በሰሜን ኢትዮጵያ የተጀመረው ውጊያ እንደቀጠለ ነው ፥ ከሻለቃ መሳፍንት ጥጋቡ ህልፈት ጋር በተያያዘ ኢሳት በሰበር ዜናው ለተያያዘው ምስል ይቅርታ ጠየቀ

ከአርበኞች ግንቦት 7 የጦር አዛዦች አንዱ በሆነው በሻለቃ መሳፍንት ጥጋቡ ህልፈት የለውጥ ደጋፊዎች ሃዘንና ቁጭታቸውን በመግለጽ ላይ ናቸው። በሌላም በኩል በሰሜን ኢትዮጵያ የተጀመረው ውጊያ አሁንም መቀጠሉን የአካባቢው ምንጮች ገልጸዋል። ከሻለቃ መሳፍንት ጥጋቡ ህልፈት ጋር በተያያዘ ኢሳት በሰበር ዜናው ለተያያዘው ምስል ዝግጅት ክፍሉ የሟቹ ቤተሰቦቹንና ተመልካቾቹን ይቅርታ ጠየቀ።
የቀድሞ የደርግ መንግስት ለመጣል በተደረገው ትግል በብዓዴን/ኢህአዴግ ትግል ተሳታፊ የነበረው ሻለቃ መሳፍንት ጥጋቡ ስልጣን ላይ ያለውን ቡድን በመቃወም ለትምህርት በሄደበት ፈረንሳይ መቅረቱንናበኋላም በስደተኝነት ሉክሰምበርግ መሻገሩን ፣ ከሁለት አመት በፊት በረሃ ላይ ለኢሳት በሰጠው ቃለ-ምልልስ ገልጾ ነበር።
ስርዓቱን መቃወሞ ብቻ ሳይሆን፣ መታገል ያስፈልጋል በሚል የአውሮፓ ኑሮውን በመተው ከቤተቦቹ ተለይቶ ኤርትራ በረሃ የገባው ሻለቃ መሳፍንት ጥጋቡ፣ መከበቡን ተከትሎ እጅ ላለመስጠት ራሱን ማጥፋቱን የአካባቢ ምንጮችና አርበኞች ግንቦት 7 ገልጸዋል።
ሻለቃ መሳፍንት ጥጋቡ ከመከበቡና ራሱን ከማጥፋቱ በፊት በቀደሙት ቀናትና በዕለቱ በተካሄዱ ውጊያዎች እርሱ የሚመራው ጦር በደፈጣና በፊት ለፊት ውጊያዎች ጉዳት ማድረሱም ተመልክቷል።
በፈረንሳይ ፖሪስ የሁለት አመታት ወታደራዊ ትምህርቱን አጠናቆ ከስርዓቱ ለመለየት በመወሰን በስደት ሉክሰምበርግ የቆየው የሻለቃ መሳፍንት ጥጋቡ ህልፈት የብዙዎችን ሃዘንና ቁጭት መቀስቀሱ ታውቋል።
በኢሳት የድምፅ መልዕክት ማስቀመጫ ሳጥን ውስጥ የመጡ በርካታ አስተያየቶችም ሻለቃ መሳፍንት በጀግንነቱ ያወደሱ ሲሆን፣ መስዋዕትነቱ ትግሉን ያፋፍማል ሚሊዮኖችን ያፈራል ሲሉ መልዕክት አስተላልፈዋል።
በተያያዘ ዜና ከጦር መሪዎቹ አንዱ የተሰዋበት አርበኞች ግንቦት 7 በሰሜን ኢትዮጵያ የተጀመረው ውጊያ መቀጠሉን የአካባቢው ምንጮች ሲገልጹ ግንባሩም ይህንኑ አረጋግጧል።
በስርዓቱ ተቆጥተው መሳሪያ ይዘው የሸፈቱ የነጻነት ሃይላትም በተለያዩ የሰሚን ኢትዮጵያ አካባቢዎች ውጊያ መቀጠላቸውን መረዳት ተችሏል።
ይህ በእንዲህ እንዳለ፣ ከሻለቃ መሳፍንት ጥጋቡ ህልፈት ጋር በተያያዘ በሰበር ዜናችን ውስጥ ለተካተተው ምስል ኢሳት የሻለቃ መሳፍንት ቤተሰቦችን እንዲሁም ተመልካቾቹን ይቅርታ ጠይቋል። በአሰራር ላይ በተፈጠረ ግድፈት የአስከሬኑ ምስል በቪዲዮው ዘገባ ውስጥ ማካተቱ ተገቢ ባለመሆኑም፣ ኢሳት ምስሉን በዕለቱ ያስወገደ መሆኑን የኢሳት ዝግጅት ክፍል አስታውቋል።

 

About Aseged Tamene
Your rights are your security. When you, 'give up your rights for security", it's not security you get, but slavery.'

2 Responses to በሰሜን ኢትዮጵያ የተጀመረው ውጊያ እንደቀጠለ ነው ፥ ከሻለቃ መሳፍንት ጥጋቡ ህልፈት ጋር በተያያዘ ኢሳት በሰበር ዜናው ለተያያዘው ምስል ይቅርታ ጠየቀ

  1. Tizita Geletaw says:

    enjoy your fantasy!
    lam balwalebet kubet lekema!
    The truth will soon surface. The truth is G-7 is no fighting at all. All is fiction without a credible plot.

    Like

    • ትዝታ በመጀመርያ G-7 የሚባል ንቅናቄ የለም አርበኞች ግንቦት 7 ከሆነ በትግል ላይ ነው
      ምነው አንቺን አንገበገበሽ ወያኔ ነበር አርበኞች ግንቦት 7 ስሙ ሲጠራ የሚደነብረው አንቺም ከደነበርሽ ምን አልባት እራስሽን መርምሪ

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: