አምነስቲ ኢንተርናሽናል ኖርዌይ ለሰብዓዊ መብቶች መከበር ተገዢ እንድትሆን ጠየቀ

የኖርዌይ መንግስት በመቶዎቹ የሚቆጠሩ ኢትዮጵያውያን ስደተኞችን ያለፍላጎታቸው ወደሃገራቸው ለመመለስ የያዘውን እቅድ ተከትሎ አምነስቲ ኢንተርናሽናል ሃገሪቱ ለሰብዓዊ መብቶች መከበር ተገዢ እንድትሆን አሳሰበ። ሃገሪቱ በስደተኞች ላይ እየያዘች የመጣችውን አዳዲስ አቋሞች የተቸው የሰብዓዊ መብት ተሟጋች ድርጅቱ ኖርዌይ ለአለም አቀፍ ህግጋት ተገዢ ያለመሆን አቅጣጫ እየተከተለች እንደሆነም አስታውቋል። ኖርዌይ ተግባራዊ ለማድረግ ያሰበችውን የስደተኞች አዲስ እቅድ ምክንያት በማድረግ የሃገሪቱ ባለስልጣናት ከ500 የሚበልጡ ኢትዮጵያውያን ያለፍላጎታቸው ወደሃገራቸው ለመመለስ መወሰናቸውን የኖርዌይ መገናኛ ብዙሃን ዘግበዋል። የሃገሪቱ ጠቅላይ ሚኒስትር ጆንስ ስቶልተንበርግ ስደተኞችን በአግባቡ ለመለየት በሚደረገው አካሄድ ወደሃገራቸው የሚመለሱ ሰዎች እንዳሉ በቅርቡ ይፋ ማድረጋቸው ይታወሳል። ይሁንና፣ ስደተኞችን ያለ-ፍላጎታቸው ወደሃገራቸው እንዲመለሱ ማስገደዱ ተገቢ አይደለም በሚል የተለያዩ አካላት በኖርዌይ መንግስት ላይ ቅሬታን እያቀረቡ የሚገኙ ሲሆን ውሳኔውም ማሻሻያ እንዲደረግበት አሳስበዋል። በኖርዌይ የአምነስቲ ኢንተርናሽናል ፀሃፊ የሆኑት ጆን ፔደር ሃገሪቱ ልትነፃፀር የማይገባቸውን ሃገራት ድርጊት እየተከተለች ነው ሲሉ ተቃውሞ ማቅረባቸውን ኖርዌይ ቱዴይ የተሰኘ ጋዜጣ ዘግቧል። “እርምጃው አስፈሪ ነው” ሲሉ የገለጹት ሃላፊው ሃገሪቱ በስደተኞች ላይ የያዘችውን ዘመቻ በአስቸኳይ እንድታጤነው ጠይቀዋል። በኢትዮጵያ በኦሮሚያ ክልል የተቀሰቀሰውን ተቃውሞ ተከትሎ ኖርዌይ ዜጎቿ በክልሉ እንዳይንቀሳቀሱ በተደጋጋሚ ማሳሰቢያን ስትሰጥ መቆየቷ ይታወሳል።

Advertisements

About Aseged Tamene
Your rights are your security. When you, 'give up your rights for security", it's not security you get, but slavery.'

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: