በኤርትራ አንድ ወንድ ሁለት ሴቶችን እንዲያገቡ ይህን የሚቃወም ከፍተኛ ቅጣት እንደሚጠብቃቸው ተነገረ

በኤርትራ ከፍተኛው የሐይማኖት መምህር ይፋ እንዳደረጉት በተጠቀሰ ውሳኔ ኤርትራዊያን ወንዶች ሁለት ሴቶችን እንዲያገቡ ታዘዋል፡፡ይህንን ትዕዛዝ ለመፈጸም የሚያመነታ ወንድ ወይም የትዳር አጋሯ ሁለተኛ ሚስት እንዳያገባ የምትከለክል ሴት ከፍተኛ ቅጣት እንደሚጠብቃቸው ተናግረዋል ተብሏል፡፡
ባሳለፍነው ሐሙስ ይፋ ስለመደረጉ በማህበራዊ ድረ ገጾች የተጠቀሰው አዲሱ ትዕዛዝ በአገሪቱ የወንዶች ቁጥር በከፍተኛ ደረጃ መመናመኑን ያሳያል እየተባለ ነው፡፡4 ሚልዩን ህዝብ እንዳላት የሚነገርላት ኤርትራ ከ1998 -2000 ከኢትዩጵያ ጋር አድርጋው በነበረ ጦርነት 150.000 የሚደርሱ ወታደሮቿን በሞት ማጣቷና ወጣቶች ስደትን ምርጫቸው ማድረጋቸው ኤርትራዊያን ሴቶችን የትዳር አጋር አሳጥቷቸዋል የሚሉ ብዙዎች ናቸው፡፡
የሐይማኖት መምህሩ አነበቡት የተባለውን ትዕዛዝ የማያከብሩ ወንዶችና ሴቶች ለጉልበት ስራና ለእስር እንደሚዳረጉም ተነግሯል ‹‹ እያንዳንዱ ወንድ ቢያንስ ሁለት ሚስቶችን ማግባት ይኖርበታል፡፡ይህንን የሚቃወም ሰው ለጉልበት ስራና ለረዥም እስራት ይዳረጋል ፣ ባለቤቷን ሁለተኛ ሚስት ከማግባት የምትከለክል ሴትም ተመሳሳይ ቅጣት ይጠብቃታል››፡፡

posted by Aseged Tamene