በደቡብ ኢትዮጵያ በስሎቫኪያና ቼክ ሪፐብሊክ ቱሪስቶች ላይ ጥቃት መፈጸሙ ተገለጸ

በደቡብ ክልል ሚዛን ከተማ አካባቢ በጉብኝት ላይ የነበሩ 10 የስሎቫኪያና የቼክ ሪፐብሊክ ቱሪስቶች ማንነታቸው ባልታወቀ ታጣቂዎች ዝርፊያ ተፈጽሞባቸው ሹፌራቸው መገልደሉ ተገለጸ።
የቼክ ውጭ ጉዳይ ሚኒስቴር ከቀናት በፊት በክልሉ ጉብኝት በማድረግ ላይ የነበሩት ቱሪስቶች በታጠቁ ሃይሎች ገንዘብን ጨምሮ የባንክ መገልገያ ካርዶችና ሌሎች ንብረቶቻቸው እንደተወሰደባቸው ሰኞ ይፋ አድርጓል።
የቼክ ውጭ ጉዳይ ሚኒስቴር ተወካይ የሆኑት ኢሬና ቫሌንቶባ፣ ዝርፊያ ከተፈጸመባቸው የቼክ ተወላጆች መካከል አንድ ሴት ጉዳት እንደደረሰባት ለሃገሪቱ መገናኛ ብዙሃን ገልጸዋል።
ቱሪስቶችን በማጓጓዝ ላይ የነበረ ማንነቱ ያልተገለጸ አንድ ሹፌር በተተኮሰበት ጥይት ጉዳት ደርሶበት ለህክምና ቢወሰድም ህይወቱ ማለፉን አሶሼይትድ ፕሬስ የቼክ ውጭ ጉዳይ ባለስልጣናትን ዋቢ በማድረግ ዘግቧል።
በኢትዮጵያ ተግባራዊ ተደርጎ የሚገኘውን የአስቸኳይ ጊዜ አዋጅ ተከትሎ ወደ ኢትዮጵያ የሚጓዙ የቱሪስቶች ቁጥር በከፍተኛ መጠን መቀነሱ ሲገለፅ ቢቆይም መንግስት ቱሪስቶች ያለምንም የደህንነት ስጋት ወደፈለጉት ስፍራ መጓዝ ይችላሉ ሲል ማስታወቁ ይታወሳል።
ይሁንና መንግስት ለቱሪስቶች ማረጋገጫን ቢሰጥም በአስሩ ቱሪስቶች ላይ በደቡብ ክልል ሚዛን ኣከባቢ የተፈጸመው ዝርፊያ ለመጀመሪያ ጊዜ መሆኑ ታውቋል።
የስሎቫኪያ ውጭ ጉዳይ ሚኒስቴር በበኩሉ ዝርፊያ የተፈጽሞባቸውን ስድስት የሃገሪቱ ዜጎችን ወደ ሃገራቸው መመለሱን አስታውቋል።
በኢትዮጵያ ተግባራዊ ተደርጎ የሚገኘውን የአስቸኳይ ጊዜ አዋጅ ተከትሎ የስሎቫኪያ መንግስት ዜጎቹ ወደ ኢትዮጵያ እንዳይጓዙ አሳስቦ እንደነበር ታሰር የተሰኘ የሃገሪቱ የመገናኛ ተቋም ሰኞ ዘግቧል።
በአለም አቀፍ ቱሪስቶች ላይ የተፈጸመውን ዘረፋና የሹፌሩን ግድያ በተመለከተ የክልሉም ሆነ የኢትዮጵያ ውጭ ጉዳይ ሚኒስቴር እስካሁን ድረስ የሰጡት ምላሽ የለም።
በርካታ የብሪታኒያ አስጎብኚ ድርጅቶች በኢትዮጵያ ተግባራዊ ተደርጎ ያለውን የአስቸኳይ ጊዜ አዋጅ ምክንያት በማድረግ ወደ ሃገሪቱ ሊያደርጉ የነበሩ ጉብኝቶች እንዲሰርዙ ማድረጋቸው ይታወቃል።
የኢትዮጵያ ቱሪዝም ኮሚሽን ባለፉት ሶስት ወራቶች ብቻ ከቱሪስት ገቢ ሰባት ሚሊዮን ዶላር ቅናሽ መታየቱን ሰሞኑን ይፋ ያደረገ ሲሆን፣ በአስሩ ቱሪስቶች ላይ የተፈጸመው ዝርፊያ በጎብኚዎች ላይ ስጋትን ያሳድራል ተብሎ ተሰግቷል።

poster-with-pic-a-ማይ-14-

About Aseged Tamene
Your rights are your security. When you, 'give up your rights for security", it's not security you get, but slavery.'

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: