በዩናይትድ ስቴትስ ምርጫ እጁን በሚያስገባ በሩስያም ሆነ በማንኛውም የውጭ አገር መንግሥት ላይ እርምጃ እንደሚወሰድ ፕሬዚዳንት ባራክ ኦባማ አስጠነቀቁ።

“የምርጫ ሂደታችንን ክብር የሚነካ አንዳች ነገር ሲፈጸም፣ እርምጃ መውሰዳችን የግድ መሆኑ፣ የሚያጠያይቅ አይመስለኝም” ብለዋል የዩናይትድ ስቴትሱ ፕሬዚዳንት ባራክ ኦባማ።

“በእርግጥም እናደርገዋለን” በማለት ሃሳባቸውን አጠናክረዋል፣ ሚስተር ኦባማ ዛሬ ጧት ኤንፒአር ለተባለው ራዲዮ በሰጡት ቃል።

አንዳንዶቹ እርምጃዎቻችን ግልፅና ሕዝብ የሚያውቃቸው ወይም የሚሰማቸው፣ ሌሎቹ ደግሞ በተቃራኒ የሚወሰዱ እንደሚሆኑ ነው ፕሬዚዳንቱ ያስገነዘቡት።

የሩስያ የኢንተርኔት ሰርጎ ገቦች፣ በዩናይትድ ስቴትሱ ፕሬዚዳንታዊ ምርጫ ወቅት፣ ከዲሞክራቲክ ፓርቲው ኮምፒተሮች ውስጥ፣ ስለ ሂለሪ ክሊንተን የምርጫ ዘመቻ አሳፋሪ የሆኑ ኢሜሎችን ይፋ እንዳደረጉ፣ ሲ አይ ኤ ድምዳሜ ላይ እንደደረሰ ማስታወቁ ይታወሳል።

ይህ ድርጊት ከሩስያው ፕሬዚደንት ከቭላዲሚር ፑቲን እውቅና ውጪ እንደማይሆን፣ የኋይት ሀውስ ከፍተኛ ባለሥልጣናት ያምናሉ።

ሞስኮ ግን፣ ክሱን፣ አስቂኝና የማይረባ ትለዋለች።

Image result for obama putin

ቱርክ በ መቶ ሺ የሚቆጠሩ ስደተኞችን ወደ አውሮፓ እንዲገቡ ልታደርግ ትችላለች ተባለ

ቱርክ ለአውሮፓ ህብረት አባልነት ለመደራደር የተገባላት ቃል ተግባራዊ አለመደረጉን ተከትሎ በመቶ ሺ የሚቆጠሩ ስደተኞችን ወደ አውሮፓ እንዲገቡ ልታደርግ እንደምትችል አሳስባለች።
ባለፈው አመት የሶሪያ ስደተኞች ቱርክን በመጠቀም ወደ ተለያዩ የአውሮፓ ሃገራት ሲገቡ የነበረ ሲሆን፣ ህብረቱ ቱርክ ሰደተኞቹን በሃገሩ እንድታቆይ የጥቅማ-ጥቅም ቃል ገብቶ እንደነበር ይታወሳል።
ቱርክ የሃገሯ ዜጎች ያለ ቪዛ ወደ አውሮፓ እንዲገቡና ሃገሪቱ የአውሮፓ ህብረት አባል እንድትሆነ ቃል ከተገባላቸው አገሮች አንዷ እንደሆነ ይታወሳል።
ይሁንና የአውሮፓ ህብረት አባል ሃገራት ቱርክ የህብረቱ አባል እንድትሆን በቀረበ የውይይት ሰነድ ላይ ጉዳዩ እንዲዘገይ ውሳኔን እንዳስተላለፉ ቢቢሲ ዘግቧል።
በድርጊቱ ቅሬታ ያደረባቸው የቱርኩ ፕሬዚደንት ታይፕ ኤርዶጋን ሃገራቸው በመቶ ሺ የሚቆጠሩ የሶሪያና የሌሎች ሃገራት ስደተኞችን ወደ አውሮፓ እንዲገቡ ልታደርግ እንደምትችል አሳስበዋል።
“የገባችሁትን ቃል የማትጠብቁ ከሆነ ድንበራችንን ክፍት እንደምናደርግ መግለጽ እንወዳለን” ሲሉ ፕሬዚደንት ኤርዶጋን ለመገናኛ ብዙሃን አስረድተዋል።
ይሁንና በርካታ የአውሮፓ አባል ሃገራት ቱርክ እያቀረበች ያለው የማስፈራሪያ በጎ ጎን አይኖረውም ሲሉ ምላሽን የሰጡ ሲሆን፣ ቱርክ በህብረቱ አቋም ቅሬታ እንዳደረባት ገልጻለች።
ሃገሪቱ በአሁኑ ወቅት ሶስት ሚሊዮን የሚሆኑ ስደተኞችን አስጠልላ እንደምትገኝ ታውቋል።
ቱርክ በሃገሯ ያሉ ስደተኞች ወደ አውሮፓ እንዲገቡ የምታደርግ ከሆነ ባለፈው አመት የታየው የስደተኞች ፍልሰት ዳግም ሊቀሰቀስ ይችላል ተብሎ ተሰግቷል።
ባለፈው አመት ወደ አንድ ሚሊዮን የሚደርሱ ስደተኞች በቱርክ በኩል ወደ አውሮፓ መግባታቸው የሚታወስ ሲሆን፣ የስደተኞቹ ሁኔታ በአውሮፓ ህብረት የፖለቲካ መነጋገሪያ ሆኖ ይገኛል።
የአውሮፓ ህብረት ቱርክ ስደተኞቹን በሃገሯ እንድታቆይ የገባውን ቃል ተከትሎ ቁጥር መቀነስ ያሳየ ሲሆን፣ ግሪክ በርካታ ስደተኞች ወደ ቱርክ እንዲመለሱ ማድረጓ የሚታወስ ነው።
በቱርክና በህብረቱ ማካከል የተፈጠረው አዲስ አለመግባባት የስደተኞች ፍልሰት ዳግም እንዲከሰት ያደርጋል ተብሎ ስጋት ማሳደሩንም የተለያዩ አካላት በመግለጽ ላይ ናቸው።

ትራምፕ 3ኛው የዓለም ጦርነት የሚጀመረው በሄላሪ ነው አሉ

   – የምርጫ ውጤትን እቅጩን የሚገምቱት ፕሮፌሰር፣ ትራምፕ ያሸንፋል ብለዋል
– ሪፐብሊካኑ ኮሊን ፖል ድምጻቸውን የሚሰጡት ለዲሞክራቷ ሄላሪ እንደሆነ አስታውቀዋል

የሳምንታት ጊዜ በቀረው የአሜሪካ ፕሬዚዳንታዊ ምርጫ ሪፐብሊካኑን ወክለው የሚወዳደሩት አነጋጋሪው ዕጩ ዶናልድ ትራምፕ፣ 3ኛው የዓለም ጦርነት የሚጀመረው ተፎካካሪያቸው ሄላሪ ክሊንተን ይዛው በተነሳቺው የውጭ ጉዳይ ፖሊሲ ሳቢያ ነው ሲሉ ተናገሩ፡፡
ሄላሪ ክሊንተን በሶርያ ጉዳይ ላይ የያዘቺው እቅድ በአሜሪካና በሩስያ መካከል የከፋ ግጭት የሚያስከትልና ለሶስተኛው የዓለም ጦርነት መነሻ ሊሆን አንደሚችል ትራምፕ ባለፈው ማክሰኞ ባደረጉት ቃለ ምልልስ ማስጠንቀቃቸውን ዘ ኢንዲፔንደንት ዘግቧል፡፡
የሄላሪን ዕቅድ በመደገፍ በምርጫው ድምጻችንን የምንሰጣት ከሆነ፣ ሶስተኛው የዓለም ጦርነት መጀመሩ አይቀሬ ነው ያሉት ትራምፕ፤ ሄላሪ ስታብጠለጥለው ከከረመቺው ከሩስያው ፕሬዚዳንት ቭላድሚር ፑቲን ጋር ለመደራደር ያላት ብቃት እንደሚያጠራጥራቸው በመግለጽ፣ በሁለቱ አገራት መካከል ያለውን ግንኙነት ታበላሸዋለች ብለዋል፡፡
ያልተለመዱ ክስተቶች የተስተናገዱበት የዘንድሮው የአሜሪካ ፕሬዚዳንታዊ ምርጫ ቅስቀሳ እየተጧጧፈ ወደ መጨረሻው ምዕራፍ በደረሰበት በአሁኑ ወቅት፣ ሪፐብሊካኑ የቀድሞው የአሜሪካ የውጭ ጉዳይ ሚኒስትር ኮሊን ፖል ዲሞክራቷን ሄላሪን እንደሚመርጡ ማስታወቃቸውን የዘገበው ደግሞ ስካይ ኒውስ ነው፡፡ ሊዲሞክራቷ ዕጩ ድምጻቸውን እንደሚሰጡ በይፋ የሚናገሩ ስመጥር ሪፐብሊካኖች እየተበራከቱ መምጣታቸውን የጠቆመው ዘገባው፣ ኮሊን ፖልም ሄላሪ እንደ አገር መሪ ያላትን የካበተ ልምድና ክህሎት በማድነቅ ድምጻቸውን ለእሷ እንደሚሰጡ ባለፈው ማክሰኞ ማስታወቃቸውን ገልጧል፡፡
በተያያዘ ዜና ምንም እንኳን በርካታ ቅድመ ትንበያዎች በቀጣዩ ምርጫ ዲሞክራቷ ሄላሪ በለስ እንደሚቀናት እያመላከቱ ቢሆንም፣ የአሜሪካን ምርጫ ውጤት በመተንበይ የሚታወቁት የፖለቲካ ተንታኙ ፕሮፌሰር ሄልሙት ኖርፖዝ ግን፣ በስተመጨረሻ ድል የትራምፕ ትሆናለች ሲሉ መተንበያቸውን ዘ ኢንዲፔንደንት ዘግቧል፡፡
ላለፉት 100 ያህል አመታት በአሜሪካ ከተከናወኑ ፕሬዚዳንታዊ ምርጫዎች ከአንዱ በቀር የሁሉንም ውጤት በትክክል የገመቱት የኒውዮርኩ ሰኒ ስቶኒ ብሩክ ዩኒቨርሲቲ መምህር ፕሮፌሰር ሄልሙት ኖርፖዝ፣ በቀጣዩ ምርጫ ትራምፕ እንደሚያሸንፉ በይፋ ተንብየዋል፡፡
ፕሮፌሰር ኖርፖዝ የፈጠሩትና ያለፈውንና የወደፊቱን የፕሬዚዳንታዊ ምርጫ ውጤት የሚያመላክተው የትንበያ ቀመር፣ እ.ኤ.አ ከ1912 አንስቶ በተደረጉት የአገሪቱ ምርጫዎች ላይ ያቀረበው ትንበያ ከአንዱ በስተቀር በሁሉም ስኬታማ እንደነበር የጠቆመው ዘገባው፣ ቀመራቸውን ተጠቅመው የሰጡት ትንበያ ያልያዘላቸው እ.ኤ.አ በ2000 በተካሄደው ምርጫ ብቻ እንደነበርም አስታውሷል፡፡

“‎ከፕሬዝዳንትነት ራሴን ላገል ቀናቶችን እየቆጠርኩ ነው‬”ሮበርት ጋብርኤል ሙጋቤ‬

አይደፈሬውና አወዛጋቢው አፍሪካዊ መሪ ሙጋቤ ስልጣናቸውን ለማራዘም ሲሉ ያልተጠቀሙት ስልት የለም። “ተቃዋሚዎችን ከማፈን የምርጫ ኮረጆ እስከመስረቅ …” እያለ ይዘረዝራል ኦል አፍሪካ ዶት ኮም።

ዝምባብዌን ለ36 ዓመታት የመሩት ሙጋቤም ቢሆኑ አንዴ እስከ ህልፈተ ሞቴ እመራለው ሌላጊዜ ደግሞ ጡረታ መውጣት እፈልጋለው ቀኑን ግን አልወሰንኩም ሲሉ ኑረቃል።

ዛሬ ግን የቆረጡ ይመስላሉ የ92 ዓመቱ ሽማግሌ ፕሬዝዳንት ሮበርት ሙጋቤ።

የአፍሪካ ህፃናትን ቀን ሲከበር በሽዎች ለሚቆጠሩ ህፃናት አባላት እንዲህ አሉ፦ “ከስራየ ላቆም ቀናቶችን እየቆጠርኩ ነው፤ ከውጭ ሆኘ እኔን የሚተኩኝ ጥሩ ነገር ሲሰሩ ማየትን እመኛለው፤ ፓርላማችሁም ከልቡ ራዕይ ያለው ይሁን”

አንድ ሀላፊያቸውም ለህፃናት ቅን አሳቢ እና ብዙ ለውጥ ያመጡ ግለሰብ ሲል በመድረኩ አሞካሻቸው።

የህፃናት ፓርላማው ንግግር አድራጊ ህፃን ግን በተቃራኒው አንድ አስገራሚ ነገርን ይዞ መጣ።

በሙጋቤ ዘመን በህፃናት ስለሚደርስ ጭካኔ የተሞላበት ግፍን የሚያሳይ ፎቶ።

የእጅ አዙር ቅኝ ግዛትን ዛሬም ለሚፈልጉት ምዕራባውያን የማይመቹት ሙጋቤ እንግዲህ እንደ ሀገር ሳይሆን እንደ ግለሰብ ብቻ መኖርን ምርጫቸው ሊያደርጉ ነው።

የተመሳሳይ ፆታ ጋብቻ፣ የጥቁሮች የበላይነት….ከሚጋቤ በኋላ በአፍሪካውያን ዘንድ ይተገበሩ ይሆን? ጊዜ ሁሉን ይነግረናል።

“ጠቅላይ ሚኒስትሯን የምታስር ሀገር ዜጋ በመሆኔ ኩራት ይሰማኛል”

ይህንን የተናገሩት የቀድሞው የእስራኤል ጠቅላይ ሚኒስትር የአሁኑ እስረኛ ኢሁድ ኦልመርት ናቸው። ኢሁድ ኦልመርት ጠቅላይ ሚኒስትር ከመሆናቸው በፊት የኢየሩሳሌም ከንቲባ በነበሩበት ወቅት በኢየሩሳሌም ሪል ስቴት በመገንባት ከሚታወቁ ባለሐብቶች ስጦታ ተሰጥቷቸዋል ተብለው ፍርድ ቤት የቀረቡ ሲሆን በእለቱም እንዲህ ሲሉ ተናግረዋል “አዎ በሪል ስቴቱ ምረቃ ላይ እንኳን ደስ አለህ ተብዬ ስጦታ ተሰጥቶኛል ስጦታው የአመራር ሂደቴን ባይቀይረውም መቀበሌ ስህተት ነበር በጠቅላይ ሚኒስተርነቴ ወቅት ለሀገሬ የተቻለኝን መስራቴን ህዝቡ ያውቃል በዚህ እኮራለሁ ጠቅላይ ሚኒስትሯን ፍርድ ቤት አቁማ ወንጀሉን መርምራ የምታስር ሀገር ዜጋ እና ጠቅላይ ሚኒስትር በመሆኔ ትልቅ ኩራት ይሰማኛል ማንም ከህግ በላይ አይደለም የተፈረደብኝን ፍርድ በሙሉ እቀበላለሁ”
ኢሁድ ኦልመርት በፍርድ ቤቱ የ19 ወራት እስር ተፈርዶባቸው ከየካቲት ጀምሮ በእስር ላይ የሚገኙ ሲሆን በእስር ቤት ቆይታቸውም በእስር ላይ የሚገኙ የህግ ታራሚዎችን እያስተማሩ ይገኛሉ። ሀሊም ግሊክ የተሰኙት የማረሚያ ቤት ኃላፊ ስለቀድሞው ጠቅላይ ሚኒስትር የእስር ቤት አያያዝ ተጠይቀው ሲናገሩ “በጥሩ ሁኔታ ይዘነዋል ነገር ግን ከሌሎች ታራሚዎች የተለየ እንክብካቤ አይደረግለትም በእስር ቤት ሁሉም እኩል ነው” ብለዋል። የኛስ ሀገር ፍርድ ቤት የት ነው?

ኤርሚያስ_ቶኩማ‬

%d bloggers like this: