በደባርቅ ለሶስት ቀን የሚቆይ ከቤት ያለመውጣት አድማ መጀመሩን ተከትሎ ግጭት ተቀሰቀሰ

ኢሳት (ነሃሴ 17 ፥ 2008)
የደባርቅ ከተማ ነዋሪዎች ለሶስት ቀን የሚቆይ ከቤት ያለመውጣት አድማ ማክሰኞች መጀመራቸውን ተከትሎ የመንግስት የጸጥታ ሃይሎች ነዋሪዎች የወሰዱትን ዕርምጃ ለማስቆም ያደረጉት ጥረት ግጭትን ቀሰቀሰ።
የስራ ማቆም አድማ ያካተተውን ተቃውሞ የተቀላቀሉ የደባርቅ ከተማ ሆስፒታል የህክምና ስራተኞች በቅጥር ግቢው ውስጥ በጸጥታ ሃይሎች ድብደባ እንደተፈጸመባቸው እማኞች ከዜና ክፍላችን ጋር ባደረጉት ቃለምልልስ አስረድተዋል።
በጎንደር ባህር ዳር ከተማ የተፈጸመ ግድያን ለማውገዝና በየከተሞቹ እየተካሄዱ ያሉ ተቃውሞዎችን በመደገፍ የከተማዋ ነዋሪ ማክሰኞ ለሶስት ቀን የሚቆይ ከቤት ያለመውጣትና የስራ ማቆም አድማ መጀመራቸው ታውቋል።
ይሁንና በከተማዋ የሚገኙ የመንግስት የጸጥታ ሃይሎች ነዋሪው አድማውን እንዲያቆምና ድርጅቶችን እንዲከፍት ሃይል ቢጠቀሙም ድርጊቱ ወደ ግጭት መለወጡን ነዋሪዎች ለኢሳት አስታውቀዋል።
የጸጥታ ሃይሎች ከነዋሪዎቹ ጋር ያደረጉት ግጭት ለበርካታ ሰዓታት በተኩስ ልውውጥ ውስጥ ቆይቶ የነበረ ሲሆን፣ በትንሹ አስር ሰዎች ጉዳት እንደደረሰባቸው ለደህንነታቸው ሲሉ ስማቸውን መግለጽ ያልፈለጉ እማኞች ለኢሳት አስረድተዋል።
በተኩስ ድርጊቱ ጽኑ ጉዳት የደረሰባቸው ነዋሪዎች ወደ ጎንደር ከተማ መወሰዳቸውን የተናገሩት እማኞች ከጸጥታ ሃይሎች መካከልም የተጎዱ መኖራቸውን አከለው ገልጸዋል።
በከተማዋ ለሰባት ሰዓታት ያህል የቆየ የተኩስ ልውውጥ እንደነበር የተናገሩት የደባርቅ ከተማ ነዋሪዎች የሆስፒታል ሰራተኞችና ሃኪሞች በስራ ማቆም አድማ ለመሳተፍ የወሰዱት እርምጃ በስራ ገበታቸው ላይ ድብደባ እንዲፈጸምባቸው ማድረጉን አክለው አስታውቀዋል።
በመንግስት የጸጥታ ሃይሎች የተወሰደው የሃይል እርምጃ በነዋሪው ዘንድ ቁጣን የቀሰቀሰ ሲሆን፣ የከተማዋ ነዋሪዎች ለቀጣዩ ሶስት ቀናቶች ከቤት ያለመውጣት አድማ ውስጥ ለመሰንበት መወሰናቸውን ለመረዳት ተችሏል።
በከተማዋ ውጥረት መንገሱን ለኢሳት በሰጡት ቃለምልልስ የገነጹት የደባርቅ ከተማ ነዋሪዎች ህዝቡ በተለያዩ የሃገሪቱ ቦታዎች ለሚካሄድ ተቃውሞዎች አጋርነቱን ለመግለጽ ውሳኔ መድረሱን አክለው አስረድተዋል።

14012564_10205198112430990_355381106_o

Advertisements

About Aseged Tamene
Your rights are your security. When you, 'give up your rights for security", it's not security you get, but slavery.'

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: