በደሴ የስራ ማቆም አድማውን ባደረጉ ሱቆች ላይ የወያኔ ስርሀት በማሸግ ላይ መሆኑ ተሰማ

በትናንትናው ለት በደሴ ከተማ ልዩ ስሙ አራዳ ተብሎ በሚጠራው አካባቢ የደሴ ከተማ ትልቁ የንግድ ማእከል በሆነው ቦታ አምስት ትልልቅ ህንፃዎች በድምሩ ከአንድ ሺህ በላይ ሱቆች የስራ ማቆም አድማ ማድረጋቸው መነገሩ ይታወሳል።

በዚሁ የስራ ማቆም አድማም ሌሎች ነጋዴዎችም ተቀላቅለዋል ደሴ ከተማ በልዩ ስሙ አራዳ ተብሎ የሚጠራው አካባቢ የሚገኙ የንግድ ቤቶች በብዛት በመዘጋታቸው እስከ ዛሬ ድረስ ጭር ብሎ ይታያል ፡፡


ይህ ያሰጋው አገዛዙም የስራ ማቆም አድማውን ባደረጉ ሱቆች ላይ “በንግድ ፍቃድዎ አገልግሎት ባለመስጠትዎ ታሽጓል” የሚል ወረቀት እየለጠፉባቸው እንደሚገኙ ከስፍራ የደረሰን መረጃ ያመለክታል፡፡
የወያኔ ስርሀት ከጫፍ ላይ ሆኖ የህዝብን ተቃውሞ በኃይል ለመቀልበስ እየሞከረ ቢሆንም የህዝቡ እንቢተኝነት እየጨመረ ነው ። የወያኔን ስርሀት ህዝቡ አንቅሮ ከተፋው የቆየ ቢሆንም በዚህ ጊዜ ግን በድፍን ኢትዮጵያ ተቃውሞው ቀዝቀዝ ሞቅ እያለ እንደቀጠለ ነው ። ፍርሀት ከህዝቡ ከጠፋ ቆየ ለውጥ ያስፈልገናል ይህን ተቃውሞ በህብረት የማድረግ ለውጥ ።

Advertisements

የደቡብ ምእራብ እዝ ከሃረሪ ክልል መሪ ጎን እንደሚቆም አስታወቀ

የአስቸኳይ ጊዜ አዋጅ የታወጀበት የሃረሪ ክልል በወታደራዊ መሪዎች እየተመራ ሲሆን፣ ወታደራዊ መሪዎቹ ሰሞኑን በተለያዩ ቀበሌዎች እየዞሩ ህዝቡን እና ካድሬዎችን ካነጋገሩ በሁወላ የውይይቱ ውጤት ነው ያሉትን ለክልሉ መሪ ለአቶ ሙራድ አብዱላሂ አቅርበዋል።
በክልሉ ያለው ችግር የመሪዎች ችግር መሆኑን የገለጸት ወታደራዊ ባለስልጣናቱ፣ የመሪዎች አለመግባባት ህዝቡን አሸፍቶታል ብለዋል። የደቡብ ምዕራብ እዝ ምክትል የኦሮፕሬሽን አዛዡ ጄኔራል አማረ፣ በገጠር የሚገኙ አንዳንድ ኦሮሞዎች ሸፍተው ጫካ የገቡ በመሆኑ እርምጃ ሊወሰድባቸው ይገባል ብለዋል። ፕሬዚዳንቱን በሚወሰዱት እርምጃ ከጎናቸው እንደሚቆሙም አስታውቀዋል

በኤረር ወረዳ ውስጥ ህገወጥ የጦር መሳሪያ የተበራከተ በመሆኑ ፣ ሰራዊቱ መሳሪያውን ለማስፈታት መዘጋጀቱንም አዛዡ ተናግረዋል። ጄኔራል አማረ ክልሉን በጣምራ የሚመሩትን የኦህዴድ አመራሮችን በክልሉ ውስጥ ችግር እየፈጠሩ እንደሆነና መከላከያ ከሃረሪ ብሄራዊ ሊግ ጎን እንደሚቆም አስታውቀዋል።
በሌላ በኩል በሁንደኔ ወረዳ የሚገኙ የኦሮሞ ተወላጆች በሃረሪ ክልል ባለስልጣናት እየደረሰባቸው ያለውን የመብት ጥሰት በማንሳት ከክልሉ እንዲወጡ ያቀረቡት ጥያቄ መልስ ባላገኘበት ሁኔታ አካባቢውን በህግ ወደ ሃረሪ ክልል ለማጠቃለል አዲስ አዋጅ እየወጣ ነው።

ሁንደኔ ወረዳ ለሃረሪ ክልል በይሁንታ የተለገሰ መሆኑን የሚናገሩት የአካባቢው ነዋሪዎች ፣ በወረዳው የሚኖረው የኦሮሞ ህዝብ ባለፉት 26 ዓመታት በሃብሊ ባለስልጣናት ከፍተኛ ጭቆና ሲደርስበት መቆየቱን ተከትሎ የመብት ጥያቄዎችን አንስቷል። አሁን ደግሞ አካባቢውን በህግ ወደ ሃረሪ ክልል ለማስገባት አዲስ አዋጅ መረቀቁን ምንጮች ረቂቅ አዋጁን በማያያዝ ከላኩን መረጃ ለመረዳት ተችሎአል።

አዲስ የወጣው የቀበሌ ቤት መመርያ የቀበሌ ቤት ከግለሰብ የተከራዩ ግለሰቦች ቤቱን ‹‹መውረስ›› ይችላሉ ተባለ

ዋዜማ ራዲዮ እንደዘገበው ከ42 ዓመታት በፊት ትርፍ የከተማ ቤትና ቦታን በተመለከተ የወጣው አዋጅ ቁጥር 47/67ን ተከትሎ ከግለሰቦች የተወረሱ በርካታ ቤቶችን በተመለከተ የኢህአዴግ መንግሥት ግልጽ የሆነ መተዳደሪያ ሳያቀርብ ላለፉት 26 ዓመታት አሳድሮታል፡፡ ባለፈው ሳምንት መጨረሻ ከጠቅላይ ሚኒስትር ቢሮ ለከተማ ልማትና ቤቶች ሚኒስትር የተላከ መመሪያ በአወዛጋቢ አንቀጾች የተሞላ በመሆኑ የአስሩን ክፍለ ከተማ መሬት አስተዳደር ባለሞያዎች ጭምር እያነጋገረ ነው፡፡


ከጠቅላይ ሚኒስትር ቢሮ ተፈርሞ የወጣው ይህ አዲሱ መመሪያ የቀበሌ ቤትን በውክልና የማደስ፣ የማውረስ፣ ለደባል ነዋሪ ከፊል የነዋሪነት መብትን የማጎናጸፍ፣ የምትክ ባለቤቶችን መብት የማረጋገጥ አንቀጾችን በተሻለ ግልጽነት ያቀፈ ሲሆን ለዓመታት ባልተፈቱ ዋና ዋና ነጥቦች ላይ ግን አወዛጋቢ አንቀጾችን ይዟል፡፡


በተለይም የቀበሌ ንግድ ቤትን ሸንሽነው የሚያከራዩ ዜጎች መብታቸውን ለሦስተኛ ወገን አሳልፈው በመስጠታቸው የተከራይ ተከራዮች ንግድ ቤቶቹን ‹‹የመውረስ›› እድል እንዳላቸው የሚጠቁም አንቀጽን መያዙ እያነጋገረ ነው፡፡ ይህም የሆነው የተከራይ ተከራዮች የቀበሌ ንግድ ቤት ቀዳሚ ተከራይን አልፈው ከመንግሥት ቤቶች ኤጀንሲ ጋር ውል ማሰር እንደሚችሉ የሚያመላክት አንቀጽን በውስጡ ይዟል፡፡


በ1988 በአዲስ አበባ ከተማ መስተዳደር የንግድ ቤት ከቀበሌ ተከራይ የተከራዩ ግለሰቦች በቀጥታ ቤቱን ከመንግሥት እንዲከራዩ የሚያደርግ መመሪያ መውጣቱን ተከትሎ በተለይም ንግድ ሱቆች አካባቢ በአከራይ ተከራይ መካከል ከፍተኛ ውዝግብ ፈጥሮ እንደነበር ይታወሳል፡፡ ይህን መመሪያ ተከትሎም ቤቴን መልስ አልመልስም በሚል በአከራይና ተከራዮች መካከል ሕይወት እስከመጠፋፋት የደረሱበት አጋጣሚም ተፈጥሮ እንደነበር ይታወሳል፡፡
በሌላ በኩል በቀበሌ ቤት ውስጥ ተጠግተው ባገኙት ክፍት ቦታ ላይ በራሳቸው ወጪ ቤት ገንብተው ለዘመናት ሲኖሩ የነበሩ ዜጎች ‹‹ሕገ ወጦች በመሆናቸው እንዳይስተናገዱ›› ሲል ይኸው መመሪያው ያዛል፡፡ በመልሶ ማልማት ጊዜም ቢሆን ሲፈርሱ ምንም ዓይነት ምትክ ቦታን እንዳያገኙ ያስጠነቅቃል፡፡ ይህ አንቀጽ ባለፉት 40 ዓመታት በቀበሌ ቤት ግቢ ውስጥ በደባልነትም ሆነ በግል ወጪ ከቀበሌ ቤት በመጠጋት ባገኙት ክፍት ቦታ ደሳሳ ጎጆዎችን ቀልሰው የሚኖሩ በ10 ሺህ የሚቆጠሩ ዜጎችን ከጨዋታ ውጭ የሚያደርግ እንደሆነ የከተማ መሬት ባለሞያዎች ይናገራሉ፡፡


ከዚህም በተጨማሪ ባለፈው ሥርዓት በጦርነትም ሆነ በተለያየ መንገድ ከአገሪቱ የለያዩ አካባቢዎች የተፈናቀሉ ዜጎች ባዶ ቦታ በመንግሥት እየተመሩ ጊዝያዊ ጎጆ ቀልሰው እንዲኖሩ ተደርገው በዚያው የተዘነጉና ለአስተዳደር እንዲመች በሚል ብቻ በቀበሌ ቤትነት ተቆጥረው ለረዥም ዘመን የኖሩ ዜጎች ‹‹የግል ይዞታ›› ተደርገው እንዳይቆጠሩ ይኸው ከጠቅላይ ሚኒስትር ቢሮ የወጣው መመሪያ ያዛል፡፡ መመሪያው እንደሚያስገነዝበው ከሆነ ባለፉት 42 ዓመታት አንድ ቦታ በማንኛውም ምክንያትና ሁኔታ ለአንድም ቀን ቢሆን በቀበሌ ቤትነት ከተዳደረ ይዞታው የቀበሌ ቤት ሆኖ ይታሰባል ይላል፡፡
ለዋዜማ በስልክ አስተያየት የሰጡ አንድ የኮልፌ ቀራንዮ ክፍለ ከተማ የመሬት ባለሞያ ይህ አንቀጽ ‹‹ዜጎችን በእኩል ዓይን ያልተመለከተ ነው፣ ነባራዊ ሁኔታዎችንም አላስተዋለም›› ሲሉ ይተቻሉ፡፡ ‹‹ባለፉት 42 ዓመታት ከ10ሺ በላይ የሚሆኑ ዜጎች በሰፋፊ የቀበሌ ቤቶች በደባልነት ሲኖሩ ባገኙት ክፍት ቦታ ላይ ከዕለት ጉርሳቸው ቀንሰው ቤት ቀልሰው ኖረዋል፡፡ ወልደው ከብረዋል፣ ግብር ከፍለዋል፡፡ በምርጫ 97 ዋዜማ መሬትን በጠራራ ፀሐይ ወረው የያዙ ዜጎች ‹‹ሬጉላራይዝ›› እየተደረጉ ሕጋዊ ካርታ እየተሰጣቸው ለ40 ዓመት የኖረን ዜጋ በአንድ መመሪያ ከቤት ንብረቱ ማፈናቀል አግባብ አይመስለኝም‹‹ ሲሉ ሀሳባቸውን ያጠናክራሉ፡፡
ከዚህ ቀደም በግለሰብ ቤቶች ግቢ ውስጥ የግል መኖርያ ቤቶች ሲገኙ የይዞታ ጥያቄዎቻቸው በተነጻጻሪ ካርታ ሲስተናገዱ የቆየ ሲሆን በዚህም የተነሳ ባለሐብቶች ቦታዎቹን በተናጥል ለማልማትም ሆነ ከቀበሌ ቤት ጋር የሚጎራበቱ ይዞታዎችን አስፍቶ ለማልማት ሳይችሉ ቀርተዋል፡፡ ኾኖም ይህ ችግር በሚቀጥለው ወር በሚጸድቀው አዲሱ የሊዝ አዋጅ መልስ እንደሚያገኝ ተመላክቷል፡፡
“የተነፃፃሪ የመሬት ድርሻ ይዞታ ካርታ” ማለት በአንድ ግቢ ውስጥ የሚገኙ የመሬት ባለይዞታዎች የግል የመሬት ይዞታ ማረጋገጫ ካርታ ሲጠይቁ ይዞታቸውን ከፍሎ ካርታ ለመስጠት የማይቻል ሲሆን ይዞታው ሳይከፋፈል ባለበት ሁኔታ የድርሻቸውን መጠን በመጥቀስ የመሬት ይዞታ ካርታ መስጠት ግዴታ ሲሆን ነው፡፡
በአንጻሩ በቀድሞው ጊዜ በሥራ ዝውውር ምክንያት የግል የዞታቸውን ለመንግሥት በማስረከብ ለሥራ በሚዘዋወሩበት ክልል በምትኩ የቀበሌ ቤት ያገኙ የነበሩ ግለሰቦች ይዞታቸውን በተመለከተ ካርታ እንዲያገኙ አዲሱ ውሳኔ ይደነግጋል፡፡ ይህም በተለምዶ ‹‹ማካካሻ ቤት›› ተብሎ የሚጠራው ነው፡፡


የቀበሌ ቤቶች በደብተር ካርታ ሲስተናገዱ የቆዩ ሲሆን መንግሥት ባለፉት 26 ዓመታት ምን ያህል የቀበሌ ይዞታዎች እንዳሉ መረጃ ለማጠናቀር ሞክሮ እምብዛምም አልተሳካለትም፡፡ ለ30ሺህ የቀበሌ ቤቶች ሕጋዊ ካርታ ለማዘጋጀት ከሁለት ዓመት በፊት እንቅስቃሴ ተጀምሮ ሳይጠናቀቅ ቀርቷል፡፡ ኾኖም በአዲስ አበባ ብቻ ከ170ሺ የማያንሱ የቀበሌ ቤቶች እንዳሉ ይገመታል፡፡ የቀበሌ ቤቶችን በሕጋዊ ካርታ መለየት አለመቻሉ በአንዳንድ የመንግሥት ሹመኞች በማዕከላዊ ከተማ ውስጥ የሚገኙ በጥሩ ይዞታ የሚገኙ የቀበሌ ቤቶችን ወደ ግል ይዞታ እንዲዛወሩ እድሉን ፈጥሮላቸዋል፡፡ በዚህም የተነሳ የቀበሌ ቤቶች ቁጥር ከዓመት ዓመት እየተመናመነ እንደሚገኝ የሚናገሩ በርካታ ናቸው፡፡


መንግሥት የቀበሌ ቤቶችን ባለቤትነትን በጽኑ የሚያጤነው በመልሶ ማልማት ወቅት ምትክ የቀበሌ ቤት ለማፈላለግ ሲገደድ ብቻ እንደሆነ ብዙዎች ይናገራሉ፡፡ የቀበሌ ቤቶች በመልሶ ማልማት ሲፈርሱ ነዋሪዎቹ ባለ አንድ ወይም ባለ ሁለት መኝታ ቤት እንዲገዙ አልያም ወደ ሌላ የቀበሌ ቤት እንዲዛወሩ እድሉ ይመቻችላቸዋል፡፡ ኮንዶሚንየም የመግዛት አቅም ከሌላቸው ደግሞ አዲስ የቀበሌ ቤት ተፈልጎ እስኪገኝ ለሁለት ዓመት የሚሆን መጠነኛ የቤት ኪራይ አበል ይሰጣቸዋል፡፡ በአዲስ አበባ በቀበሌ ቤት የሚኖሩ አብዛኛዎቹ ዜጎች ኮንዶሚንየም ለመግዛት አቅም ስለሚያንሳቸው በመልሶ ማልማት ጊዜ ለከፍተኛ እንግልት ይጋለጣሉ፡፡


የቀበሌ ቤቶች የሚኖሩ ዜጎች አዲስ ቤት ቢኖራቸውም እንኳ ለመልቀቅ ፍቃደኞች አይሆኑም፡፡ በርካታ የቀበሌ ቤቶች በመንግሥት ትንንሽ ሹመኞች መያዛቸው ደግሞ ችግሩን አባብሶታል፡፡ ለዓመታት የቀበሌ ቤት በመጠባበቅ ላይ ያሉ ዜጎች ቢኖሩም የመንግሥት ሹመኞች በግል ያስገነቧቸው ቤቶችን እያከራዩ በቀበሌ ቤቶች መኖርን ስለሚመርጡ ድሀ ዜጎች ተራ የማግኘት እድላቸው የጠበበ ነው፡፡ በርካታ ቁጥር ያላቸው የቀበሌ ቤቶች ተለቀው የነበረው የኢትዮ ኤርትራ ጦርነት ዋዜማ ኤርትራዊያን ከአገር እንዲለቁ በተገደዱበት ወቅት መሆኑ ይታወሳል፡፡


የቀበሌ ቤት ኖሯቸው አጎራባች የቀበሌ ቤቶችን በአንድም ሆነ በሌላ መንገድ አስፋፍተው የያዙ፣ ወደራሳቸው የቀበሌ ቤት ያካተቱ፣ ከቀበሌ ቤት የሚጎራበት የግል ቤት ኖሯቸው በጊዜ ሂደት የቀበሌ ቤቱን ግንብ አፍርሰው ወደራሳቸው ቤት አጠቃለው የያዙ፣ ይዞታን በሕገወጥ መንገድ ካስፋፉ በኋላም ለሦስተኛ ወገን የሸጡና በዚህም አላግባብ ጥቅም ለማግኘት የሞከሩ ዜጎች ቦታውን እንዲነጠቁ እንደሚደረግ ከጠቅላይ ሚኒስትር ቢሮ የወጣው መመሪያ ያዛል፡፡ ኾኖም በክፍለ ከተማ የሚገኙ የመሬት ባለሞያዎች የዚህን አንቀጽ ተፈጻሚነት በጥርጣሬ ይመለከቱታል፡፡


‹‹የቀበሌ ቤቶችን ይዞታ ከራሳቸው ጋር አዳብለውና አስፋፍተው የያዙ ግለሰቦች ካርታ ተሠርቶላቸው ለሦስተኛ ወገን አስተላልፈዋል፤ ብዙዎቹ በዚህ ድርጊት ውስጥ የተዘፈቁት መካከለኛ የመንግሥት ሹመኞች እንደሆኑ ማንም የሚያውቀው ነው፡፡ እነዚህን ዛሬ ተነስቶ ተጠያቂ ማድረግ የማይመስል ነገር ነው›› ይላሉ ዋዜማ ያነጋገረቻቸው የኮልፌ ቀራንዮ የመሬት ልማት ማኔጅመንት ባለሞያ፡፡


በአቶ ደበበ አበራ በሚኒስትር ማዕረግ የካቢኔና ማኅበራዊ ጉዳዮች ኃላፊ ፊርማ የወጣው ይህ መመሪያ ወቅታዊና ነባራዊ ሁኔታዎችን በቅጡ ግንዛቤ ውስጥ ያላካተተ ከመሆኑም በተጨማሪ ለዘመናት በቀበሌ ቤቶች እየኖሩ ቤተሰብ ያፈሩ ዜጎችን ያለ ምንም ርህራሄና አማራጭ የሚያፈናቅል በመሆኑ ተግባራዊ የመሆኑ ጉዳይ አጠያያቂ እንደሆነ እየተነገረ ነው፡፡


‹‹እኔ የሚገባኝ ወደተግባር ከመኬዱ በፊት መመሪያው ሊቀለበስ እንደሚችል ነው፣ ተግባራዊ እናርገው ብንልም የሚቻል አይደለም፣ አማራጮች መቀመጥ አለባቸው›› ይላል ቀድሞ በከተማና ቤቶች ልማት ሚኒስትር ውስጥ የሚሰራና አሁን በአዲስ አበባ መስተዳደር የከተማ ማደስና መልሶ ማልማት ባልደረባ፡፡

አቶ በረከት ስምኦን የሙስና ምርመራ እየተካሄደባቸው ነው ተባለ

በቅርቡ ከፖሊሲ ምርምርና ጥናት ተቋም ምክትል ሃላፊነታቸው በፈቃዳቸው ስራቸውን የለቀቁት አቶ በረከት ስምኦን የሙስና ምርመራ እየተካሄደባቸው መሆኑን ምንጮች ለኢሳት ገለጹ።
በተለይም በ300 ሚሊየን ብር ወጪ ግንባታው በመጠናቀቅ ላይ ያለውና በአዲስ አበባ ከተማ የሚገኘው ደብል ትሪ ባለ አራት ኮከብ ዘመናዊ ሆቴል የርሳቸውን ነው በሚል ምርመራ ተጀምሯል።

በአቶ በረከት ላይ የተጀመረው ምርመራ ሌሎች አሏቸው የተባሉና በግለሰቦች ስም የተያዙ ንብረቶችንም እንደሚጨምር ምንጮቹ ለኢሳት ገልጸዋል።
በሕዝባዊ ወያኔ ሀርነት ትግራይ ውስጥ በተፈጠረው ክፍፍል “የመለስ ሌጋሲ” የተባለውና በአቶ በረከት የሚደገፈው የእነ አቶ አባይ ወልዱ ቡድን እየተዳከመ መገኘቱን ተከትሎ ከንግድ ባንክ የቦርድ ሊቀመንበርነት ተባረዋል።
ይህን ተከትሎም የፖሊሲ ምርምር ተቋም ምክትል ዳይሬክተርነታቸውን በፈቃዳቸው የለቀቁት አቶ በረከት ስምኦን ለሕወሃት መዳከምና በሀገሪቱ ለቀጠለው ቀውስ በሌላኛው የህወሃት ቡድን ተጠያቂ ሲደርጉ ቆይተዋል።
አሁን በአቶ በረከት ላይ የሙስና ምርመራ የከፈተውም ይህው ቡድን እንደሆነም መረዳት ተችሏል።

በዚህም አቶ በረከት በቤተሰቦቻቸውና በሌሎች ግለሰቦች ስም የሚያንቀሳቅሷቸው ተቋማት ተለይተው እንደታወቁ ምርመራ ተጀምሯል።
ጄ ኤ ኤፍ ቢ ቢ በተባለ ኩባንያ ስም የተገነባውና ግንባታው እየተጠናቀቀ የሚገኘው ባለ 11 ፎቁ ደብል ትሪ ሆቴል ቅድሚያ ትኩረት ውስጥ መግባቱ ተመልክቷል።
ቦሌ አውሮፕላን ማረፊያ አካባቢ የተገነባውና 106 መኝታ ክፍሎች ያሉት ይህ ሆቴል በባለቤትነት የተመዘገበው አቶ ተካ አስፋው በተባለ ግለሰብና በቤተሰባቸው እንደሆነም ታውቋል።

ሆቴሉ 70 በመቶ በአቶ ተካ አስፋው እንዲሁም 30 በመቶ በባለቤታቸው በወይዘሮ ፍቅረማርያም በላይ መያዙንና በሰነዶች መመዝገቡን ምንጮቹ ይገልጻሉ።
ምርመራው በግለሰቦቹ የሃብት ምንጭና በአቶ በረከት ስምኦን ግንኙነት ዙሪያ የሚያተኩር እንደሆነም ከመረጃው ለማወቅ ተችሏል።
የሆቴሉ ባለቤት ሆነው የተመዘገቡት አቶ ተካ አስፋው ረዳት አቃቢ ህግ ሆነው በህግ ሙያ ውስጥ የቆዩ መሆናቸው ታውቋል።
በሼህ መሀመድ አላሙዲን ኩባንያዎች ውስጥ አሁን በህግ አማካሪነት እየሰሩ መሆናቸው የተነገረው አቶ ተካ አስፋው፣ከአቶ በረከት ስምኦን ጋር ያላቸው ግንኙነት በሼህ መሀመድ አላሙዲን አማካኝነት እንደሆነም የምርመራውን ፍንጮች መሰረት ያደረጉት የኢሳት ምንጮች ገልጸዋል።
አቶ በረከት ስምኦን ከደብል ትሪ ሆቴል በተጨማሪ በባለቤታቸው ስም አለ የተባለውን ማተሚያ ቤት ጨምሮ በሌሎች በዘረፋ ተገነቡ በተባሉ ድርጅቶቻቸው ላይ መርመራው እንደሚቀጥልም መረዳት ተችሏል።

በሕዝባዊ ወያኔ ሀርነት ትግራይ ውስጥ ያለው የሃይል አሰላለፍ አሁን ባለበት በእነ አቶ ስብሃት የበላይነት ከቀጠለና ሰራዊቱንም ሙሉ በሙሉ መቆጣጠር ከቻሉ በሌሎች የብአዴን መሪዎች እንዲሁም በኦህዴድ መሪዎች በእነ አቶ አባዱላ ገመዳ ላይ ተመሳሳይ ሁኔታዎች እንደሚቀጥሉ የቅርብ ምንጮቹ ይገልጻሉ።
በአለም አቀፉ ሂልተን ሆቴል መለያ የሚታወቀውና በአዲስ አበባ ቦሌ አለም አቀፍ አውሮፕላን ማረፊያ አካባቢ የተገነባው ሆቴል ከ6 ወራት በኋላ በሰኔ ወር ስራ ለማስጀመር መርሃ ግብር የተያዘ ቢሆንም በአቶ በረከት ላይ የተጀመረው ምርመራ በሆቴሉ ስራ መጀመር ላይ ምን እንደሚያስከትል ግን የታወቀ ነገር የለም።

 

በህወሓት/ኢህአዴግ ውስጥ የተፈጠረው አለመግባባት ብሶበታል ተባለ

በህወሓት/ኢህአዴግ ውስጥ የተፈጠረው አለመግባባት እየባሰበት እንደመጣ ምንጮች ጠቆሙ፡፡ ፓርቲው አጣብቂኝ ላይ በወደቀበት በዚህ ሰዓት፣ ባለስልጣናቱ የተለያየ አስተሳሰብ ውስጥ እንደሚገኙ ታውቋል፡፡ በተለይ በኦሮሚያ ክልል የተፈጠረው ህዝባዊ ንቅናቄ በፓርቲው አመራሮች ዘንድ የሚወሰነውን ውሳኔ ጉራማይሌ እንዲሆን እንዳደረገው የጠቆሙት ምንጮች፣ ፓርቲው ትልቅ ችግር ውስጥ እንደሚገኝ አክለው ገልጸዋል፡፡ ፓርቲው ከፍተኛ መናጋት እና ክፍፍል እየገጠመው እንደመጣ ከዚህ ቀደም ሲገለጽ ቆይቷል፡፡ የህወሓት/ኢህአዴግ አመራሮችን ለሁለት ከከፈሉ ጉዳዮች መካከል አንደኛው የፖለቲካ እስረኞችን የተመለከተው እንደሆነ ታውቋል፡፡

በተለይ በፖለቲካ ጉዳይ የታሰሩ የኦሮሞ ፖለቲከኞችን መፍታት በኦሮሚያ ክልል ለተከሰተው ህዝባዊ ተቃውሞ እንደ ማብረጃ ይጠቅማል ብለው ያሰቡ የፓርቲው አመራሮች፣ እስረኞቹ እንዲፈቱ ሀሳብ ማቅረባቸውን ለመረዳት ተችሏል፡፡ በሌላ ወገን ያለው አመራር ግን አንደኛው አመራር ያቀረበውን ሀሳብ እንደማይቀበለው መግለጹን ምንጮች ያስረዳሉ፡፡ በአንደኛው ወገን ‹‹ከመሬት ተነስቶ የፖለቲካ እስረኞቹን መፍታት ከባድ ሽንፈት ነው የሚያስከትልብን›› የሚል አመለካከት የያዘ ሲሆን፣ በሌላኛው የፓርቲው ወገን ደግሞ፣ ‹‹እስረኞቹን መፍታት ከመጣብን መዓት አይበልጥም፡፡›› የሚል አመለካከት መኖሩንም ከምንጮች ገለጻ ለመረዳት ተችሏል፡፡ 

 


በተለይ ዶ/ር መረራ ጉዲናን ጨምሮ አቶ በቀለ ገርባ እና ሌሎች በፖለቲካ ጉዳይ የታሰሩ የኦሮሞ ፖለቲከኞችን መፍታት፣ በኦሮሚያ የተፈጠረውን ቀውስ በመጠኑም ቢሆን ሊያበርደው ይችላል የሚል አቋም የያዙ የህወሓት/ኢህአዴግ አመራሮች፣ ሃሳባቸው የበላይነት እየያዘ እንደመጣ ለማወቅ ተችሏል፡፡ ሆኖም እስረኞቹን በነጻ ከመልቀቅ ይልቅ፣ ጉዳዩ የፍርድ ሂደቱን የተከተለ እንዲመስል በዋስ መልቀቁ እንደሚሻል በአንደኛው የፓርቲው ወገን ስምምነት ላይ መደረሱን የቢቢኤን ምንጮች ጠቁመዋል፡፡ ጠቅላይ ፍርድ ቤት በዛሬው ችሎቱ፣ አቶ በቀለ ገርባን በዋስ የፈታበት ምስጢርም አንደኛው የህወሓት/ኢህአዴግ አመራር ቡድን በደረሰበት ስምምነት መሆኑን የሚገልጹት መረጃዎች፣ በቀጣይም ከኦሮሞ ፖለቲከኞች ውስጥ ከእስር ሊፈታ የሚችል ሰው 
እንደሚኖር ከወዲሁ ጠቁመዋል፡፡

ትናንት ከፍተኛው ፍርድ ቤት አቶ በቀለ ገርባ አቅርቦት የነበረውን የዋስትና ጥያቄ ተቀብሎ በ፴ ሺ ብር ዋስ እንዲወጣ መወሰኑ ይታወሳል። ትግላችን መረር ያለ በመሆኑ ምን ያህል ወያኔን እንደከፋፈለው የታየ በመሆኑ በአማራውም ያለው ህብረተሰብ እስከመጨረሻው ትግሉን በህብረት አጠናክሮ ቢቀጥል ካፋፍ ላይ ያለው ወያኔና ስርሀቱ ወደመቃብር የሚገቡበት ቀን ቅርብ ይሆናልና ትግላችንን አጠናክረን እንቀጥል።

%d bloggers like this: