ጠ/ሚ ሃይለማሪያም ደሳለኝ ወልቃይት የትግራይ ነው ማለታቸውን

የወጣው ሪፖርተር ጋዜጣ “መንግሥት የወልቃይት ጠገዴ የማንነት ጥያቄ ሕዝባዊ መሠረት እንደሌለው አስታወቀ” በሚል ርእስ ሥር፣ የወያኔው ተላላኪ ጠቅላይ ሚኒስትር ተብዬ፣ ባህር ዳር ከተማ በተካሔደው የዲያስፖራ ቀን ተገኝቶ፣ “የወልቃይት ጠገዴ የማንነት ጥያቄ የሕዝብ ሳይሆን የጥቂት አመራሮች ችግር ነው” ማለቱን ነግሮናል፡፡ ይህ ግለሰብ ይህን የመሰለ የተንሸዋረረ አስተያየት እንዲሰጥ ያደረገው አሳዳሪዎቹን ለማስደሰት ያለው ከፍተኛ ፍላጎት መሆኑ ግልጽ ነው፡፡ በርካቶች የሞቱለትንና ከፍተኛ መስዋዕትነት ሲከፍሉለት የቆዩትን ጥያቄ፣ ይህን ነውረኛ ንግግር ከማድረጉ ከሁለት ቀን በፊት በሺሕዎች የሚቆጠሩ አማሮች ተሰልፈው ድምጻቸውን ከፍ አድርገው ያሰሙለትን ጥያቄ፣ በርካቶች እስር ቤት ገብተው የግፈኛው ቡድን የቶርቸር ሰለባ በመሆን ላይ የሚገኙበትን የሕዝብ ጥያቄ የጥቂት አመራሮች ጥያቄ ነው ማለቱ የሚያስቆጣ ቢሆንም፣ አስተያየቱ የተሰጠው በአንድ ተራ የወያኔ ተላላኪ ግለሰብ በመሆኑ፣ እሱን ተሻግረን ማተኮር ያለብን በዋናው ጠላታችን ላይ መሆኑን እንገነዘባለን፡፡

ጠቅላይ ሚኒስትር ተብየው በማን እንደሚዘወርና ማንን እንደሚያገለግል ለአማራ ሕዝብ መንገር ለቀባሪው ማርዳት ነው፤ በዚህ ገልቱ ግለሰብ አስተያየት ላይ መወያየትም እርባና የለውም፡፡ የእኛ አጀንዳ ግፈኛው የሕወሓት ወሮበላ ቡድን የአማራን ሕዝብ ጥያቄ ለማኮላሸት ምን ያህል ሊሠራ እንደሚችል፣ ለዚህ ደግሞ ክልሉን አስተዳድራለሁ የሚለው ብአዴን በተባለው የሕወሓት ቅምጥ ድርጅት ውስጥ በከፍተኛ አመራርነትና በዘዋሪነት የተቀመጡት እንደበረከት ስምኦንና ካሳ ተክለ ብርሃን ያሉ የአማራ ሕዝብ ደመኞች ምን ያህል በተለመደው የጥፋት ተግባራቸው ሊገፉበት ቆርጠው እንደተነሱ ከሕዝባችን ጋር መወያየት፣ መተንተንና አቅጣጫ ማስቀመጥ ነው፡፡

በሕወሓት ሠራዊትና የደኅንነት አካላት እየተዋከቡም ቢሆን ሕዝባቸውን ለማገልገል የቆረጡ በርካታ የብአዴን አባላት እንዳሉ ጥርጥር የለውም፡፡ እነዚህን ወንድሞቻችንና እህቶቻችን እናከብራቸዋለን፤ እንደግፋቸዋለን፡፡ ይሁን እንጂ ከወሮበላው ሕወሓት ጋር አንድና ያው ሆነው ብአዴንን የሚያሽከረክሩት እንደ በረከት ስምኦን፣ ካሳ ተክለብርሃንና ታደሰ ካሳ ያሉት ምንደኞች በመሆናቸው፣ ብአዴን ራሱን ከሕወሓትና ከእነዚህ የሕወሓት መሣሪያዎች ነጻ አውጥቶ ለአማራ ሕዝብ ይቆማል ማለት አይቻልም፤ ተግባሩ የሚያሳየውም ይህንኑ ነው፡፡

ለዚህ ነው ትግሉ መራራና እልህ አስጨራሽ መሆኑን ማወቅ የሚገባን፡፡ ትግሉ መራራ ቢሆንም የገባንበትን አስከፊ ሁኔታ ተረድተን እንደ ሕዝብ ከተንቀሳቀስን ግን የማንወጣው አይደለም፡፡ ለዚህ ደግሞ የትግል ስትራቴጂያችን ወዳጅና ጠላትን በሚገባ የለየና ጥራት ያለው እንዲሆን ያስፈልጋል፡፡ ስኬታችንም ውድቀታችንም በዚህ ስትራቴጂያችን ድክመት ወይም ጥንካሬ ላይ የተመሠረተ ነው፡፡

ባይነሳኝ ወልደማሪያም's photo.ባይነሳኝ ወልደማሪያም's photo.

About Aseged Tamene
Your rights are your security. When you, 'give up your rights for security", it's not security you get, but slavery.'

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: