አትሌት ፈይሳ ሌሊሳ ብራሰልስ በአውሮፓ ህብረት እንደሚገኝ ተገለጸ።

የሪዮ ኦሎምፒክ የብር ሜዳሊያ አሸናፊ የሆነውና በውድድሩ ማጠናቀቂያ ላይ እጆቹን በማጣመር በወገኖቹ ላይ እየተፈጸመ ያለውን ግፍና በደል ለዓለማቀፉ ማህበረሰብ ያጋለጠው ጀግናው አትሌት ፈይሳ ሌሊሳ በሚቀጥለው ሳምንት ብራሰልስ በአውሮፓ ህብረት እንደሚገኝ ተገለጸ።
አክቲቪስት ገረሱ ቱፋ በተለይ ለኢሳት እንደገለጸው አትሌት ፈይሳ በአሜሪካ ስቴት ዲፓርትመንትና በሌሎች መድረኮች ሲያደርግ እንደቆዬው ሁሉ በመጪው ሳምንት ረቡዕ በብራሰልስ አውሮፓ ኅብረት በመገኘት በሀገሩና በወገኖቹ ላይ እየተፈጸመ ስላለው በደል ማብራሪያ ይሰጣል።
ፈይሳ በዚሁ ጉብኝቱ ከአውሮፓ ህብረት ፓርላማ ፕሬዚዳንት ከሚስተር ማርቲን ስቹልዝና ከካቢኔያቸው ጋር የሚገናኝ ሲሆን፤ ረቡዕ ከሰዓት በኋላ ስለ ኢትዮጵያ ጉዳይ በሚሰማበት መድረክ ሀሳቡን ያቀርባል።
በዚህ የኢትዮጵያ ጉዳይ በሚሠማበት ፕሮግራም ላይ እንዲገኙ ፕሮፌሰር መረራ ጉዲናና ፕሮፌሰር ብርሃኑ ነጋ መጋበዛቸው ታውቋል።
አክቲቪስ ገረሱ ቱፋ እንዳለው የዚያኑ ዕለት ረቡዕ ምሽት በስፍራው ለተገኙት ልዩ የመገናኛና ሃሳብ የመለዋወጫ መድረክ ተሰናድቷል።
በሚቀጥለው ዕለት ሀሙስ እንደ አውሮፓውያኑ አቆጣጠር ኖቬምበር 10 ቀን ከረፋዱ 11 እስከ 13 ሰዓት ድረስ በህብረቱ ጽህፈት ቤት ፊት ለፊት የተቃውሞ ሰልፍ እንደሚደረግ የገለጸው አክቲቪስት ገረሱ፤ ከአትሌት ፈይሳ ሌሊሳ ጋር በመሆን የወገኖቻቸውን ድምጽ ለዓለማቀፉ ህብረተሰብ ማሰማት የሚሹ በመላው አውሮፓ የሚገኙ ኢትዮጵያውያን ሁሉ ሐሙስ ዕለት ከጧቱ 10 ሰዓት ጀምሮ በብራሰልስ የአውሮፓ ህብረት ጽህፈት ቤት ፊት ለፊት እንዲገኙ ጥሪ አቅርቧል።

 

About Aseged Tamene
Your rights are your security. When you, 'give up your rights for security", it's not security you get, but slavery.'

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: