እስከ ማጫ በለሳ ድረስ የሄደው የወያኔ ጦር አልተመለስም፤ የበለሳና የወገራ ገበሬዎች ቤታቸውን ለቀው ወጥተዋል

ትናንት መስከረም 5 ቀን 2008 ዓ.ም. ትጥቅ ለማስፈታት ወደ በለሳና ወገራ ወረዳዎች ድንበር አካባቢ የሔደው የወያኔ ጦር ውስጥ ከ30 በላይ እንደተገደሉ ተገልጾ ነበር፡፡ ዛሬ ማምሻውን ለማረጋገጥ እንደሞከርነው የወያኔ ጦር የሸሹ ገበሬዎችን በመከተል እስከ ማጫ በለሳ እና ደንቀዝ ድረስ ተጉዞ ነበር፡፡ ሆኖም አብዛኛው የወያኔ ጦር አባላት በዚያ መቅረታቸውን ነው ያነጋገርናቸው ሰዎች የገለጹት፡፡ ሆኖም በቁጥር ስንት ወታደሮች እንደሞቱ የታወቀ ነገር የለም፡፡ አስተያየት ሰጪዎቻችን እንደሚሉት የመሣሪያ ነጠቃው ሁሉንም የወገራና የበለሳ አርሶ አደር ከቤት እንዲሸፍት ምክንያት ሆኖታል ተብሏል፡፡ ከምዕራብና ምስራቅ በለሳ ወረዳዎች ገበሬዎች በመደራጀት መሣሪያ ላለመነጠቅ እየተጋደሉ ነው ተብሏል፡፡ በበለሳ ድንበር ባሉ የወገራ ወረዳ፣ የጎንደር ዙሪያ ወረዳ ቀበሌዎችና የምዕራብ በለሳ ውስጥ ቤት ውስጥ የሚገኙት ሕጻናትና ሴቶች ብቻ ናቸው ተብሏል፡፡

በሌላ በኩል ዛሬ መስከረም 6 ቀን 2008 ዓ.ም. ምሽት 2፡00 ሰአት ላይ ከመከላከያ ሠራዊት ከነትጥቃቸው የሸፈቱ ከ40 በላይ የሚሆኑ ወታደሮችን ለመያዝ በሚል ወደ ደንቢያ ወረዳ ጉራንባ ወደተባለ ቦታ ከጎንደር የወያኔ ጦር ተንቀሳቅሷል ተብሏል፡፡ አንዳንድ አስተያየት ሰጪዎች የደንቢያን ሕዝብ ትጥቅ የማስፈታት ዓላማን ሁሉ አንግቦ ወደ አካባቢው አምርቷል ሲሉም ተናግረዋል፡፡ የደንቢያ ገበሬዎች መልእክቱ አስቀድሞ እንዲደርሳቸው ለማድረግ ተሞክሯል፡፡

በሌላ በኩል በጎንደር ካሉት ታላላቅ ገበያዎች አንዱ የሆነው ቅዳሜ ገበያ የደረሰው ቃጠሎ የዐማራዎችን ንብረት ላይ ያነጣጠረ ነበር ተብሏል፡፡ በባህል አልባሳት የሚታወቀው ቅዳሜ ገበያ የዐማራ ሱቆች እየተለዩ ቤንዚን ሁሉ ተርከፍክፎባቸዋል ተብሏል፡፡ የትግራይ ተወላጅ ሱቆች ከፍተኛ ጥበቃ ከመደረጉም በላይ አስቀድመውም ንብረት ያወጡ ነበሩ ተብሏል፡፡ እሳቱን ለማጥፋት የተሰበሰቡት የጎንደር ወጣቶች በመከላከያ ታስረው የደረሱበትም አልታወቀም ብለውናል፡፡

About Aseged Tamene
Your rights are your security. When you, 'give up your rights for security", it's not security you get, but slavery.'

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: