የፌዴራል ከፍተኛ ፍርድ ቤት በ6 አየር ሃይል አባላት ላይ የእስራት ቅጣት አስተላለፈ

የፌዴራሉ ከፍተኛው ፍርድ ቤት የአርበኞች ግንቦት ሰባትን ለመቀላቀል ወደ ኤርትራ ሲያቀኑ በቁጥጥር ስር ውለዋል የተባሉ ስድስት የአየር ሃይል አባላት ላይ ከሶስት እስከ 10 አመት የሚደርስ ጽኑ እስራት አስተላለፈ።
ከሳሽ አቃቤ ህግ በሰኔ 2007 አም ተከሳሾቹ የአየር ሃይልን በመክዳት ከአርበኞች ግንቦት ሰባት ጋር ለመቀላቀል ወደ ኤርትራ ሊያመሩ ሲሉ ባህር ዳር እና ጎንደር ከተሞች ላይ እንደተያዙ በክሱ አመልክቶ እንደነበር ይታወሳል።
የቀድሞው የአየር ሃይል አባላት ህገመንግስቱንና ህገመንግስታዊ ስርዓቱን በሃይል የማፍረስ አላማ ይዘው በሽብር ድርጅት ውስጥ አባላት በመሆንና በሽብር ድርጊት ተግባር ላይ ለመሳተፍ በማሰባቸው የሚል ክስን አቅርቦ እንደነበርም በወቅቱ መዘገባችን አይዘነጋም።
ይሁኑ የክስ ሁኔታ ሲመለከት የቆየው ፍርድ ቤቱ በስድስቱ ተከሳሾች ላይ ከሶስት አመት እስከ 10 አመት የሚደርስ ፅኑ እስራት ማስተላለፉን ከሃገር ቤት የተገኘ መረጃ አመልክቷል።
መቶ አለቃ ማስረሻ ሰጤ፣ መ/አ ብሩክ አጥናዬ፣ መ/አ ዳኔኢል ግርማ፣ መ/አ ጋዘኸኝ ድረስ እንዲሁም አቶ ተስፋዬ እሸቴ እና አቶ ሰይፉ ግርማ ስድስቱ ተከሳሾች ናቸው።
ከአንደኛ እስከ አራተኛ ያሉት መቶ አለቀ ተከሳሾች በ10 አመት አምስተኛና ስድስተኛ ተከሳሾች ደግሞ በሶስት አመት ከስድስት ወር እስራት እንዲቀጡ ፍርድ ቤቱ መወሰኑ ታውቋል።
ከተከሳሾቹ መካከል መቶ አለቃ ማስረሻ ሰጤና ስደተኛ ተከሳሽ ሰይፉ ግርማ በሃምሌ ወር በቂሊንጦ እስር ቤት ደርሶ ከነበረው የእሳት አደጋ እጃቸው አለበት ተብሎ ተደራራቢ ክስ ከተመሰረተባቸው በርካታ እስረኞች ጋር እንደሚገኙበትም ለመረዳት ተችሏል።
የፍርድ ውሳኔው ሰኞ በተላለፈበት ወቅት አንደኛ ተከሳሽ ከግንቦት ወር 2008 አም ጀምሮ በጨለማ ክፍል እንዲቆዩ መደረጋቸውንና ከቤተሰቦቻቸው ጋርም ተገናኝተው እንደማያውቁ ለችሎት አስረድተዋል።
ከእነዚህም በተጨማሪ በምርመራ ወቅት ከባድ ድብደባ ሲፈጸምባቸው መቆየቱንና ሌሎች የሰብዓዊ መብት ጥሰቶች ሲፈጸምባቸው እንደነበር አቤቱታቸውን አሰምተዋል።

15542125_1875786285986970_8207959935562296567_n

Advertisements

About Aseged Tamene
Your rights are your security. When you, 'give up your rights for security", it's not security you get, but slavery.'

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: