ጭንቅ ውስጥ የገባው ወያኔ አዲስ ሰራዊት ምልመላ እየለመነ ነው!

ሳይጀመር እየተጨናገፈበት ያለው የአዲስ ሰራዊት ምልመላ ሁለት አብይ ጉዳይ ገሃድ አውጥቷል። አንደኛ ወያኔ አሁን ባለው ሰራዊት መተማመን አልቻለም። በብዙ ግንባር እንደታየው የውጊያ ሞራሉ የወደቀው ሰራዊት የወያኔን የማይቀር መንኮታኮት ያሳያል። የሁለተኛ ለመጨረሻው ሰአት የቆጠበውን የትግራይ ተወላጅ ሰራዊት ተቆጥቦ በየቦታው የተወላጆች የእርስ በርስ እልቂት እንዲቀጥል ይፈልጋል። ይህን ተንኮሉን የተረዳው ወጣት የወያኔን ቅጥር ልመና ሳይጀመር እያከሸፈው ነው።
የኢትዮጵያ ወጣት በብዙ መረጃ እንደምንገነዘበው በየቦታው የተነሱትን ህዝባዊ ትግል ለመቀላቀል ቁርጠኛ ሆኖ መሳሪያ ለመታጠቅ እየተመመ ነው። በተቃራኒው ደግሞ ለንፅፅር እንዲሆናቹህ የተያያዙትን የወያኔ የልመና የወታደር ቅጥር ማስታወቂያወች እዩ።
ሙሉነህ ዮሃንስ

No automatic alt text available.

የጠቅላይ ሚኒስትሩን ንግግር ተከትሎ የአዲሳባ ሴቶች ስጋት ላይ መውደቃቸው ተነገረ :p

ጠቅላይ ሚኒስትር አቶ ሃይለማሪያም ደሳለኝ… ”ቻይና፣ ደቡብ ኮሪያ እና ጃፓን እኛ ያለንበት የእድገት ደረጃ ላይ በነበሩ ግዜ የውጪ ምንዛሪ ለማግኘት የሴቶቻቸውን ጸጉር እየቆረጡ ኤክስፖርት ለማድረግ ተገደው ነበር…” ሲሉ በጋዜጣዊ መግለጫ ላይ መናገራቸውን ተከትሎ… አንዳንድ በአዲሳባ የሚኖሩ ሴቶች ጠቅላይ ሚኒስትሩ ይሄንን ያሉት ነገ ከነገ ወዲያ የእኛንም ጸጉር አጭደው ገበያ ለማውጣት ፈልገው ነው በማለት እያናፈሱ ያለው ወሬ መሰረተ ቢስ መሆኑን የሴቶች ወጣቶች እና ህጻናት ሚኒስቴር ገለጸ!

ሚኒስቴር መስሪያ ቤቱ አያይዞ እንደገለጸው… ባመዛኙ የከተማዋ ሴቶች በግዢ ጸጉር እያጌጡ እንደሚወጡ የደህንነት እና መረጃ ጸረ ሽብር ግብረ ሃይል ቀድም ሲል መረጃው ያለው በመሆኑ መንግስታችን የከተማዋን ሴቶች ጸጉር አጨዳ በመሰማራት አላስፈላጊ ወጪ እንደማያወጣ ገልጸው… ‘መንግስት ጸጉራችንን ቆርጦ ኤክስፖርት ሊያደርግ አስቧል’ በሚል ውዥንብር ውስጥ የገቡ ሰላማዊ የከተማ ሴቶች ወሬው መሰረት የለሽ መሆኑን ተረድተው ሰላማዊ እና ህጋዊ መሽቀርቀራቸውን እንዲቀጥሉ አሳስቧል። …

የአስቸኳይ ግዜ አዋጅ ኮማንድ ፖስቱም፤ መንግስት ጸጉሬን ይወስድው ይሆናል በሚል ያልተጨበጥ ስጋት ዝረክርክ ብለው በሚወጡ ሴቶች ላይ እንደ አስፈላጊነቱ ተመጣጣኝ እርምጃ እንደሚወስድ አሳስቧል!!!

በአርበኞች ግንቦት7 እና በአገዛዙ ጦር መካከል ከባድ ጦርነት ተካሄደ

ከሌሊቱ 9 ሰአት ላይ በረሃ ውስጥ ጉዞ እያደረጉ ባለበት ወቅት፣ የአገዛዙ ወታደሮች ድንገት መንገድ ላይ ከጠበቁዋቸው በሁዋላ፣ ለ4 ተከታታይ ሰአት ውጊያ አድርገው ከበባውን ሰበርው ወጠተዋል። በዚህም ጦርነት ላይ በኢሳት በተደጋጋሚ እየቀረበ መግለጫ በመስጠት የሚታወቀው አርበኛ ሰጠኝ አራጋው መሰዋቱን ታጋዮች ገልጸዋል።
አርበኛው ሰጠኝ አራጋው፣ አርበኞች ግንባርን ከመሰረቱት መካከል አንዱ ነው የሚሉት ጓዶቹ፣ አገዛዙ ምህረት አድርገንልሃል በሚል እንዲገባ ተደርጎ በ1999 ዓም 45 አመታት ተፈርዶበታል። 10 አመታትን በእስር ካሳለፈ በሁዋላ የጎንደር ማረሚያቤትን አቃጥሎና አንድ ፖሊስ ገድሎ መሳሪያውን ይዞ ወጥቷል። ከዚያን ጊዜ ጀምሮ አርበኞች ግንቦት7ትን ሲመራ ከቆየ በሁዋላ ትናንት በአጋጣሚ በተደረገ ውጊያ ተሰውተል። ጓዶቹ እንደሚሉት ከእነሱ መካከል የተሰዋው አርበኛ ሰጠኝ ብቻ ነው። በአገዛዙ ወታደሮች ላይም ከፍተኛ ጉዳት መድረሱን ጓዶቹ ገልጸዋል
ከወያኔ ሞት ብቻ ነበር የሚጠብቀው እንደጠበቀውም ተሰዋ ሲሎ ጓዶቹ ተናግረዋል። “ ትግላችን ወደ ሁዋላ አይልም፣ እየተተካካን እንቀጥላለን” በማለት በአርበኛ ሰጠኝ መሰዋት ትግላቸው እንደማይቆም ገልጸዋል።
በአርማጭሆ ኪሻ ቀበሌ የተወለደው ታጋይ ሰጠኝ በሰሜን ጎንደር የሚደረጉ ትግሎችን ሲያስተባብርና እንደ ቃል አቀባይ በመሆን መግለጫ ይሰጥ ነበር።

15181707_1137531262981768_4033955364324500917_n

ጉድና ጅራት ከወደኋላ ነው – የሜቴክ ጉድ አይኑን አፍጥጦ ጥርሱን አግጥጦ ከች ብሏል።

ጉደኛው ኢህአዴግ በስኳር ፋብሪካዎች ላይ ያለውን አቋም መሰረታዊ በሆነ መልኩ መቀየሩን የዛሬው የፋና ዜና ገልጿል። የስኳር ፋብሪካዎች ግንባታ መጓተት ያስከተለውን ምስቅልቅል ሜቴክም ሆነ ኢህአዴግ ሊደብቁት ከማይችሉበት ደረጃ ደርሷል።

የስኳር ኮርፖሬሽኑ ቃል አቀባይ እንደሚሉት ከሆነ ለግንባታዎቹ መጓተት ምክንያቶቹ ሁለት ናቸው። 1ኛው የኮንትራት አስተዳደር ችግር ፣2ኛው ደግሞ የፋይናንስ አቅርቦት ችግር። የነዚህን ፕሮጀክቶች ሂደት ከመጀመሪያው ጀምሮ ለተከታተልን ሰዎች እነዚህ ሁለት ምክንያቶች እጅግ በጣም አስቂኝ አናዳጅና ሲበዛ የሚያስቆጩ ናቸው።

ዛሬ ችግሩ የኮንትራት አስተዳደር ነው የሚሉት የኮርፖሬሽኑ ኃላፊዎች ከሰባት አመት በፊት የግንባታ ስራው ለሜቴክ ያለምንም ጨረታ በተሰጠበት ወቅት አሰራሩ ህገወጥ ነው ስንል ፀረ ልማት የሚል ስም ሰጥተውን ነበር። ዛሬ የኮንትራት ችግር ማነቆ ሆነብን የሚሉት የኮርፖሬሽኑ ኃላፊዎች ባለፈው አመት ፓርላማ ቀርበው ፕሮጀክቶቹ ቢጓተቱም የሜቴክ ጀነራሎችን ደፍሮ መናገር አይቻልም በማለት እንባ እየተናነቃቸው ሲናገሩ ሰምተናቸው ነበር። የኮንትራት ችግሩን የፈጠረው ሜቴክ ቢሆንም አሁንም ደፍሮ ተጠያቂ ያደረገው የለም። ይልቁንም ለሌላ ዙር ዘረፋ ይመች ዘንድ የሽርክና አሰራር የሚል ሌላ ማወናበጃ ሃሳብ ይዘው ቀርበዋል። የሚገርመው ፕሮጀክቶቹ በመንግሥት ባለቤትነት ይገነባሉ የተባልነው ካላቸው ስትራቴጂክ አገራዊ ጠቀሜታ አኳያ ወሳኝ በመሆናቸውና የግል ባለሃብቶች ብዙ ፍላጎት ያላሳዩባቸው በመሆኑ በመንግሥት መሰራት ያለባቸው ናቸው በሚል ነበር። አሁን ደግሞ ጭንቅ ውስጥ ሲገቡና ማጣፊያው ሲያጥራቸው የግል ባለሃብቶች ሽርክና አስፈላጊ ነው ተባለ። አጃኢብ እኮ ነው!!!!

ሌላው ገራሚው ነገር ፕሮጀክቶቹ የፋይናንስ አቅርቦት ችግር ገጥሟቸዋል መባሉ ነው። ልብ በሉ ይህንን የሚሉት እስካሁን ለፕሮጀክቶቹ ተብሎ 77 ቢሊዮን ብር የሚበልጥ ገንዘብ ወጪ መሆኑን ሳይክዱ ነው። ይህ ሁሉ ብር የት ገባ የሚለውን ጥያቄ እኛ እንጂ እነሱ መጠየቅም ማንሳትም አይፈልጉም። ባለፈው አመት እኮ 25% እንኳን አፈፃፀም ላላሳየ ፕሮጀክት ሜቴክ 96% ክፍያ መውሰዱን ራሳቸው የኮርፖሬሽኑ ሰዎች ሲያወሩ ነበር። ያው እነሱ ቢረሱትም እኛ እናስታውሳለን። ከዚህ በፊት ከቻይናና ከሌሎች የተወሰደው ብድር የት እንደገባ ሳይናገሩ የመክፈያው ጊዜ ስለደረሰ ሽርክና ያስፈልገናል ሲሉ ትንሽ እንኳ ሽክክ አይላቸውም።

ለማንኛውም እንደዚህ ጭምልቅልቁ በወጣ ፕሮጀክት ውስጥ ሽርክና ለመመስረት የሚፈልገውን ባለሃብት ለማየት ጓጉቻለሁ።

እሸቱ

በኤርትራ ምድር በምርኮ ተይዘው የሚገኙ የወያኔ ወታደሮች አርበኞች ግንቦት ለመቀላቀል እንደሚፈልጉ አስታወቁ።

በቅርቡ በፆረና ግንባር ወያኔ በቆሰቆሰው ጦርነት በኤርትራ ወታደሮች ተማርከው በእስር ላይ የሚገኙት የኢትዮጵያወታደሮች የኦሮሞና የአማራ እንዲሁም ከተለያዩ ብሄሮች የተውጣጡት ወደዚህ ጦርነት የገቡት በትግሬ የጦር አዛዦች አስገዳጅነት መሆኑን በመናገር

የኤርትራ መንግሥት ይቅርታ የሚያደርግላቸው ከሆነ አርበኞች ግንቦት 7ን በመቀላቀል ዘረኛውን ገዳዩን የወያኔ ስርዓት ለመዋጋት እንደሚፈልጉ መናገራቸውን ከኤርትራ ምድር የወጣው መረጃ በታማኝ ምንጮቻችን በኩል ሊረጋገጥ ችሎዋል።

የጦር ምርኮኞቹን ጉዳይ አስመልክቶ የኢትዮጵያ መንግስት ከጋዜጠኞች ለቀረበለት ጥያቄ በአቶ ጌታቸው ረዳ‬ በኩል የተሰጠው ምላሽ

<<ምንም የተማረከ ወታደር የለም እንዲያው ጀግናው የመከላከያ ሰራዊታችን እስከ 200 ሜትር ድረስ ለትንኮሳ የመጡትን የኤርትራን ወታደሮች እያሳደደ አጥቅቷል>>

የሚል እንደነበር የሚታወስ ነው።

የነዚህን የኢትዮጵያ ምርኮኛ ወታደሮች የወደፊት እጣ ፈንታ አስመልክቶ የኤርትራ መንግስት ምን ሊወስን እንደሚችል እስካሁን ድረስ ምንም የታወቀ ነገር ባይኖርም በጉዳዩ ዙሪያ የኤርትራ ባለስልጣናት ከአርበኞች ግንቦት 7 አመራሮች ጋር ሊነጋገሩበት እንደሚችሉ መረጃውን ካደረሱንታማኝ ምንጮቻችን ለመረዳት ችለናል።

Aseged Tamene pictursAseged Tamene pictur

Aseged Tamene

%d bloggers like this: