በቃሊቲ የታሰሩት የፖለቲካ አመራሮች ለፍ/ቤት የሚያቀርቡት ማስረጃ እንዳይወጣ በማረሚያ ቤት አስተዳደር ተከለከሉ

*‹‹ኢህአዴግ፣ ደህንነት፣ ሰማያዊ ፓርቲ… የሚሉ ቃላትን አስወግዱ ተብለናል›› እነ አብርሃ ደስታ
*አቶ ሀብታሙ አያሌው 8 ገጽ ያለው የሰነድ አስተያየቱን ለፍ/ቤት አቅርቧል
በነገረ ኢትዮጵያ ሪፖርተር
በፌደራል አቃቤ ህግ ይግባኝ ተጠይቆባቸው ጉዳያቸውን ጠ/ፍ/ቤት ከቃሊቲ እስር ቤት እየተመላለሱ እየተከታተሉ የሚገኙት የቀድሞው አንድነት፣ የሰማያዊ እና የአረና ፓርቲዎች አመራሮች ከብሄራዊ የመረጃና ደህንነት ማዕከል አቃቤ ህግ ያቀረበባቸው ማስረጃ ላይ የሰነድ አስተያየታቸውን ለማቅረብ ያዘጋጁትን ጽሁፍ የቃሊቲ ማረሚያ ቤት እንዳይወጣ እንደከለከላቸው ገለጹ፡፡ ከእስር ተፈቶ ጉዳዩን በውጭ ሆኖ እየተከታተለ የሚገኘው የቀድሞው አንድነት የህዝብ ግንኙነት ኃላፊ አቶ ሀብታሙ አያሌው 8 ገጽ ያለው የሰነድ አስተያየቱን ለፍርድ ቤቱ አቅርቧል፡፡
ዛሬ የካቲት 18/2008 ዓ.ም ፍርድ ቤት የቀረቡት ይግባኝ መልስ ሰጭዎች አቶ ሀብታሙ አያሌው፣ አቶ ዳንኤል ሺበሺ፣ አቶ የሺዋስ አሰፋ፣ አቶ አብርሃ ደስታ እና መምህር አብርሃም ሰለሞን ሲሆኑ፣ መዝገባቸው ለዛሬ የተቀጠረው የሰነድ አስተያየታቸውን ለመቀበል ነበር፡፡ ሆኖም በቃሊቲ እስር ቤት የሚገኙት አቶ ዳንኤል ሺበሺ፣ አቶ የሺዋስ አሰፋና አቶ አብርሃ ደስታ ያዘጋጁትን የሰነድ አስተያየት በማረሚያ ቤት አስተዳደር ክልከላ ምክንያት አለማቅረባቸውን ለፍርድ ቤቱ አስረድተዋል፡፡
‹‹የማረሚያ ቤቱ ኃላፊዎች ‹ደህንነት› የሚል ጽሁፍ አለበት፣ ስለዚህ አይወጣም አሉን፡፡ ለፍ/ቤት እንደሚቀርብ ብንነግራቸውም እነዚህን ቃላት አስወጡ ተብለን ተከልክለናል›› ሲል አብርሀ ደስታ ገልጹዋል፡፡ ይግባኝ መልስ ሰጭዎቹ፣ የሰነድ አስተያየታቸውን ሲያዘጋጁ ከቀረበባቸው ማስረጃ በመነሳት እንደሆነ አስረድተዋል፡፡ አቶ ዳንኤል ሺበሺ በበኩሉ ‹‹ኢህአዴግ የሚለውን ቃል አውጣ›› ተብያለሁ ብሏል፡፡ ‹‹ሠማያዊ ፓርቲ ማለት አትችልም›› የተባለው ደግሞ የሺዋስ አሰፋ ነው፡፡ ይግባኝ መልስ ሰጭዎቹ ‹‹ለማስረዳት ብንሞክርም አልሰሙንም›› በማለት አቤቱታቸውን አሰምተው ፍርድ ቤቱ ትዕዛዝ እንዲሰጥላቸው ጠይቀዋል፡፡
ዳኛ ዳኜ መላኩም ለማረሚያ ቤቱ ተወካይ ትዕዛዝ ሰጥተዋል፡፡ ‹‹እናንተ ጋር አይደለም ሳንሱር መደረግ ያለበት……ማረሚያ ቤት አይመለከተውም፡፡ ጉዳዩን ፍ/ቤት ነው የሚያየው›› ብለዋል ዳኛ ዳኜ መላኩ፡፡ ስለሆነም ያዘጋጁትን ጽሁፍ እንዳለ ይዘው ፍርድ ቤት እንዲቀርቡ እንዲፈቀድላቸው አዝዘዋል፡፡
በሌላ በኩል የሰነድ አስተያየቱን ያቀረበው አቶ ሀብታሙ አያሌው ይግባኝ ሰሚ ችሎቱ ከሰጠው ትዕዛዝ ውጭ በስር ፍርድ ቤት ያልቀረበ 72 ገጽ አዲስ ፍሬ ነገር አሁን በቀረበው ማስረጃ ላይ ተቀላቅሎ መቅረቡን በአስተያየቱ ላይ አመልክቷል፡፡ ፍ/ቤቱ ዛሬ የተቀበለው የአቶ ሀብታሙን አስተያየት ብቻ ሲሆን፣ ቃሊቲ በእስር ላይ የሚገኙት ይግባኝ መልስ ሰጭዎች ያላቸውን የሰነድ አስተያየት ማቅረባቸውን ለመጠባበቅ ለየካቲት 22/2008 ዓ.ም ቀጠሮ ሰጥቷል፡፡

 
Advertisements

About Aseged Tamene
Your rights are your security. When you, 'give up your rights for security", it's not security you get, but slavery.'

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: