የፌዴራል ፖሊስ ተጠሪነቱ ለጠ/ሚኒስትሩ እንዲሆን የሚደነግግ አዋጅ በዛሬው ዕለት ለፓርላማ ቀረበ፡፡

ኢሳት ዜና :- በአሁኑ ወቅት ፌዴራል ፖሊስ ተጠሪነቱ ለፌዴራልና አርብቶአደር ልማት ሚ/ር ሲሆን አሁን ባለው ተጨባጭ ሁኔታ ፖሊስን ለአንድ አስፈጻሚ መ/ቤት ብቻ ተጠሪ አድርጎ መቀጠል የአሰራር ክፍተት ይፈጥራል ተብሎ በመታሰቡ ወደፊት በጥናት ላይ ተመስርቶ እስኪወሰን የፌዴራል ፖሊስ ተጠሪነት ለጠ/ሚኒስትሩ እንዲሆን በረቂቅ አዋጁ ተደንግጎአል፡፡ በመሆኑም አሁን በስራ ላይ ያለው የፌዴራል ፖሊስ ኮምሽን ማቋቋሚያ አዋጅ ቁጥር 720/2004 ተጠሪነት የሚመለከተው ድንጋጌ ለጠ/ሚኒስትሩ በሚል እንዲሻሻል ቀርቦአል፡፡ የብአዴኑ ነባር ታጋይ አቶ ካሳ ተክለብርሃን የፌደራልና አርብቶ አደር ልማት ሚኒስትር ሆነው በተሾሙ በአጭር ጊዜ ውስጥ የፌደራል ፖሊስ ተጠሪነት እንዲለወጥ መደረጉ፣ የህወሃት እጅ አለበት የሚሉና በህወሃትና ብአዴን መካከል ያለው ልዩነት እየሰፋ መምጣቱን አመላካች ነው በማለት አስተያየቶች እየቀረቡ ነው።በኦሮሚያና በአንዳንድ የሀገሪቱ አካባቢዎች በተደጋጋሚ እየተነሱ ያሉትን ሕዝባዊ ተቃውሞዎች ለመቆጣጠር አመቺ ሁኔታን ከመፍጠር ጋር የተያያዘ የፖለቲካ ውሳኔ ሊሆን ይችላል የሚሉ አስተያየቶች መሰንዘራቸውን ዘጋቢያችን ገልጿል። የፌደራል ፖሊስ መስሪያ ቤት በአብዛኛው በህወሃት ታጋዮች የተሞላ ነው። በሌላ በኩል በፌዴራል የስነምግባርና የጸረ ሙስና ኮምሽን ፣በገቢዎችና ጉምሩክ ባለስልጣን ፣በሸማቶችና በፍትሕ ሚ/ር ስር ተበታትኖ ስራውን ያከናውን የነበረውን የአቃቤ ህግ መ/ቤት በአንድ ሚኒስቴር መ/ቤት በማደራጀት ሁሉንም ወጥነት ባለው መልኩ ለማገልገል ያሰችላል የተባለ ረቂቅ አዋጅ ለፓርላማው ቀርቦአል፡፡ አዲሱ ሚኒስቴር መ/ቤት የፌዴራል ጠቅላይ አቃቤ ሕግ በመባል የሚታወቅ ሲሆን የቀረበው የማቋቋሚያ ረቂቅ አዋጅ በጸረ ሙስና ኮምሽን፣ በገቢዎችና ጉምሩክ፣ በሸማቶችና በፍትህ ሚኒስቴር ይቀርቡ የነበሩ ክስችን እንዲሁም በፍትሀብሔር ጉዳይ መንግስት በመወከል በሀገር ውስጥ በዓለም አቀፍ የፍትህ መድረኮች ለመንቀሳቀስ ያሰችለዋል ተብሎአል፡፡የፌዴራል ጠቅላይ አቃቤ ሕግ ተጠሪነቱ ለጠ/ሚኒስትሩ እና ለሚኒስትሮች ም/ቤት በጣምራ መሆኑንም ረቂቅ አዋጁ ያሳያል፡፡ የፌዴራል ማረሚያ ቤትም ከፌዴራልና አርብቶአደር ልማት ጉዳዮች ሚ/ር ስር ወጥቶ በፌዴራል ጠ/አቃቤ ህግ ስር እንዲሆንም በዚህ ረቂቅ አዋጅ ተደንግጎአል፡፡ ይህንንም ተከትሎ የአስፈጻሚ አካላትን ለመደንገግ የወጣው አዋጅ ማሻሻያ ቀርቦበታል፡፡ አዋጆቹ ለዝርዝር እይታ ለሚመለከታቸው ቋሚ ኮምቴዎች ተመርተዋል፡፡

Advertisements

About Aseged Tamene
Your rights are your security. When you, 'give up your rights for security", it's not security you get, but slavery.'

One Response to የፌዴራል ፖሊስ ተጠሪነቱ ለጠ/ሚኒስትሩ እንዲሆን የሚደነግግ አዋጅ በዛሬው ዕለት ለፓርላማ ቀረበ፡፡

  1. Pingback: የፌዴራል ፖሊስ ተጠሪነቱ ለጠ/ሚኒስትሩ እንዲሆን የሚደነግግ አዋጅ በዛሬው ዕለት ለፓርላማ ቀረበ፡፡ - EthioExplorer.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: