ሻሸመኔ ያሉ ተማሪዎች በወያኔዉ የአፈና ቡድን ተይዘዉ ሰቆቃ እየተፈፀመባቸዉ መሆኑን

ሻሸመኔ በሚገኘዉ ሉሲ ትምህርት ቤት ዉስጥ ያሉ ተማሪዎች በወያኔዉ የአፈና ቡድን ተይዘዉ ሰቆቃ እየተፈፀመባቸዉ መሆኑን ከስፍራዉ የተገኘዉ መረጃ ያስረዳል። ተማሪዎቹ የታፈኑበት ዋና ምክንያት ተደርጎ የተወሰደዉ የሕዉሐት ገዥዉ መደብ ያወጣዉን የኮማንድ ፖስት አዋጅ በመቃወም ያለ ፈቃድ ስብሰባ ማድረጋቸዉ ሲሆን ከዚሁ ጋርም ተያይዞ ተማሪዎቹ ጥቁር ካኒቴራ በመልበስ እና ኮከብ የሌለዉን የኢትዮጵያን ሰንደቅ ዓላማ በመያዛቸዉ እንደሆነ ታዉቋል።
በዚህ ፀረ ሕዉሐት ስብሰባቸዉ የለበሱት ካኔቴራ ገዥዉን ሕዉሐትን የሚያወግዝ መልዕክት እንዳለዉ ታዉቋል። የተለመደዉ የሕዉሐት የሃሰት ክስም ለነዚሁ ተማሪዎች የተሰጠ ሲሆን ተማሪዎቹን በራሪ ወረቀቶችን በመበተን ተማሪዉን በመቀሰቀሳቸዉ እና በሕቡዕ ለሚንቀሳቀሱ ድርጅቶች ተልዕኮ አስፈፃሚዎች ናቸዉ በማለት መወንጀሉ የደረሰን ሪፖርት ያሳያል።

በሻሸመኔ የሉሲ ተማሪዎች ላይ የሕዉሐት የደህንነት ክፍል እየወሰደ ያለዉ ኢሰብዓዊ ድርጊት ወላጆችን በእጅጉ ያሳሰባቸዉ እንደሆነ እና ለማን አቤት እንደሚሉ ስለጨነቃቸዉ የልጆቻቸዉን ጉዳይ ኢትዮጵያዉያን ሁሉ ባሉበት ቦታ ለሚመለከተዉ የሰብዓዊ መብት ተሟጋች ድርጅቶችም ሆነ ጉዳዩ ለሚመለከታቸዉ መስሪያ ቤቶች አቤት እንዲሉላቸዉ መማጸናቸዉ ክስፍራዉ ተዘግቧል።

ከዚህ ከሚደርስባቸዉ ሰቆቃ በተጨማሪ ተማሪዎቹ ለጤና እጅግ አስቸጋሪ የሆነ ቦታ ላይ መታሰራቸዉ በጤናቸዉ ላይ ከፍተኛ ችግር ሊገጥማቸዉ እንድሚችል መታወቁ ቤተሰቦቻቸዉ ለከፍተኛ የስነ ልቦና ቀዉስ እንደተጋለጡ ለመረዳት ተችሏል።

የሕዉሐት ደህንነት ገና ታዳጊ የሆኑትን ሕፃናት በዘር እየለየ ጥቃት እያደረሰም መሆኑ ሲታወቅ የዚህ ጥቃት ሰለባ የሆኑት አብዛኞቹ የኦሮሞ፤ የአማራና የጉራጌ ተወላጅ ልጆች እንደሆኑም ታዉቋል። ሕዉሐት እድሜና ፆታ ሳይለይ በዜጎች ላይ እየወሰደ ያለዉ ሰቆቃ ያለበት አጣብቂኝ ከምንጊዜዉም በበለጠ ማጠፊያ እንዳጠረዉ ያሳያል ሲሉ አንዳንዶች ለዝግጅት ክፍላችን አስተያየታቸዉን ሰጥተዋል።

ከዚሁ ጋር በተያያዘም የሕዉሐት ባለስልጣናት በታሰሩት ተማሪዎች ቤተሰብ ላይ የተለያየ የሙስና ወንጀል እየፈፀሙባቸዉ መሆኑም ታዉቋል።

maxresdefault

© AbbayMedia

Advertisements

About Aseged Tamene
Your rights are your security. When you, 'give up your rights for security", it's not security you get, but slavery.'

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: