዳችን የግድ መሆኑ፣ የሚያጠያይቅ አይመስለኝም” ብለዋል የዩናይትድ ስቴትሱ ፕሬዚዳንት ባራክ ኦባማ።

“በእርግጥም እናደርገዋለን” በማለት ሃሳባቸውን አጠናክረዋል፣ ሚስተር ኦባማ ዛሬ ጧት ኤንፒአር ለተባለው ራዲዮ በሰጡት ቃል።

አንዳንዶቹ እርምጃዎቻችን ግልፅና ሕዝብ የሚያውቃቸው ወይም የሚሰማቸው፣ ሌሎቹ ደግሞ በተቃራኒ የሚወሰዱ እንደሚሆኑ ነው ፕሬዚዳንቱ ያስገነዘቡት።

የሩስያ የኢንተርኔት ሰርጎ ገቦች፣ በዩናይትድ ስቴትሱ ፕሬዚዳንታዊ ምርጫ ወቅት፣ ከዲሞክራቲክ ፓርቲው ኮምፒተሮች ውስጥ፣ ስለ ሂለሪ ክሊንተን የምርጫ ዘመቻ አሳፋሪ የሆኑ ኢሜሎችን ይፋ እንዳደረጉ፣ ሲ አይ ኤ ድምዳሜ ላይ እንደደረሰ ማስታወቁ ይታወሳል።

ይህ ድርጊት ከሩስያው ፕሬዚደንት ከቭላዲሚር ፑቲን እውቅና ውጪ እንደማይሆን፣ የኋይት ሀውስ ከፍተኛ ባለሥልጣናት ያምናሉ።

ሞስኮ ግን፣ ክሱን፣ አስቂኝና የማይረባ ትለዋለች።

Image result for obama putin

ቱርክ በ መቶ ሺ የሚቆጠሩ ስደተኞችን ወደ አውሮፓ እንዲገቡ ልታደርግ ትችላለች ተባለ

ቱርክ ለአውሮፓ ህብረት አባልነት ለመደራደር የተገባላት ቃል ተግባራዊ አለመደረጉን ተከትሎ በመቶ ሺ የሚቆጠሩ ስደተኞችን ወደ አውሮፓ እንዲገቡ ልታደርግ እንደምትችል አሳስባለች።
ባለፈው አመት የሶሪያ ስደተኞች ቱርክን በመጠቀም ወደ ተለያዩ የአውሮፓ ሃገራት ሲገቡ የነበረ ሲሆን፣ ህብረቱ ቱርክ ሰደተኞቹን በሃገሩ እንድታቆይ የጥቅማ-ጥቅም ቃል ገብቶ እንደነበር ይታወሳል።
ቱርክ የሃገሯ ዜጎች ያለ ቪዛ ወደ አውሮፓ እንዲገቡና ሃገሪቱ የአውሮፓ ህብረት አባል እንድትሆነ ቃል ከተገባላቸው አገሮች አንዷ እንደሆነ ይታወሳል።
ይሁንና የአውሮፓ ህብረት አባል ሃገራት ቱርክ የህብረቱ አባል እንድትሆን በቀረበ የውይይት ሰነድ ላይ ጉዳዩ እንዲዘገይ ውሳኔን እንዳስተላለፉ ቢቢሲ ዘግቧል።
በድርጊቱ ቅሬታ ያደረባቸው የቱርኩ ፕሬዚደንት ታይፕ ኤርዶጋን ሃገራቸው በመቶ ሺ የሚቆጠሩ የሶሪያና የሌሎች ሃገራት ስደተኞችን ወደ አውሮፓ እንዲገቡ ልታደርግ እንደምትችል አሳስበዋል።
“የገባችሁትን ቃል የማትጠብቁ ከሆነ ድንበራችንን ክፍት እንደምናደርግ መግለጽ እንወዳለን” ሲሉ ፕሬዚደንት ኤርዶጋን ለመገናኛ ብዙሃን አስረድተዋል።
ይሁንና በርካታ የአውሮፓ አባል ሃገራት ቱርክ እያቀረበች ያለው የማስፈራሪያ በጎ ጎን አይኖረውም ሲሉ ምላሽን የሰጡ ሲሆን፣ ቱርክ በህብረቱ አቋም ቅሬታ እንዳደረባት ገልጻለች።
ሃገሪቱ በአሁኑ ወቅት ሶስት ሚሊዮን የሚሆኑ ስደተኞችን አስጠልላ እንደምትገኝ ታውቋል።
ቱርክ በሃገሯ ያሉ ስደተኞች ወደ አውሮፓ እንዲገቡ የምታደርግ ከሆነ ባለፈው አመት የታየው የስደተኞች ፍልሰት ዳግም ሊቀሰቀስ ይችላል ተብሎ ተሰግቷል።
ባለፈው አመት ወደ አንድ ሚሊዮን የሚደርሱ ስደተኞች በቱርክ በኩል ወደ አውሮፓ መግባታቸው የሚታወስ ሲሆን፣ የስደተኞቹ ሁኔታ በአውሮፓ ህብረት የፖለቲካ መነጋገሪያ ሆኖ ይገኛል።
የአውሮፓ ህብረት ቱርክ ስደተኞቹን በሃገሯ እንድታቆይ የገባውን ቃል ተከትሎ ቁጥር መቀነስ ያሳየ ሲሆን፣ ግሪክ በርካታ ስደተኞች ወደ ቱርክ እንዲመለሱ ማድረጓ የሚታወስ ነው።
በቱርክና በህብረቱ ማካከል የተፈጠረው አዲስ አለመግባባት የስደተኞች ፍልሰት ዳግም እንዲከሰት ያደርጋል ተብሎ ስጋት ማሳደሩንም የተለያዩ አካላት በመግለጽ ላይ ናቸው።

%d bloggers like this: