የህወሓት ከፍተኛ ባለሥልጣኖች ስነድንቁርናን በከፍተኛ መጠን ሥራ ላይ ማዋል ጀምረዋል።

ትክክለኛ ትርጓሜ ስለመሆኑ እርግጠኛ ባልሆንም የእንግሊኛው ቃል “Agnotology” (Agnōsis – አለማወቅ እና logia ከሚሉ ሁለት የግርክ ቃላት የመጣ ነው) “ስነድንቁርና” ብዬ ወደ ተርጉሜዋለሁ።

ስነ ድንቁርና የራስንም ሆነ የሌሎች ሰዎችን አለማወቅ (ignorance) መጠቀሚያ የሚያደርግ “የጥናት ዘርፍ” ነው። ስነድንቁርና “በእውቀት ላይ የተመሠረተ መሀይምነትን” መፍጠር ነው። ስነ ድንቁርና በቢዝነስ ጎጂ ዕቃዎችንና አገልግሎቶችን ለማሻሻጫ ይውላል፤ በፓለቲካ ደግሞ ጎጂና ኋላ ቀር አስተሳሰብን ጠቃሚና ዘመናዊ አስመስሎ ለማቅረብ ይረዳል።

ከቅርብ ጊዜ ወዲህ የህወሓት ከፍተኛ ባለሥልጣኖች ስነድንቁርናን በከፍተኛ መጠን ሥራ ላይ ማዋል ጀምረዋል።

አባይ ፀሀዬ የአገራችን ግንባር ቀደሙ የስነድንቁርና ምሁር ነው። የጠ/ሚኒስትሩ ከፍተኛ አማካሪ በመሆኑ የሚያማክረውን ጠ/ሚ ጨምሮ በዙሪያው ያሉት ደናቁርት ድንቁርናቸው “በእውቀት ላይ የተመሠረተ እንዲሆን” ሌት ተቀን ይለፋል። ለምሳሌ የአዲስ አበባ ማስተር ፕላንን በተመለከት የሚሰጣቸው ገለፃዎችና ማስፈራሪዎች “በእውቀት ላይ የተመሠረተ ድንቁርና” ውጤቶች ናቸው። ትንተናዎችን ሲሰጥ ልብ ብላችሁ አዳምጡት። አባይ ፀሀዬ የሚናገራቸው ነገሮች የሰዎችን መሠረታዊ መብቶች መጋፋታቸው ቀርቶ “ህገ-መንግሥት” ተብሎ ከሚባለው ሰነድ ጋር የተጣሉ መሆናቸው “በእውቀት ላይ በተመሠረተ ድንቁርና” ሸፋፍኗቸው ያልፋል።
ሳሞራ የኑስ ለድንቁርናው “መከላከያ” የፕሮፌሰርነት ማዕረግ አግኝቷል። ሳሞራ የመከላከያ ኤታማዦር ሹም ሆኖ እያለ ስለፓለቲካ በድፍረትና በልበሙሉነት የሚፈተፍተውም የተመሰከረለት የስነድንቁርና ምሁር ስለሆነ ነው።

ስነድንቁርና መረጃዎችን ይሻል። ከተቻለ ያሉትን መረጃዎች አዛብቶ ይጠቀማል፤ አሊያም ይፈጥራቸዋል። ለምሳሌ ኃይለማርያም ደሣለኝ የ 2015 ምርጥ የዓለም መሪ የሆነበት መረጃ እንደተገኘ ሁሉ ማለት ነው። እንዳይበዛ በዚህ ልቋጨው እንጂ ብዙ ምሳሌዎችን ማቅረብ ይቻል ነበር።

መልካም የገና በዓል።

About Aseged Tamene
Your rights are your security. When you, 'give up your rights for security", it's not security you get, but slavery.'

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: