በወልቃይት ሕዝብ የማንነት ጥያቄ ላይ ውሣኔ እንዲሰጠን ለፌደራል መንግሥት ባስገባነው ጥያቄ ምክንያት ዛቻና ወከባ እየደረሰብን ነው ያሉ የአካባቢው ነዋሪዎች ስሞታ እያሰሙ ነው።

 

 

በወልቃይት ሕዝብ የማንነት ጥያቄ ላይ ውሣኔ እንዲሰጠን ለፌደራል መንግሥት ባስገባነው ጥያቄ ምክንያት ዛቻና ወከባ እየደረሰብን ነው ያሉ የአካባቢው ነዋሪዎች ስሞታ እያሰሙ ነው።

በምዕራባዊ ትግራይ ዞባ በቃስታ ሁመራ ወረዳ ውስጥ በምትገኘውና ከሱዳን ጋር በምትዋሰነው ማይ ካድራ ቀበሌ ውስጥ ያሉ ነዋሪዎች ፖሊስ ሰዉን እየጠራ እያስፈራራ ወረቀት ያስፈርማል ብለዋል።

ቀበሌአችንን መገናኛ ብዙኃን አያውቁትም፤ ሃሣባችንን ተናግረን የፈለጉትን ቢያደርጉንም አንፈራም ሲሉ ማንነታቸውን ሳይደብቁ ከቪኦኤ ጋር ቃለ ምልልስ ያደረጉት ሁለት የቀበሌዪቱ ነዋሪዎች ቀደም ሲል ተወካዮቻቸውን ወደ ፌደራል መንግሥት ልከው እኛ ከዘር ማንዘራችን አማሮች ነን፤ ክልላችንም አማራ ክልል ነው ሲሉ ፊርማ አሰባስበው አቤቱታ ያስገቡትን ሰዎች ፖሊስ ጣቢያ እየጠሩ ያስፈራራሉ፤ ይዝታሉ ብለዋል።

“ሰዎች አሳስተውን ነው እያልን እንድፈርም እያደረጉን ነው፤ ነጭ ወረቀት ላይም እንፈርማለን” ብለዋል።

ስለሁኔታው የአካባቢው ባለሥልጣናት የሚሉትን ለመጠየቅ ወደ ሁመራ ወልቃይት ዞንና ወደ ወረዳው ያደረግናቸው በርካታ ጥረቶች ለጊዜው አልተሣኩም፤ በጥረታችን እንቀጥላለን።

በሌላ በኩል ደግሞ ሰሞኑን የትግራይ ክልል ፕሬዚዳንት አቶ አባይ ወልዱ የመሩት ስብሰባ እዚያው ምዕራብ ትግራይ ውስጥ ሲካሄድ ቆይቷል።

ስብሰባው የተወያየው በዚሁ የወልቃይት የማንነት ጥያቄ ላይ መሆኑም ተሰምቷል።

ከአራት የአካባቢው ወረዳዎች የተጠራ ወደ ስድስት መቶ የሚሆን ተሣታፊ ተገኝቶበታል።

የተሣታፊዎች የአቋም መግለጫ ነው የተባለ ሰነድም ወጥቷል።

የትግራይ ክልል የፀጥታና የአስተዳደር ኃላፊው አቶ ሃዱሽ ዘነበ “ይህንን ትርምስ የሚመሩት ኃይሎች ኢሕአዴግን በምርጫም በጦር ሜዳም ሊያሸንፉት ያልቻሉ ኃይሎች ናቸው፡፡ የሌለ የማንነት ጥያቄ እያነሱ እርስ በራሱ እንዲጫረስ፣ ከልማት ጎዳና ለማስወጣት እየሠሩ ይገኛሉ፤ ከሻዕቢያና ከሌሎች ኃይሎችም እነማን እንዳሉ መረዳት ይኖርብናል፡፡ መንግሥት ከዛሬ ጀምሮ ትዕግሥቱ ተሟጥጧል” ብለዋል።

http://amharic.voanews.com/audio/3188921.html

Advertisements

About Aseged Tamene
Your rights are your security. When you, 'give up your rights for security", it's not security you get, but slavery.'

One Response to በወልቃይት ሕዝብ የማንነት ጥያቄ ላይ ውሣኔ እንዲሰጠን ለፌደራል መንግሥት ባስገባነው ጥያቄ ምክንያት ዛቻና ወከባ እየደረሰብን ነው ያሉ የአካባቢው ነዋሪዎች ስሞታ እያሰሙ ነው።

  1. Hagose says:

    Yesew felageye yerasunee attae

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: