ከ2 መቶ 50 ሚሊዮን በላይ ብር ላይ ጉዳት ያደረሰን ወንጀለኛ መቅጣት ለምን ተፈራ

በሌብነት ወንጀል ተጠርጥረው ከ2 መቶ ሚሊየን ብር በላይ በመንግስት ላይ ጉዳት አድርሰዋል በሚል ታስረው የነበሩት ብርጋዴር ጄኔራል ኤፍሬም ባንጌ ከእስር ተለቀቁ።
አቃቢ ሕግ ጄኔራል ኤፍሬም ባንጌ ኣንዲለቀቁ ያደረገው በሌሎች ተጠርጣሪዎች ላይ እመሰክራለሁ በማለታቸው እንደሆነ ጉዳዩን ለሚከታተለው ችሎት ገልጿል።


ጄኔራል ኤፍሬም ባንጌ በኦሞ ኩራዝ ቁጥር 5 የስኳር ፕሮጀክት ለዚሁ ተብሎ የተመደበውን በጀት ተቀናሽ በማድረግ ለግል ጥቅማቸው አውለዋል በሚል በሌብነት ተጠርጥረው መያዛቸው ይታወቃል።
ያጎደሉትም ከ2 መቶ 50 ሚሊየን ብር በላይ መሆኑ በወቅቱ ተነግሮ ነበር።


በዛሬው ችሎት ግን ጄኔራሉ በሌሎች ላይ ለመመስከር ፈቃደኛ በመሆናቸው ነጻ ተደርገዋል ተብሏል።
ፍርድ ቤቱም የጄኔራሉን በነጻ መለቀቅ አልተቃወመም። ጄኔራል ኤፍሬም ከኦህዴድ የተገኙ የኦሮሞ ተወላጅ ናቸው።


እርሳቸው በወቅቱ ሲታሰሩ ከሕወሃት ወገን በሌብነት የሚታወቁ ከፍተኛ ባለስልጣናት ሳይያዙ ለምን በኦህዴድ ላይ እስራቱ አነጣጠረ የሚል ጥያቄ ፈጥሮ ነበር።


ይህ በእንዲህ እንዳለ በቀድሞው በኢትዮጵያ መንገዶች ባለስልጣን ዋና ዳይሬክተር ዛይድ ወልደገብርኤል የክስ መዝገብ የኮሚኒኬሽን ሃላፊ በነበሩት አቶ ሳምሶን ወንድሙና ሌሎች 3 ተጠርጣሪዎች አቃቢ ሕግ ክስ መመስረት አለመቻሉ ተነግሯል።
እናም አቶ ካሳዬ ካቻ የተባሉና በዚሁ የክስ መዝገብ የተከሰሱ ግለሰብ በ20 ሺ ብር ዋስ ሲለቀቁ የአቶ ሳምሶን ወንድሙ ጉዳይና ሌሎች ተጠርጣሪዎች ለነገ ተቀጥረዋል።


በገንዘብና ኢኮኖሚ ትብብር ሚኒስትር ዴኤታ አቶ አለማየሁ ጉጆ መዝገብ 16ኛ ተከሳሽ የነበሩት አቶ ኪዳን አባቡልቃም በነጻ ተሰናብተዋል።

ይህ የሚያሳየው በወያኔ ህወሀት ውስጥ የተፈጠረ ያለውን የውስጥ ችግር ነው በመዓከላቸው እየተፈጠረ ያለው መከፋፈል ከ2 መቶ 50 ሚሊዮን በላይ ብር ላይ ጉዳት ላደረሰ ወንጀለኛ ላይ ለመፍረድ አቅም አተዋል። በመጨረሻ ይህ የተዳከመውን ወያኔ ህወሀት ለመጣል ከመጨውም በላይ መታገል ይጠበቅብናል እላለው።

Advertisements

አቶ አባይ ጸሀዬ ለሕክምና ከሀገር እንዲወጡ ተደርጓል ሲሉ የኢሳት ምንጮች ገለፁ ተባለ

በኢትዮጵያ ውስጥ በሚካሄደው ሌብነት በግንባር ቀደምትነት ሲጠቀሱ የነበሩትና ከሀገር እንዳይወጡ እገዳ ተጥሎባቸው የቆየው አቶ አባይ ጸሀዬ ለሕክምና ከሀገር መውጣታቸውን ምንጮች ለኢሳት ገለጹ።

ይህ በእንዲህ እንዳለ ራሳቸውን በኮሚቴ ያደራጁ የትግራይ ምሁራንና የሀገር ሽማግሌዎች በሌብነት ላይ የተጀመረው ዘመቻ እንዲቆምና የታሰሩትም እንዲፈቱ መጠየቃቸው ተሰምቷል።

በኢትዮጵያ ውስጥ በሚካሄደው ሌብነት በግንባር ቀደምትነት የሚጠቀሱት አቶ አባይ ጸሃዬ ናቸው።

ይህን ተከትሎም ከሀገር እንዳይወጡ እገዳ ተጥሎባቸው መቆየቱም የሚታወስ ነው።

ሌቦችን የማደኑ ስራ እየተካሄደ ነው በሚባልበት በአሁኑ ሰአት ደግሞ ራሳቸውን በኮሚቴ ያደራጁ የትግራይ ምሁራንና የሀገር ሽማግሌዎች በሌብነት ላይ የተጀመረው ዘመቻ እንዲቆምና የታሰሩትም እንዲፈቱ በመጠየቅ ላይ መሆናቸውም ተሰምቷል።

እነዚህ በኮሚቴ ተደራጁ የተባሉት የትግራይ ምሁራንና የሀገር ሽማግሌዎች ባሳደሩት ተጽእኖም አቶ አባይ ጸሀዬ ለሕክምና ከሀገር እንዲወጡ ተደርጓል ሲሉ የኢሳት ምንጮች ገልጸዋል።

ባለትዳርና የልጆች እናት ከሆኑት ወይዘሮ ሳሌም ከበደ ጋር በአንድ ጣራ ስር መኖራቸው የተገለጸው አቶ አባይ ጸሀዬ ወይዘሮ ሳሌም ከበደ ከታሰሩ በኋላ በምርመራ እየወጡ ያሉ የወንጀል ድርጊቶቻቸው እንዲሁም ባለቤታቸውን መታደግ አለመቻላቸው በፈጠረባቸው ውጥረት መታመማቸውን ምንጮች ገልጸዋል።

ራሳቸውን በኮሚቴ ያዋቀሩት የትግራይ ምሁራንና የሀገር ሽማግሌዎች አቶ አባይ ጸሃዬ በሕወሃት ትግል ውስጥ በመሪነት ጭምር የተጫወቱትን ሚና በመዘርዘር እንዳይታሰሩ ሲማጸኑ መቆየታቸውም ተመልክቷል።

ይህ ርምጃ በሕዝባዊ ወያኔ ሀርነት ትግራይ ውስጥ ያለውን ችግር ያባብሳል፣ለጠላትም በር ይከፍታል በሚል የጸረ ሌብነት ዘመቻው እንዲቆም ሲወተውቱ መቆየታቸውም ተሰምቷል።

የታሰሩትም ይቅርታ ጠይቀው በማስጠንቀቂያ እንዲፈቱም ተማጽኖ ማቅረባቸው ታውቋል።–የታሰሩትን ለመፍታት ስለመወሰኑ የታወቀ ነገር ባይኖርም እንኳን።

ሆኖም ክትትል ሲደረግባቸው የነበሩትና ይታሰራሉ ተብለው የሚጠበቁት ባለስልጣናትና ነጋዴዎች የሚደረግባቸው ክትትል መቆሙን እነዚሁ ምንጮች ገልጸዋል።

በሀገሪቱ በሚፈጸመው ሌብነት ፊታውራሪ ተብለው የሚጠቀሱት አቶ አባይ ጸሃዬ ለሕክምና እንዲሄዱ የተፈቀደው በሌብነት ላይ የተጀመረው ዘመቻ በመቆሙና ከትግራይ ሽማግሌዎች ተጽእኖ ጋር በተያያዘ እንደሆነም መረዳት ተችሏል።

አቶ አባይ ጸሃዬ ለህክምና የወጡት ወደ ጀርመን እንደሆነ ቢገለጽም በትክክል ወደየትኛው ሀገርና የህክምና ማዕከል እንደሄዱ ግን ማወቅ አልተቻለም።

የትግራይ ባለሃብቶች ከ498 ሚሊዬን ብር በላይ ማጭበርበራቸው ተገለጸ

በተለያዩ የኢንቨስትመንት ስራዎች ላይ የተሰማሩ የትግራይ ባለሃብቶች ከፍተኛ ገንዘብ ማጭበርበራቸው ተገለጸ፡፡ እንደ መረጃዎች ገለጻ፣ ባለሀብቶቹ በተለያየ መልክ ያጭበረበሩት ገንዘብ ከ498 ሚሊዬን ብር በላይ ነው፡፡

በተጠቀሰው የኢንቨስትመንት ዘርፍ የተሰማሩት የክልሉ ባለሃብቶች፣ ከቀረጥ ነጻ ብረታ ብረት ከውጭ ሀገር እንዲያስገቡ ተፈቅዶላቸው የነበረ ሲሆን፣ ሆኖም 181 የሚሆኑ ባለሀብቶች ብረቱን ከቀረጥ ነጻ ካስገቡ በኋላ የት እንደገባ በማይታወቅ ሁኔታ ሰውረውታል ተብሏል፡፡

ለሆቴል ግንበታ እና ለመሰል ተግባሮች ከቀረጥ ነጻ ብረት እንዲያስገቡ የተፈቀደላቸው የትግራይ ባለሀብቶች 184 ሲሆኑ፣ ከሶስቱ በቀር ቀሪዎቹ 498 ሚሊዬን ብር የሚያወጣ ብረታ ብረት የት እንዳስገቡት አይታወቅም፡፡

የብረቱ መጠን 809 ሺህ ኩንታል ሲሆን፣ በገንዘብ ሲሰላ ደግሞ ከ498 ሚሊዬን ብር በላይ ይመጣል፡፡ ጉዳዩ የሚመለከተው የክልሉ የከተማ ልማት፣ ንግድ እና ኢንዱስትሪ ቢሮ በባለሃብቶቹ ላይ ክስ መመስረት የሚያስችል ስልጣን ቢኖረውም፣ ባለሀብቶቹ ከህወሓት ጋር ባላቸው የጠበቀ ቁርኝት የተነሳ ምንም ዓይነት እርምጃ መውሰድ አልቻለም፡፡

ከቀረጥ ነጻ ከገባው ብረታ ብረት ግንባታ ላይ የዋለው 140 ሺህ 549 ኩንታል መሆኑ የተጠቆመ ሲሆን፣ በባለሀብቶቹ መጋዘን የተገኘው የብረት መጠን ደግሞ 16 ሺህ 216 ኩንታል ብቻ ሆኗል፡፡ በህገ ወጥ መንገድ የገባው ቀሪው ብረት ግን የት እንደገባ አይታወቅም፡፡


ባለሃብቶቹ በአጠቃላይ ለግንባታ ተብሎ ከቀረጥ ነጻ እንዲያስገቡ የተፈቀደላቸው የብረት መጠን 182 ሺህ 906 ኩንታል ብቻ ቢሆንም፣ እነሱ ግን በአራት እጥፍ አስበልጠው 982 ሺህ 654 ኩንታል ብረት ከቀረጥ ነጻ አስገብተዋል፡፡

ብረቱን በህገ ወጥ መንገድ ካስገቡ በኋላ ደግሞ እንደሰወሩት ተነግሯል፡፡ ከህወሓት ጋር ጥብቅ ቁርኝት ያላቸው ባለሃብቶቹ፣ በሀገር ሀብት ላይ ከፍተኛ ማጭበርበር ቢፈጽሙም እስካሁን ድረስ ምንም ዓይነት እርምጃ አልተወሰደባቸውም፡፡

ጠፉ የተባሉት ብረቶችም እስካሁን ድረስ ሊገኙ አልቻሉም፡፡ ከትግራይ ክልል ውጭ ያሉ ባለሀብት እና ነጋዴዎች፣ ከቀረጥ ነጻ ዕቃ ካስገቡ በኋላ ለግል ጥቅማቸው አውለዋል ተብለው ወህኒ መውረዳቸው ይታወቃል፡፡

በጣልያኗ ሮም ከተማ 1,000 ገደማ ኤርትራውያን እና ኢትዮጵያውያን ስደተኞች ከተጠለሉበት ህንፃ ተባረሩ

ከነዚህም 200 የሚሆኑት በጎዳና ለመተኛት መገደዳቸውን የተባበሩት መንግስታት የስደተኞች መርጃ ድርጅት (UNHCR) አስታውቋል።

በመቶዎች የሚቆጠሩ ፖሊሶች በሮም ከተማ ከቴርሚኒ ማዕከላዊ ባቡር ጣቢያ አጠገብ የሚገኘውን የስደተኞቹን መኖሪያ አስለቅቀዋል።

ስደተኞቹ ማንነታቸውን ለማረጋገጥ ወደ ፖሊስ ጣቢያ ተወስደው ነበር።

ከጎርጎሮሳዊው 2013 ዓ.ም. አንስቶ በስደተኞች ተይዞ የነበረው ሕንፃ እንዲለቀቅ አንድ የከተማዋ ዳኛ ውሳኔ ያሳለፉት ከሁለት ዓመት በፊት ነበር።

ከሕንፃው ከተባረሩት መካከል ሁለት ነፍሰ ጡሮችን ጨምሮ በርካታ እንስቶች እና ሕጻናት ይገኙበታል።

ለጉዳት የተጋለጡ ስደተኞች አማራጭ ማረፊያ እንደሚሰጣቸው የገለጠው የሮም ከተማ ማዘጋጃ ቤት እንስቶች እና ሕፃናት ግን ለጊዜው ወደ ሕንፃው እንዲመለሱ እንደተፈቀደላቸው ገልጧል።

የሰብዓዊ መብት ተሟጋቾቹ አምነስቲ ኢንተርናሽናል፤የተባበሩት መንግሥታት የስደተኞች መርጃ ድርጅት እና የጣልያን ምክር ቤት የሰብዓዊ መብቶች ተመልካች ኮሚቴ ግን የሮም ከተማን እርምጃ ወቅሰዋል።

“ስደተኞቹ ወደ ተሻሉ መኖሪያዎች ሊዘዋወሩ ይገባል” ባይ የጣልያን ፖለቲከኞች በበኩላቸው ውሳኔውን አድንቀዋል።

Image may contain: 1 person, child and outdoorImage may contain: people sitting and outdoor

የብአዴን የሲቪል ደህንነቶች በወታደራዊ ደህንነቶች እንዲተኩ ተደረገ!!

የህወሓት የእጂ ስራ ብአዴን ለይስሙላም ቢሆን በሚቆጣጠራቸው ትልልቅ ከተሞች በተለይ በባህርዳር ፣ በጎንደር ፣ ደብረታቦር እና ፍኖተ ሰላም ከተሞች ተጠሪነታቸው ለወረዳው የደህንነት መዋቅር የሆኑ ደህንነቶች(ጆሮ ጠቢወች ) በየከተሞቹ ስርዓቱ የሚፈልገውን መረጃ እያቀረቡ ባለመሆኑ ፣ በህዕቡ የሚደርሱ ጥቃቶች ከጥቃቱ በፊትም ይሁን ከጥቃቱ በኋላ ምንም አይነት ፍንጭ ባለመገኘቱ ከጥቃቱ ጀርባ ያሉ የነፃነት ሃይሎችን እና ተባባሪ የስርዓቱ አገልጋዩችን ለመያዝ አዳጋች አድርጎታል።

በዚህም የተነሳ ብአዴን እንደድርጂት ተጠሪነቱ ለህወሓት ወያኔ የሆኑ የደህንነት ባለሙያወች እና የባለስልጣናት ጋርዶችን ለመቀየር በህወሓት በተመረጡ ታማኝ የልዩ ሃይል አድማ በታች የመረጃ ክፍሎች እንዲሁም በፌድራል ፖሊስ እና በመከላከያ ውስጥ ሲሰሩ የነበሩ የወታደራዊ ደህንነቶች በሲቪል የደህንነት ስራውን እንዲሰሩ ተመድበዋል። በየአካባቢው የጆሮ ጠቢወች የስርዓቱን አመራሮች ይከሳሉ። “ችግሩ የኛ አይደለም የምናቀርበው መረጃ ያገኘነውን ነው። የደህንነቱ ምስጢር ከላይ ባሉ ሰወች ውጥቷል ” በማለት የእርስ በርስ የመበላላቱን ጉዞ አጋግለውታል።


በተለይ በባህርዳር እና በጎንደር በሲቪል ደህንነት ሲሰሩ የነበሩ የህወሓት/ብአዴን ቅጥረኞች ተይዘው ምርመራ እየተደረገባቸው እንደሆነ ታውቋል። አሁን ላይ በባህርዳር የወታዳራዊ ሰላዩች የሲቪሉን ሰላይ ስራ ሸፍነው ለመስራት እንደተቸገሩ ከልዩ ሃይል አድማ በታኝ የመረጃ ክፍል የነበረ አሁን ሲቪል ደህንነት ውስጥ ያለ የውስጥ አርበኛ አጋልጧል። ብዙ አመት በዚህ ሙያ ውስጥ ወጣቶችን በመመሳሰል ሲያስልፍኑ ሲያስገድሉ የነበሩትን በማስወጣት ሌሎችን ለመተካት የተገደዱት እያንዳንዱ የህወሓት/ብአዴን ባለስልጣንና ትልልቅ ህወሓት ሰራሽ ባለሀብቶች “ለደህንነታችን እየሰጋን ነው ” በሚል የሚያቀርቡት አቤቱታ እየበረከተ በመምጣቱ እንደሆነ ይነገራል።


በሌላ መረጃ
በእብናት በለሳ አካባቢ የሰፈሩ የስርዓቱ ወታደሮች በየ ጊዜው ከቦታ ቦታ በመቀያየራቸው ክፍኛ እያማረሩ እንደሆነ ተሰምቷል። በተለይ በእብናት ወረዳ ወንበሮች ኪዳነ ምህረት ፣ ወፍጮማ በሚባሉ ስፍራወች ** የነፃነት ሃይሎች በስፋት ይንቀሳቀሳሉ ከነሱም በተደጋጋሚ የሚመጣ መልዕክት ይደርሳችኋል ** በሚል በየጊዜው ወደ ተለያየ ስፍራ እየወሰዷቸው እንደሆነ ተሰምቷል። ከሁለት ሳምንት በፊት በወንበሮች ኪዳነምህረት አካባቢ እንዲዘምቱ የተመደቡ ወታደሮች በአንዲት ዛፍ ላይ ተንጠልጥላ የተገኘች ” ስርዓቱን ከድታችሁ ተቀላቀሉን የሚል ጥሪ ” በቃኝ ሃይሉ አዛዡ እጂ ውስጥ መግባት ወዲያውኑ አሰላለፋን እንዲፕውዙ አድርጓቸዋል። ከ2 ሳምንት በፊት ወደ ቤንሻንጉል መንጌ ወረዳ የተቀየረው አሁን በእብናት ወረዳ የሚገኝ የ፲ አለቃ ወታደር እንደሚለው ” አመራሮቹ ተዘባርቆባቸዋል ! በሳምንት ጊዜ ውስጥ ደግሞ ካነሱን ቦታ መደቡን” ይላል።
ወታደሩ አያይዞም ጊዜና ቦታን እንጂ የምንጠብቀው ሁሉም በወገኖቹ ጉዳት ያረረ በአካል እንጂ በሀሳቡ ከአርበኛ ታጋዩች ጋር ነው ብሏል።
የማይቀረው የነፃነት ብርሃን በህወሓት ውድቀት ይበራል !!

%d bloggers like this: