እንግሊዝ ዜጋዋ በኢትዮጵያ የሞት ፍርድ ተፈርዶበት የዋለ ቢሆንም ሚልዩን ፓውንዶችን ዜጋዋን ላፈኑባት የጸጥታ ኃይሎች እንደምትሰጥ የእንግሊዙ ትልቅ ጋዜጣ ዴይሊ ሜይል ዘግቧል፡፡

10527591_777173005661004_6003304103558780783_n

እንግሊዝ ዜጋዋ በኢትዮጵያ የሞት ፍርድ ተፈርዶበት በቁጥጥር ስር የዋለ ቢሆንም ሚልዩን ፓውንዶችን ዜጋዋን ላፈኑባት የጸጥታ ኃይሎች እንደምትሰጥ የእንግሊዙ ትልቅ ጋዜጣ ዴይሊ ሜይል ዘግቧል፡፡

የሶስት ልጆች አባት የሆኑት የሰሜን ለንደን ነዋሪው አቶ አንዳርጋቸው ጽጌ ከሁለት ዓመታት በፊት ከየመን አየር መንገድ ተይዘው ለኢትዮጵያ መንግስት ተላልፈው መሰጠታቸው አይዘነጋም ፡፡የኢትዮጵያ የደህንነት መስሪያ ቤት ኃላፊዎችም አንዳርጋቸውን ከወራት የምስጢር ወህኒ ቤት ቆይታቸው በኋላ በቴሌቭዥን አቅርበዋቸው ነበር፡፡

ዜጋዋ ሰብዓዊ መብቶቹ ባልተከበሩበት ሁኔታ የታሰረባት እንግሊዝ በአንጻሩ በደህንነት ማኔጅመንት ዙሪያ ክራንፊልድ ዩኒቨርስቲ ለሚሰጠው የማስተርስ ትምህርት የኢትዮጵያ የደህንነት ሰዎች ስኮላርሺፕ እንዲያገኙ የ500.00 ፓውንድ ድጋፍ ማድረጓ ታውቋል፡፡546.500 ፓውንድ ደግሞ የኢትዮጵያን የሰላም አስከባሪ መከላከያ ሰራዊት የስልጠና ማዕከል ለመደገፍ በሚል ሰበብ መስጠቷን መረጃዎች ይጠቁማሉ፡፡

የአንዳርጋቸው ጽጌ ባለቤት የሚ ኃይለማርያም ሁኔታውን በማስመልከት በሰጡት አስተያየት ‹‹በጣም ተበሳጭቼያለሁ ፡፡በእንዲህ አይነት መንገድ ድጋፍ ማድረጋችንም አስገራሚ ነው፡፡እነርሱ እርዳታው የሰብዓዊ መብት አከባበርን ለማሻሻል ነው ይላሉ፣ነገር ግን እንደገና ሄደው አንዳርጋቸውን ላሰረው መንግስት ድጋፋቸውን ያደርጋሉ››ብለዋል፡፡

የእንግሊዝ መንግስት ለኢትዮጵያ አቻው ስላደረገው ድጋፍ መረጃ የተገኘው ፍሪደም ኦፍ ኢንፎርሜሽን የተባለ ተቋም ለውጪ ጉዳይ ሚንስትር ቢሮ ባቀረበው መጠይቅ ነው፡፡ከኢትዮጵያ በተጨማሪ የጂቡቲና የሩዋንዳ የደህንነት ሰራተኞች ኮርሱን እየወሰዱ ነው ተብሏል፡፡

በዩኒቨርስቲው የሚሰጠውን የደህንነት ትምህርት እንዲከታተሉ የእንግሊዝ መንግስት ድጋፍ በማድረጉ 35 የኢትዮጵያ የደህንነት ሰራተኞች ኮርሱን በመውሰድ ላይ እንደሚገኙ ለማወቅ ትችሏል፡፡

የሞት ቅጣትን ለማስቀረት በመስራት ላይ የሚገኘው የሰብዓዊ መብት ተሟጋቹ ሪፕራይቭ ኢንተርናሽናል ኃላፊ ማያ ፎ ‹‹እንግሊዛዊ ዜግነት ያለውን አንዳርጋቸውን ላሰረች አገር የእንግሊዝ መንግስት ለደህንነት ሰራተኞቻቸው ድጋፍ ማድረጉን እንግሊዛዊያን ግብር ከፋዮች በቸልታ ሊመለከቱት አይገባም››ይላሉ፡፡

ከአስር ግብር ከፋዮች ስድስቱ እንግሊዝ የምታደርገው የውጪ እርዳታ በዋናነት መቀነስ እንደሚገባው የሚያምኑ መሆናቸውን ተናግረዋል፡፡አንዳርጋቸው የተያዙ ሰሞንም የእንግሊዝ አለም አቀፍ የልማት ሃላፊ የሆኑት ጀስቲን ግሪንግ ለኢትዮጵያ የደህንነት መስሪያ ቤት ሊሰጥ የነበረን እርዳታ ማገዳቸው መነገሩ አይዘነጋም፡፡

ባሳለፍነው ወር የእንግሊዝ ፓርላማ የውጪ ጉዳይ ኮሚቴ ኢትዮጵያ አንዳርጋቸውን የያዘችበትን መንገድ በመተቸት ጉዳዩን በጥልቀት ለመመርመር መዘጋጀቱን ማስታወቁ ይታወሳል፡፡

ዴይሊ ሜይል እንደተመለከታቸው የገለጻቸው የኢሜይል ልውውጦች በአቶ አንዳጋቸው ጉዳይ በእንግሊዝና በኢትዮጵያ የውጪ ጉዳይ መስሪያ ቤቶች መካከል መደረጋቸውን ቢያሳዩም እርዳታው አለመቋረጡ ታውቋል፡፡

ኢትዮጵያ ሽብርተኝነትን በመዋጋት ረገድ የምዕራባዊያን ቀኝ እጅ ተደርጋ መወሰዷም የእንግሊዝን ቀጥተኛ የበጀት ድጎማ ለማግኘት አስችሏታል፡፡አገሪቱ በያዝነው ዓመት 277 ሚልዩን ፓውንድ በማግኘትም ሁለተኛዋ ከፍተኛ የእንግሊዝ እርደታ ተቀባይ አሰኝቷታል፡፡

ምንጭ ዴይሊ ሜይል

About Aseged Tamene
Your rights are your security. When you, 'give up your rights for security", it's not security you get, but slavery.'

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: