በኢሬቻ በዓል ላይ የተፈጠረው ክስተት ነፃ ምርመራ እንዲካሔድበት የተባበሩት መንግስታት ድርጅት የሰብዓዊ መብት ኮሚሽን ጠየቀ፡፡

በሚሊየን የሚቆጠሩ ዜጎች በታደሙበት በዚህ በዓል ላይ የተፈጸመውን ጥቃት ተከትሎ በተለያዩ የኦሮሚያ አካባቢዎች አሁንም መረጋጋት እንደሌለ የገለጹት የሰብዓዊ መብት ኮሚሽኑ ቃል አቀባይ ሩፔርት ኮርቬይ፣ ተቃውሞውን ተከትሎ የኢትዮጵያ መንግሥት በተለያዩ የሀገሪቱ ክፍሎች የስልክ አገልግሎቶችን ከማቋረጥ ይልቅ በሀገሪቱ ለተፈጠረው ችግር መፍትሔ እንዲያመጣ አሳስበዋል፡፡ ቃል አቀባዩ አክለውም ተቃውሞን ማዳፈን ይበልጥ ውጥረትን እንደሚያበረታ ገልጸዋል፡፡ አማራ እና ኦሮሚያ ክልሎችን የተመለከቱ በርካታ መረጃዎች ለተመድ እንደሚደርስ የገለጹት ቃል አቀባዩ፣ በሁለቱ ክልሎችም ዜጎች እየታሰሩ እንደሚገኙ ለድርጅቱ ከሚላኩለት ጥሪዎች መረዳት እንደቻሉ ገልጸዋል፡፡ በኢትዮጵያ እየተፈጸመ ያለውን የሰብዓዊ መብት ጥሰት በተመለከተ ለተ.መ.ድ እየቀረቡ ያሉት አቤቱታዎች እንደሚያሳስቧቸው የገለጹት ሩፔርት ኮርቬይ፣ ሃሳባቸውን በመግለጻቸው ብቻ የታሰሩ ዜጎች እንዲፈቱ ጠይቀዋል፡፡ ከተቃውሞ ጋር በተያያዘ በኦሮሚያ እና በአማራ ክልሎች የተፈጸሙትን የመብት ጥሰቶች፣ ገለልተኛ ታዛቢዎች እንዲያጣሩ ጥሪያቸውን ለኢትዮጵያ መንግስት ያስተላለፉት የተመድ የሰብዓዊ መብት ኮሚሽን ቃል አቀባይ፣ ባለፈው ነሐሴ ወር የኢትዮጵያ መንግስት ገለልተኛ አካል ገብቶ ጉዳዩን እንዲያጣራ ተጠይቆ አሻፈረኝ ማለቱን አስታውሰዋል፡፡ አሁንም ቢሆን የኢትዮጵያ መንግስት እየቀረበለት ያለውን ጥሪ እንዲቀበል አሳስበዋል፡፡ እሁድ ዕለት በነበረው የኢሬቻ በዓል ላይ የተከሰተውን እልቂት ተከትሎ የኢትዮጵያ መንግስት ባለስለጣናት ስለ ድርጊቱ የሚሰጧቸው አስተያየቶች ለተቃውያ መባባስ አንድ ምክንያት ሊሆን እንደሚችል የገመቱት የኮሚሽኑ ቃል አቀባይ፣ የመንግስት የጸጥታ ኃይሎች ዓለም ዓቀፍ የሰብዓዊ መብት ድንጋጌዎችን እንዲያከብሩ አሳስበዋል፡፡ በዕለቱ የነበረውን የጸጥታ ኃይሎች እርምጃ ሽሽት ሲሮጡ በርካታ ሰዎች ወንዝ እና ገደል ውስጥ ገብተው መሞታቸውን የገለጹት ቃል አቀባይ ሩፔርት ኮርቪይ፣ የኢሬቻን በዓል ጨምሮ ከዚህ በፊት በተካሔዱ ተቃውሞች እና ተቃውሞውን ተከትሎ የተወሰዱ እርምጃዎች ለተጠያቂነት እንዲረዱ ማጣራት እንዲደረግባቸው ጠይቀዋል፡፡

14570501_682571641911947_6439070365969092821_n

Advertisements

About Aseged Tamene
Your rights are your security. When you, 'give up your rights for security", it's not security you get, but slavery.'

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: