አርበኞች ግንቦት ሰባት በሰላሳ ከተሞች የተሳካ ህዝባዊ ስብሰባና የድጋፍ ማሰባሰብ ዝግጅቶች ማድረጉን አስታወቀ

አርበኞች ግንቦት 7 “እኔ ለነጻነቴ” በሚል መሪ ቃል በሰላሳ ከተሞች ህዝባዊ ስብሰባና የድጋፍ ማሰባሰብ ዝግጅት በስኬት ማጠናቀቁን ገለጹ።
ንቅናቄው እንደፈረንጆቹ አቆጣጠር ፌብሯሪ 11 እና 12 ቀን 2017 “እኔ ለነጻነቴ” የሚል ውይይትና የድጋፍ ማሰባሰቢያ ያደረገው በሰሜን አሜሪካ በሚገኙ የተለያዩ ግዛቶች፣ በአውሮፓ፣ በካናዳና፣ ደቡብ አፍሪካ መሆኑ ታውቋል።

ከተሞችን በሁለት ቀን በመክፈል በተመሳሳይ ሰዓት በቀጥታ ውይይት በተካሄደው ስብሰባ የድርጅቱ ሊቀመንበር ፕሮፌሰር ብርሃኑ ነጋ ከትግሉ ስፍራ መልዕክታቸውን ያስተላለፉ ሲሆን፣ በተሰብሳቢዎች ለተነሱ ጥያቄዎች በስካይፕ ተገኝተው በቀጥታ ምላሽ ሰጥተዋል።
የንቅናቄው ሊ/መንበር ፕሮፌሰር ብርሃኑ ነጋ ባስተላለፉት መልዕክት “አርበኞች ግንቦት ሰባት የሚታገለው በአገራችን ዕውነተኛ የሆነ የዴሞክራሲያዊ ስርዓት ግንባታ ሂደት ለማስጀመር እንጂ ስልጣን ለመያዝ አይደለም” በማለት ገልጸዋል።

ዶ/ር ብርሃኑ አያይዘውም ባሳለፍነው አመት የታየው የህዝብ የለውጥ እንቅስቃሴ አርበኞች ግንቦት ሰባት የሚከተለውን ሁለገብ የትግል ስልት ትክክለኛነት ያረጋገጠ ነው” ነው በማለት ገልጸዋል። የነጻነት ትግል ውስጥ ንቅናቄያቸው ግንባር ቀደም ሚና እየተጫወተ መሆኑን ተናግረዋል።
ከተሰብሳቢዎች ለንቅናቄው ሊ/መንበር በትግሉ ሂደት፣ ከሌሎች የለውጥ ሃይሎች ጋር ተባብሮ በመስራት በተለይም በአማራ ክልል ራሳቸውን በጎበዝ አለቃ ካደራጁ ሃይሎች ጋር ያላቸው ግንኙነት፣ በድርጅታቸው ጥንካሬና የውስጥ አሰራር የተመለከቱ በርካታ ጥያቄዎች ቀርበዋል።
ፕሮፌሰር ብርሃኑ በሰጡት ምላሽ “የገጠመን ባላንጣ በኢትዮጵያ የዴሞክራሲ ስርዓት ግንባታ እንዳይጀመር ዋነኛ ደንቃራ መሆኑንና መወገድ እንዳለበት በህዝቡ ውስጥ መተማመን በመደረሱ ካለፈው አንድ አመት በፊት ጀምሮ ህዝባዊ ንቅናቄ ተፈጥሮ አገዛዙ አስቸኳይ ጊዜ አዋጅ እስከ ማውጣት አድርሶታል” በማለት ገልጸዋል። በዚህ ህዝባዊ ዕምቢተኝነት እና የነጻነት ትግል ውስጥ ንቅናቄያቸው ግንባር ቀደም ሚና እየተጫወተ መሆኑን ተናግረዋል።

አያይዘውም ከሌሎች የፖለቲካ ድርጅቶችና የነጻነት ሃይሎች ጋር የሚኖረው ግንኙነት በመርህ ላይ የተመሰረተ በተለይም የኢትዮጵያ ሉዓላዊ አንድነት የሚቀበልና ዴሞክራሲያው ስርዓት በአገራችን እንዲገነባ የጸና ዕምነት ካለው ጋር እንደሚሆን አስረድተዋል። በቅርብ ጊዜ የተፈጠረው “የኢትዮጵያ አገራዊ ንቅናቄ” ለዚህ አባባል እማኝ እንደሚሆን አስረድተዋል።

ፕሮፌሰር ብርሃኑ ራሳቸውን በጎበዝ አለቆች ካደራጁ ሃይሎች ጋር ተባብረው በመስራት ላይ እንደሚገኙ፣ ለትግል የሚያስፈልጋቸውን ነገር ለማሟላት በቀጥታም ሆነ በተዘዋዋሪ መንገድ ድጋፍ በመስጠትና በማደራጀት እንደሚሰሩ አስታውቀዋል።
በቀጣዩም ይህን አስከፊ ስርዓት ለማስወገድ እየተከፈለ ያለውን መስዋዕትነት ህዝቡ በፈቀደ አቅሙ ዕገዛውን እንዲያደርግ ጥሪ አቅርበዋል።

በተመሳሳይ ሁኔታ በበረሃ ትግል ውስጥ ያሉ የአርበኞች ግንቦት ሰባት ታጋይ አርበኞች ለተሰብሳቢውና ለመላው የኢትዮጵያ ህዝብ የትብብርና የድጋፍ ጥሪ አስተላልፈዋል።

Image may contain: 1 person, indoor

Advertisements

About Aseged Tamene
Your rights are your security. When you, 'give up your rights for security", it's not security you get, but slavery.'

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: