ጭንቅ ውስጥ የገባው ወያኔ አዲስ ሰራዊት ምልመላ እየለመነ ነው!

ሳይጀመር እየተጨናገፈበት ያለው የአዲስ ሰራዊት ምልመላ ሁለት አብይ ጉዳይ ገሃድ አውጥቷል። አንደኛ ወያኔ አሁን ባለው ሰራዊት መተማመን አልቻለም። በብዙ ግንባር እንደታየው የውጊያ ሞራሉ የወደቀው ሰራዊት የወያኔን የማይቀር መንኮታኮት ያሳያል። የሁለተኛ ለመጨረሻው ሰአት የቆጠበውን የትግራይ ተወላጅ ሰራዊት ተቆጥቦ በየቦታው የተወላጆች የእርስ በርስ እልቂት እንዲቀጥል ይፈልጋል። ይህን ተንኮሉን የተረዳው ወጣት የወያኔን ቅጥር ልመና ሳይጀመር እያከሸፈው ነው።
የኢትዮጵያ ወጣት በብዙ መረጃ እንደምንገነዘበው በየቦታው የተነሱትን ህዝባዊ ትግል ለመቀላቀል ቁርጠኛ ሆኖ መሳሪያ ለመታጠቅ እየተመመ ነው። በተቃራኒው ደግሞ ለንፅፅር እንዲሆናቹህ የተያያዙትን የወያኔ የልመና የወታደር ቅጥር ማስታወቂያወች እዩ።
ሙሉነህ ዮሃንስ

No automatic alt text available.

ዶ/ር መረራ ጉዲና ለሦስተኛ ጊዜ ተጨማሪ የምርመራ ጊዜ ተጠየቀባቸው – ታምሩ ጽጌ

ዶ/ር መረራ ጉዲና
በሽብር ተግባር ወንጀል ተጠርጥረው በእስር ላይ በሚገኙት ዶ/ር መረራ ጉዲና ላይ፣ ፖሊስ ለሦስተኛ ጊዜ የጠየቀው ተጨማሪ የምርመራ ጊዜ ተፈቀደለት፡፡

የመድረክ የውጭ ግንኙነት ኃላፊና የኦሮሞ ፌዴራሊስት ኮንግረስ ፓርቲ (ኦፌኮ) ሊቀመንበር ዶ/ር መረራ ጉዲና በተጠረጠሩበት የሽብር ተግባር ላይ፣ ብዙ ምርመራዎችን ማድረጉን ለፌዴራል የመጀመሪያ ደረጃ ፍርድ ቤት አራዳ ምድብ አንደኛ ወንጀል ችሎት ፖሊስ አስረድቷል፡፡ ነገር ግን ቀሪ ማስረጃዎችን እያሰባሰበ መሆኑን ገልጾ፣ ተጨማሪ 28 ቀናት እንዲቀፈድለት ፍርድ ቤቱን ጠይቋል፡፡

የዶ/ር መረራ ጠበቆች ፖሊስ የጠየቀውን ተጨማሪ የምርመራ ጊዜ በመቃወም፣ ደንበኛቸው ሕገ መንግሥታዊ የዋስትና መብታቸው እንዲከበርላቸው ጠይቀዋል፡፡ ፍርድ ቤቱ የሁለቱንም ወገኖች ክርክር ካዳመጠ በኋላ፣ የተጠየቀውን የዋስትና መብት በማለፍ ፖሊስ የጠየቀውን የ28 ቀናት ተጨማሪ ጊዜ ፈቅዷል፡፡ ለየካቲት 16 ቀን 2009 ዓ.ም. ቀጠሮ ሰጥቷል፡፡

በፀረ ሽብርተኝነት አዋጅ ቁጥር 652/2001 መሠረት ፖሊስ ተጨማሪ የምርመራ ጊዜ ለመጠየቅ አንድ ዕድል ይቀረዋል፡

16266251_1248266475267774_2596220851978438808_n

በኢትዮጵያ የቱርክ ” ባለሃብቶች ከ950 ሚሊዮን ብር በላይ ይዘው መሰወራቸው ተነገረ

የቱርክ ባለሃብቶች” ከልማት ባንክና ጥሬ እቃ ሲያቀርቡላቸው ከነበሩ ወገኖች ላይ እጅግ ከፍተኛ ገንዘብ ዘርፈው መሰወራቸው ይፋ ሆነ። “ባለሀብቶቹ” ከ933 ሚሊዮን ብር በላይ፣ ከጥሬ እቃ አቅራቢዎች ደግሞ ከ20 ሚሊዮን ብር በላይ ዘርፈው ከአገር መውጣታቸውን ይፍ ያደረገው ፋና ነው። ፋና የሰዎቹን ካገር መውጣት የሰማው ከጥጥ አቀራቢዎቹና ከልማት ባምክ እንደሆነ አመልክቷል።

ልማት ባንክ በተመሳሳይ ሲጭበረበር ወይም ሲዘረፍ ይህ የመጀመሪያ አይደለም። በአበባ እርሻ ስም ከፍተኛ ገንዘብ ዘርፈው ካገር የወጡ ” ባለሃብቶች” እንዳሉ በተደጋጋሚ ተዘግቧል። ላስቲክና የአረም መከላከያ በዋስትና እየያዘ ለኪሳራ መዳረጉ የቅርብ ጊዜ ታሪክ ነው። የፋናን ዘገባ ይመልከቱ። ፋና በዘገባው ባለሃብቶች የተብሉትን የቱርክ ዜጎች አፈላልጎ ለማስያዝ ስለሚደረግ ጥረት ያለው ነገር የለም።

የኢትዮጵያ ልማት ባንክ ለኤልሲ አዲስ ጨርቃ ጨርቅ ያበደረውን ከ900 ሚሊየን ብር በላይ ገንዝብ ለማስመለስ የድርጅቱን ፋብሪካ ሊሸጥ ነው። በሁለት የቱርክ ባለሀብቶች ሽርክና አዳማ አካባቢ ስራ የጀመረው የኤልሲ አዲስ የጨርቃ ጨርቅ ፋብሪካ ከአራት ወር በፊት በኢትዮጵያ ልማት ባንክ ተወርሷል።

ፋብሪካውን የሚያስተዳድሩት ሁለቱ የቱርክ ባለሀብቶችም ኢትዮጵያን ለቀው እንደወጡ ከኢትዮጵያ ልማት ባንክ እና ለፋብሪካው ጥጥ ከሚያቀርቡ ባለሀብቶች የተገኘ መረጃ ያመለክታል።

የፋብሪካው ባለሀብቶች ሁለቱ ቱርካዊያን ጥጥ ለሚያቀርቡላቸው ባለሀብቶች ያቀረቡትን የጥጥ ዋጋ ሳይከፍሉ እንደተሰወሩም ባለሀብቶቹ ይናገራሉ።

ባለሀብቶቹ ክፍያቸውን በወቅቱ ሳይከፈላቸው ሲቀር ጥያቄ ቢያቀርቡም፥ “ትንሽ ጊዜ ስጡኝ፤ ከ390 ሚሊየን ብር በላይ ከባንክ የሚለቀቅልኝ ገንዘብ አለ” በማለት እና የተለያዩ ባንኮችን ደረቅ ቼክ በመስጠት ሲያታልሉ እንደነበር ይናገራሉ።

ከአፋር፣ ቤንሻንጉል ጉሙዝ እና ጋምቤላ ክልል የተውጣጡ 11 ጥጥ አቅራቢ ባለሀብቶች ከ20 ሚሊየን ብር በላይ እንዳልተከፈላቸው እና በስራቸው ላይ ጫና እንዳሳደረባቸው ተናግረዋል።

ቀጥረው ለሚያሰሯቸው የቀን ሰራተኞች የሚከፍሉት ብር ላይ ክፍተት እንዲፈጠር እንዳደረገባቸውም ባለሀብቶቹ ገልጸዋል።

የኢትዮጵያ ልማት ባንክ የኮርፖሬት ማስታወቂያና ግንኙነት ዳይሬክቶሬት ተጠባባቂ ዳይሬክተር አቶ ሀይሉ ምስጋናው፥ ፋብሪካው ከኢትዮጵያ ልማት ባንክም ጋር ያለውን የብደር ውል በወቅቱ ማስተናገድና ያለበትን ብድር መክፈል አልቻለም ይላሉ።

የተሰጠውን ብድር በወቅቱ እና በውሉ መሰረት ጊዜውን ጠብቆ እንዲከፍል የ30 ቀን የህግ ማስጠንቀቂያ ተሰጥቶት እንደነበርም ተናግረዋል።

ሆኖም ግን ባንኩ ለፋብሪካው የሰጠውን የህግ ማስጠንቀቂያም ፋብሪካው ሊጠቀምበት እና ያለበትን ብድር መክፈል አለመቻሉ እንዲሁም ባለሀብቶቹም ሀገር ለቀው መውጣታቸውንም አቶ ሀይሉ ገልጸዋል።

በዚህም መሰረት ባንኩ በአዋጅ ቁጥር 98/90 እና 97/90 በተሰጠው ስልጣን መሰረት ለብድሩ መያዣነት የፋብሪካውን ንብረት በጊዜያዊነት እንደወረሰው አቶ ሀይሉ ይናገራሉ።

ፋብሪካው ከልማት ባንክ ከወሰደው ዋና ብድር 73 ነጥብ 9 ሚሊየን ብር እና ከወለድ 227 ሚሊየን ብር ቢከፍልም እንደ አውሮፓውያኑ አቆጣጣር እስከ ህዳር 30 2016 ከዋናው ብድር ከ521 ሚሊየን ብር በላይ እንዲሁም ከወለድ ከ411 ሚሊየን ብር በላይ በጥቅሉ ከ933 ሚሊየን ብር በላይ እዳ እንዳለበት አቶ ሀይሉ አብራርተዋል።

ባንኩ ያበደረው ብር እንዲመለስለት ለማድረግም ፋብሪካውን በሀራጅ ለመሸጥ መዘጋጀቱን እና በሀራጁ የሚገኘው ብር ላይ ባንኩ የራሱን ከወሰደ በኋላ ፋብሪካው ያለበት የተለያዩ የመንግስት ክፍያዎች እንሚከፈሉ አቶ ሀይሉ ተናግረዋል።

የኢትዮጵያ ልማት ባንክ ፋብሪካውን በጊዜያዊነት ከተረከበበት ጊዜ አንስቶም የፋብሪካው ስራ ሳይቋረጥ ከ1 ሺህ በላይ የሚሆኑ የፋብሪካው ሰራተኞችም በስራቸው ላይ ተሰማርተው እንደሚገኙ ከባንኩ የተገኘ መረጃ ያመለክታል።

አሁን ላይ ፋብሪካው ውስጥ የሚሰሩ ሰራተኞችም ሁሉንም ወጪ ባንኩ እየሸፈነ ይገኛል።

ባንኩ ፋብሪካውን በሀራጅ ሸጦ የሰጠውን ብድር እስከሚያገኝ ድረስም በጊዜያዊነት በማስተዳደር እና በፋብሪካው ውስጥ ለሚከናወኑ ስራዎች እና ሰራተኞች ያለውን ወጭ በሙሉ እየሸፈነ የሚቆይ ይሆናል።
A.m

08 adwa 504

በአርበኞች ግንቦት7 እና በአገዛዙ ጦር መካከል ከባድ ጦርነት ተካሄደ

ከሌሊቱ 9 ሰአት ላይ በረሃ ውስጥ ጉዞ እያደረጉ ባለበት ወቅት፣ የአገዛዙ ወታደሮች ድንገት መንገድ ላይ ከጠበቁዋቸው በሁዋላ፣ ለ4 ተከታታይ ሰአት ውጊያ አድርገው ከበባውን ሰበርው ወጠተዋል። በዚህም ጦርነት ላይ በኢሳት በተደጋጋሚ እየቀረበ መግለጫ በመስጠት የሚታወቀው አርበኛ ሰጠኝ አራጋው መሰዋቱን ታጋዮች ገልጸዋል።
አርበኛው ሰጠኝ አራጋው፣ አርበኞች ግንባርን ከመሰረቱት መካከል አንዱ ነው የሚሉት ጓዶቹ፣ አገዛዙ ምህረት አድርገንልሃል በሚል እንዲገባ ተደርጎ በ1999 ዓም 45 አመታት ተፈርዶበታል። 10 አመታትን በእስር ካሳለፈ በሁዋላ የጎንደር ማረሚያቤትን አቃጥሎና አንድ ፖሊስ ገድሎ መሳሪያውን ይዞ ወጥቷል። ከዚያን ጊዜ ጀምሮ አርበኞች ግንቦት7ትን ሲመራ ከቆየ በሁዋላ ትናንት በአጋጣሚ በተደረገ ውጊያ ተሰውተል። ጓዶቹ እንደሚሉት ከእነሱ መካከል የተሰዋው አርበኛ ሰጠኝ ብቻ ነው። በአገዛዙ ወታደሮች ላይም ከፍተኛ ጉዳት መድረሱን ጓዶቹ ገልጸዋል
ከወያኔ ሞት ብቻ ነበር የሚጠብቀው እንደጠበቀውም ተሰዋ ሲሎ ጓዶቹ ተናግረዋል። “ ትግላችን ወደ ሁዋላ አይልም፣ እየተተካካን እንቀጥላለን” በማለት በአርበኛ ሰጠኝ መሰዋት ትግላቸው እንደማይቆም ገልጸዋል።
በአርማጭሆ ኪሻ ቀበሌ የተወለደው ታጋይ ሰጠኝ በሰሜን ጎንደር የሚደረጉ ትግሎችን ሲያስተባብርና እንደ ቃል አቀባይ በመሆን መግለጫ ይሰጥ ነበር።

15181707_1137531262981768_4033955364324500917_n

አርባምንጭ የነጭ ሳር ፓርክ አካባቢ በተደረገው ጦርነት ከ20 ያላነሱ የመንግስት ታጣቂዎች ተገደሉ

ኢሳት ዜና :- የአካባቢው ታማኝ ምንጮች እንደገለጹት ታጣቂዎቹ ባደረሱት ድንገተኛ ጥቃት 20 የመንግስት ወታደሮች ሲገደሉ፣ በርካቶች ደግሞ ቆስለዋል። ከተገደሉት መካከል የአካባቢው ወታደራዊ አዛዥም ይገኝበታል። የተኩስ ልውውጡ ለረጅም ሰአታት የቀዬ መሆኑን የሚናገሩት ምንጮች፣ በከፍተኛ ሁኔታ የተጎዱ የመንግስት ታጣቂዎች ወደ ህክምና ተወስደዋል።
የመንግስት የጸረ ሽብር ግብረሃይል ዛሬ ባወጣው መግለጫ፣ ከኤርትራ የተንቀሳቀሱ ሃይሎች በሞያሌ በኩል ወደ አርባምንጭ ጫካ በመግባት ጥቃት ለመፈጸም ሲንቀሳቀሱ መያዛቸውን ገልጿል። መንግስት በቁጥጥር ስር የዋሉና የተገደሉ ታጣቂዎች መኖራቸውን ቢገልጽም ፣ በአሃዝ ከመግለጽ ተቆጥቧል። ይሁን እንጅ የኢሳት ምንጮች እንደገለጹት ድንገተኛ ጥቃቱን የፈጸሙት የታጠቁ ሃይሎች፣ ጥቃቱን ካደረሱ በሁዋላ ከአካባቢው ተሰውራል። ይህን ተከትሎም ከታጣቂዎች ጋር ግንኙነት አላቸው የተባሉ የከተማው ሰዎች እየታፈሱ ተወስደዋል።
አርበኞች ግንቦት 7 ጥቃቱን እንደፈጸመ በከተማው እየተወራ ቢሆንም፣ ንቅናቄው እስካሁን የሰጠው ይፋዊ መግለጫ የለም።

Gudish Weyane's photo.
%d bloggers like this: