ሰበር መረጃ የኤርትራ ፕሬዚዳንት ሀገራቸው ላይ ተፈጽሟል ላሉት በደል ካሣ ተየቁ ተባለ

የኤርትራ ፕሬዚዳንት ኢሣያስ አፈወርቂ ሀገራቸው ላይ ተፈጽሟል ላሉት በደል በተባበሩት መንግሥታት የፀጥታው ምክር ቤት ውስጥ ያላቸውን ተፅዕኖ በመጠቀም ካሣ እንዲያስከፍሉ ለብዙ መንግሥታት መሪዎች ዛሬ መልዕክት ልከዋል፡፡

ፕሬዚዳንት ኢሣያስ የመንግሥታቱ ድርጅት የፀጥታው ምክር ቤት፣ የሀገሮችን ሠላምና ፀጥታ በማስከበር ለዓለም ድኅንነት የመሥራት ቀዳሚ ኃላፊነትና ሕጋዊ ግዴታም እንዳለበት በመልክታቸው አስምረውበታል፡፡

የፕሬዚዳንቱ ስሞታ እአአ ከግንቦት 1998 እስከ 2000 በሀገራቸውና በኢትዮጵያ መካከል የተካሄደውንና ከፍተኛ ሕይወትና ንብረት ያወደመውን የድንበር ጦርነት የተመለከተ ነው፡፡

በቅኝ አገዛዝ ዘመን የነበረው ድንበር ግልፅ ሰለነበር፣ “የድንበር ይግባኛ ውዝግቡ” ከተንኮል የመነጨ ነው ያሉት ፕሬዚዳንት ኢሣያስ ሆኖም ዋሺንግተን በውጭ ጉዳይ መሥሪያ ቤትዋ አማክይነት፣ የአፍሪካ ቀንድን ለመቆጣጠር ጥልቅ የታሪክ ትስስርና እስትራቴጂያዊ አንድነት ባለቸው ሀገሮች መካከል ቅራኔ ፈጥራለች ብለዋል፡፡

የተባበሩት መንግሥታት የፀጥታው ምክር ቤት ሕጋዊ ኃላፊነቱን በመወጣት፣ ወራሪዎችን ከመሬታቸው የማስለቀቅ፤ አለአግባብ ኤርትራ ላይ ተጣለ ያሉትን ዕቀባ የማንሳትና ኤርትራ ላይ የሚሰነዘረውን ጥቃት የማስቆም ግዴታ አለበት ብለዋል፡፡

ይህ በእንዲህ እንዳል በርካታ የሰብዓዊ መብት አስከባሪ ድርጅቶች ሰለ ኤርትራ ሰብዓዊ መብቶች ዘገባ የሚያቀርብ የመንግሥቱ ድርጀት ልዩ ተጠሪ ኃላፊነት እንዲታደስ ጥሪ አድርገዋል፡፡

አምነስቲ ኢንተርናሺናል እና ሁዩማን ራይትስ ዋችን የጠቀለሉ ሃያ ሰባት ዓለምቀፍና የኤርትራ ሰብዓዊ መብት ተቆርቋሪ ድርጅቶች፣ ለ35ኛው ዓለምቀፍ የሰብዓዊ መብት ጉባዔ በፃፉት መልዕክት፣ ኤርትራ ሰቆቃ፣ ባርነት፣ አስገድዶ መሰወር እና ሌሎች መሠረታዊ የሆኑ የሰው ልጆች መብት አሁንም የሚጣስበት ሀገር ሰለሆነች፣ የመንግሥታቱ ድርጅት የሰብዓዊ መብት ተቆጣጣሪ ኃላፊነት እንዲታደስ ጠይቀዋል፡፡

Advertisements

About Aseged Tamene
Your rights are your security. When you, 'give up your rights for security", it's not security you get, but slavery.'

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: