ከእግዚአብሔር ይልቅ ባለስልጣንን የሚያከብሩት አባ ማትያስ

አባ ማትያስ ስልጣን ላይ የቆዩት ሶስት ዓመት ነው:: በዚህ አጭር ግዜ ውስጥ ግን የሰሯቸው ሥራዎች አቅማቸውን( capacity) ያስገመተ ነበር:: በርካታ ስብሰባዎች ላይ የሚናገሩት ቋንቋ ለክብራቸው የማይመጥንና (disgraceful) የአዕምሯቸውን አቅም ( caliber) ጥያቄ ውስጥ የሚያስገባ ነበር:: የሚወስዷቸው ውሳኔዎችም ቤተ ክርስትያኗን ለከፋ ትችት ዳርጓታል::

ይህንን መሰል ጉዳዮችን ግምት ውስጥ በማስገባት ቅዱስ ሲኖዶስ ለፓትርያርኩ እንደራሴ እንደሚገባቸው አለበለዚያ ግን ችግሩ የከፋ እንደሚሆን ተወያይቶ እሳቸውንም አሳውቋል:: እንደራሴው ባጭር ቃል የፓትርያርኩ ረዳት ናቸው:: የስራ ጫናውን ግምት ውስጥ በማስገባት ፓትርያርኩን በአግባቡ የሚያማክርና የሚያግዝ ነው::

በመሰረቱ መጽሓፉ እንደሚለው አንድ ከመሆን ሁለት መሆን ይሻላል:: ሁለትም ከመሆን ሶስት መሆን በጎ ነው:: አንድ ሰው አንድ ነው:: ከተቻለ አጋዥ ማግኘቱ አይከፋም ነበር:: ቅዱስ ሲኖዶስም ይህን ግምት ውስጥ በማስገባት ነበር ለፓትርያርኩ እንደራሴ ይኖራቸው ዘንድ የተማጸነው::

እንደ ትውፊታችን የቤተ ክርስትያን የመጨረሻው ውሳኔ ሰጭ ቅዱስ ሲኖዶስ ነው:: በመንፈስ ቅዱስ የሚመራውን ይህን የሲኖዶስ ውሳኔ ምዕመንም ሆነ ካህን እምቢ ማለት አይችልም- ውሳኔው የመንፈስ ቅዱስ ስለሆነ:: ምንም የተሰብሰቡት ሰዎች ቢሆኑም( ጳጳሳቱና ሊቃነ ጳጳሳቱ) መሀከላቸው እግዚአብሔር አለ:: ጉባኤውንም የሚመራው መንፈስ ቅዱስ ነው::

ፓትርያርክ ማቲያስ ግን እጅግ በሚያሳፍር ሁኔታ የመንፈስ ቅዱስ አባቶቻቸውን ውሳኔና ልመና እምቢ ብለው ” ባለስልጣን ይጠራልኝ” አሉ:: አልፎ ተርፎም ” ልዩ ኃይል አለኝ” እያሉ እስከማስፈራራት ደረሱ:: በዚህም ምክንያት መንፈስ ቅዱስ የሚመራው ስብሰባ ተቋረጠ:: የእግዚአብሄርን ጉዳይ ለመወሰን ቄሳር እንዲጠራ ሆነ:: ከወንድሞቻቸው ሊቃነ ጳጳሳት ይልቅ ” ልዩ ኃይላቸውን ” ተማመኑ:: እጅግ የሚደንቅ ነገር ነው:: የሃይማኖት ውሳኔን ለማስወሰን ባለስልጣን ይጠራልኝ የሚል ቃል ከአንድ ፓትርያርክ ሲሰማ አባ ማቲያስ የመጀመርያው ሳይሆኑ አይቀሩም::

የአምላክ ሥራ ሆነና የመንግስት ተወካዩ ” እንደራሴ መሾሙ” ጥሩ እንደሆነ ገለጹ:: ፓትርያርኩም ውሳኔውን ተቀበሉ:: ያሁሉ ሊቃነ ጳጳሳት ይህን ውሳኔ ይቀበሉ ዘንድ ቢለምኗቸው እምቢ ብለው አንድ የመንግስት ባለስልጣን ” ተቀበሉ” ሲላቸው እሺ በጄ አሉ:: በመንፈስ ቅዱስ የሚመራው ሲኖዶስ ሲማጸናቸው አሻፈረኝ ያሉት ፓትርያርክ : በአንድ ባለስልጣን ንግግር ውሳኔውን ተቀበሉ:: አባ ማቲያስ ከእግዚአብሔርን ይልቅ የሚፈሩት ባለስልጣንን ነው:: ነገ እግዚብሐርን ፍሩ ብለው ያስተምሩ ይሆን? ባለመድሀኒት ራስህ አድን!!!

እኔ ሳውቅ ለዳኛ እምቢ ያለ ሰው የሚዳኘው በካህን ነበር:: አልታረቅ ያለ ጸበኛ ልቡ የሚሰበረው ካህን ሲገስጸው ነበር:: አሁን ግን አባ ማቲያስ ሐዲስ ትምህርት እያስተማሩ ነው:: ለካህን እምቢ ብለው ለምዕመን እሺ ይላሉ:: ስልጣነ ክህነትን ረግጠው ሄደው በጥቁር ራስ ይዳኛሉ:: የክህነትና የካህናት ምስጢር በምዕመን ይዳኛል:: ክብረ ካህንን እዚህ ድረስ አዋረዱት::
አይ ግዜ?
“ምላጭ ቢያብጥ በምን ይበጡ
ውሃ ቢያንቅ በምን ይውጡ”

Advertisements

About Aseged Tamene
Your rights are your security. When you, 'give up your rights for security", it's not security you get, but slavery.'

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: