የአውሮፓ ህብረት በኦሮሚያ ክልል እየተካሄደ ስላለው ተቃውሞ ማብራሪያን እንዲሰጡ ጠየቀ።

የኢትዮጵያ ዋነኛ የልማት አጋር የሆነው የአውሮፓ ህብረት የኢትዮጵያ ውጭ ጉዳይ ሚኒስትር ዶ/ር ቴዎድሮስ አድሃኖም በህብረቱ ዋና መቀመጫ ብራሰልስ ከተማ ተገኘተው በኦሮሚያ ክልል እየተካሄደ ስላለው ተቃውሞ ማብራሪያን እንዲሰጡ ጠየቀ። ሆኖም የተዘጋጀላቸውም ጋዜጣዊ መግለጫ ምክንያቱ ባልታወቀ ሁኔታ ተሰርዟል። የቀረበላቸውን ጥያቄ ተከትሎ በብራሰልስ የሚገኙት ዶ/ር ቴዎድሮስ በጉዳዩ ዙሪያ ከህብረቱ አባል ሃገራት በርካታ ጥያቄዎች ይቀርብላቸዋል ተብሎ በመጠበቅ ላይ መሆኑን መገናኛ ብዙሃን ዘግበዋል። በኢትዮጵያ የኦሮሚያ ክልል ኣየተካሄደ ያለው ተቃውሞ ስጋት እንደደረሰበት የገለጸው ህብረቱ፣ የጸጥታ ሃይሎች እየወሰዱ ያለው እርምጃ በአስቸኳይ እንዲቆም አሳስቧል። መቀመጫቸውን በአውሮፓ ያደረጉ በርካታ የሰብዓዊ መብት ተሟጋች ድርጅቶች በበኩላቸው ህብረቱ በኢትዮጵያ መንግስት ላይ ጠንካራ መልዕክት እንዲያስተላልፍ ዘመቻ መክፈታቸውም ታውቋል። በሂውማን ራይትስ ዎች የአውሮፓ ህብረት ተወካይ የሆኑት ሎቲ ሌችት ህብረቱ ዝምታውን በመስበር የኢትዮጵያ መንግስት እየወሰደ ያለውን የሃይል እርምጃ ማውገዝ እንደሚገባው ገልጸዋል። የአውሮፓ ህብረም የልማት ድጋፍ በሚያደርግላት ኢትዮጵያ ለተቃውሞ አደባባይ በወጡ ሰዎች ላይ የጥይት ምላሽ ሳይሆን ነገሮችን በድርድር እንዲፈቱ ግፊቱን ማጠናከር ይኖርበታል ሲሉ ተወካዩ አልክለው አስታውቀዋል። በአውሮፓ ማብራሪያ ለመስጠት የሚገኙ ውጭ ጉዳይ ሚኒስትር ዶ/ር ቴዎድሮስ አድሃኖም በኦሮሚያ ክልል ስላለው ተቃውሞ ከሚሰጡት ማብራሪያ በተጨማሪ በሃገሪቱ እየተባባሰ ስላለው የድርቅ አደጋም ዝርዝር መረጃን ይሰጣሉ ተብሎ እንደሚጠበቅ ከተለያዩ መገናኛ ብዙሃን የተገኙ መረጃዎች አመልክተዋል። ይኸው በኦሮሚያ ክልል ዳግም ተቀስቅሶ የሚገኘው የአዲስ አበባ ማስተር ፕላን ተቃውሞ ትኩረት ስቦ የሚገኝ ሲሆን በርካታ የሰብዓዊ መብት ተሟጋች ድርጅቶች የጸጥታ ሃይሎች እየወሰዱ ባለው እርምጃ የሟቾች ቁጥር እያሻቀበ መሆኑን አመልክተዋል። ለኢትዮጵያ መንግስት የልማት ድጋፍን የሚያደርጉ ሃገራትም በሃገሪቱ ያለው ተቃውሞና የሰዎች ሞት አሳሳቢ እየሆነ መምጣቱን በመረዳት መንግስት በጉዳዩ ዙሪያ ማብራሪያ እንዲሰጥ ማድረጋቸውንም ለመረዳት ተችሏል። ይህ በእንዲህ እንዳለ በአውሮፓ ህብረት ጥሪ በቤልጂየም ብራሰልስ የሚገኙ ዶ/ር ቴዎድሮስ ሲሰጡት የነበረው ጋዜጣዊ መግለጫ ተሰርዟል። ጋዜጣዊ መግለጫ የተሰረዘበት ምክንያት የታወቀ ነገር የለም።

About Aseged Tamene
Your rights are your security. When you, 'give up your rights for security", it's not security you get, but slavery.'

2 Responses to የአውሮፓ ህብረት በኦሮሚያ ክልል እየተካሄደ ስላለው ተቃውሞ ማብራሪያን እንዲሰጡ ጠየቀ።

  1. Pingback: የአውሮፓ ህብረት በኦሮሚያ ክልል እየተካሄደ ስላለው ተቃውሞ ማብራሪያን እንዲሰጡ ጠየቀ። - EthioExplorer.com

  2. ዜና ኢላ says:

    ትልቅ ድል ነው። በህብረቱ ድረጃ ያልተከፋፈለ ድምፅ ተቀዋሚዎች በአንድ ቃል መናገር አለባቸው።ክፍፍል ሁሉንም የውጭ ሰዎች አያስደስትም።በተለይ ኦስሎ ያለው PAFD ይህን አጠንክሮ ቢሰራ ታሪካዊ ድል ይገኛል።ከሁሉ በላይ መረጃ በጥራትና በብዛት መስጠት በሀገር ውስጥ ደማቸውን ላፈሰሱና ህይወታቸውን ለሰጡ ኦሮሞዎች/ኢትዮጵያን ትልቅ ዋጋ ያለው ውጤት ያመጣል። ለእኛም የመንፈስ እረፍት ይሰጠናል።በተጨማሪ ሀገር ውስጥ ካሉ ተቃዋሚ ፓርቲዎች ጋር የቅርብ ክትትል ማድረግ ይገባል።ካስፈለገም ከሀገር ውስጥ ከመድረክናከሰማዊ ፓርቲዎች የተውጣጡ ልዑካን ወደ ብራስልስ የመላክ አስፈላጊነት ይታያል።
    አንድ ይህን ጉዳይ የሚከታተል ከተቃዋሚ ወገን በአስቸካ ይመደብ።በተቃዋሚ በኩል የፍጥነትና የቅንጅት ሥራ ጎላ ብሎ ተፅዕኖ የሚያሳድር መሆን አለበት።ለእኛ እኛ ካልሰራነው ወያኔ አይገታም።እውነታው ለኢትዮጵያ ተቃዋሚዎች እያጋደለ ነው።ብስለት ያለው አያያዝ ጉዳዩ ጠይቃል።
    ሁልጊዜ ሰላም ይሁን።
    አሜን።

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: